خواطر وأخبار نهاد رجب

شعور الندم بيحقق النتيجة السلبية #نهاد_رجب

شعور الندم بيحقق النتيجة السلبية

وده مبدأ بشوفه كتير بالذات مع كل واحد عايز يخس .. ولاحظته في الناس اللى بتاكل ومبتتخنش !

اكتشفت ان اللى عايز يخس ومش عاجبه حاله ، بيندم قبل ما بياكل وبيندم وهو بياكل وبيندم لما يخلص أكل ..

الجماعة التانية من الناس اللى بنحقد عليهم ، مبيندموش ، والعجيب في الموضوع ان اغلب الناس اللى بتتبارد مع الحياة بتاخد اللى هي عايزاه في الاخر .. بياكلوا ومبيندموش على الاكل الكتير اللى كلوه ، بيعملوا كل حاجة هما عايزينها من غير ما بيندموا وفي النهاية مبيحصلهمش حاجة ! هتلاقيهم بيستمتعوا بالاكل وبياكلوا براحة ومش حاطين في دماغهم حاجة.

كام مرة شوفت واحد بيسوق بلا مبالاه ومبيحصلوش حاجة ، وعلى العكس تلاقي واحد بيخاف يجري ولما بيعملها بتحصله مشاكل وكإن الكون بيثبتله صحة أفكاره مهما كانت ..

لما تاكل ، متندمش ، بص يا عم انت كده كده تخين ، فكل باستمتاع ومتفكرش في الكالوريز اللى بتدخل جواك مع كل قطمة هريسة بتاكلها ، مش فارقة ، استمتع ومتفكرش ، الاكل هيلاقي طريقه يتحرق جواك بيها ، ندمك مش هيقدمك وكمان هيأخرك ..

لما تعمل حاجة اعملها باستمتاع ، لما تاكل ، كل واستمتع بالاكل ، عايز في النهاية (بعد عمر طويل) تقول انا كلت كل اللى انا عايزه ولا تقول انا كنت بعيش على الخضروات ؟ في الحالتين النهاية حتمية بس الفرق ان فيه واحد هيموت وعلى وشه ابتسامة كبيرة .

‫#‏يا_راجل_كبر_مخك‬
‫#‏نص_كيلوا_كالوريز_لو_سمحت‬
‫#‏وهاتلي_قلب_لا_داب_ولا_حب_ومعاه_شوربة_كوارع‬

مقالات مرتبطة

أعزائي متابعين الصفحة الكرام قريبا سيتم عرض فيدي...
views 217
أعزائي متابعين الصفحة الكرام قريبا سيتم عرض فيديو خاص لدكتور محمد خطاب أستاذ علم النفس بجامعة عين شمس الفيديو من ضمن فعاليات كورس ممارس التنويم بال...
And When there is an opportunity .. i do not hit !...
views 60
And When there is an opportunity .. i do not hit ! It hits all by itself #bruce_lee Source
خواطر نفسية فيسبوكية
views 2877
  خواطر نفسية فيسبوكية 1- الشخص غالبا مابيتبع التعليق الأول او التعليقات الأولى في رأيها عن البوست ، وممكن تعليق واحد يغير احساسك بالبوست او رأ...
وهم المستقبل ل نهاد رجب
views 1264
    في الحياة ديه فيه ناس مستعدة تضحي بحياتهم علشان تعيش المستقبل اللى عايزينه الناس ديه متقدرش تعيش المستقبل لانه لو جيه مش هياخد...
Hi all Well I’ve just arrived at the Unite...
views 294
Hi all Well I've just arrived at the United States , Albuquerque , and I'm offering free sessions for nearby neighbors . Call me at studio 6 , osu...
لكل سهم طلوعه ونزوله وأي شاطر في يوم بينخفض سهمه ...
views 193
لكل سهم طلوعه ونزوله وأي شاطر في يوم بينخفض سهمه مش علشان مبقاش شاطر بس علشان يحصل توازن ويظهر حد جديد وتتكرر الدايره وده عدل ، وإلا كان الغني فلوسه...
من فتره حكيت اني كنت في كورس بلغه مختلفه وكان الكو...
views 161
من فتره حكيت اني كنت في كورس بلغه مختلفه وكان الكورس طويل جدا في مدته لدرجه اني في وسط يوم من ايام الكورس ، هلوست لمدة ثواني وتخيلت ان المدرب الامريكا...
كنّا طالعين جبل موسى ، في سانت كاترين من أسبوع او ...
views 438
كنّا طالعين جبل موسى ، في سانت كاترين من أسبوع او اكتر . عشرات من الناس عايزين يوصلوا للقمة لسبب ما . كل واحد عنده هدفه . الجبل ارتفاعه ٢٣٠٠ متر وصعود...
تامر حماده ، شاب قدر انه ينزل وزنه حوالي 40 كيلوا ...
views 68
تامر حماده ، شاب قدر انه ينزل وزنه حوالي 40 كيلوا في خلال سنه ، الراجل لا راح جيم ولا عمل دايت ولا كل اكل نباتي بس . الراجل بس فكر وقرر وخد خطوة . ت...

Leave a Comment