أسرار النجاح

في الألم القوة وفي الألم الحياه #نهاد_رجب مقالة لـ نهاد رجب

سنة 1985 ، دان اريلي – مؤلف كتاب توقع لا عقلاني- كان بيتعالج من حروق من الدرجة التالتة على مستوى جسده بالكامل . وحكى تجربته مع العلاج ووصفها بالمؤلمة ، لكنه وبسبب ان جسمه كان متغطي بالكامل تقريبا بالملصقات الطبية ، اكتشف ان الممرضات لما كانوا بيزيلوا الملصق الطبي من على الحرق بسرعه كان بيتألم أسرع من لو كانوا بيشيلوا الملص الطبي من على الحرق ببطىء ..
 
يمكن ده يكون عكس كل الافتراضات المسبقة في عقولنا واللى قولنا في مثل مشهور “وجع ساعة ولا كل ساعة” بس طبقا لدان اريلي وأبحاثه عن الألم اكتشف ان الوجع الممتد اقل تأثيرا وحدة من الوجع اللى بييجي وبيختفي اسرع .. والاغرب من كده ان ليه كمان فوايد !!
 
من فترة قصيرة ، كانت بتجيلي نوبات ألم في ضرسي ، وكنت بحاول اتعامل معاها بالتنويم الإيحائي وتقنيات نفسية تانية لإني شوية بحاول ابعد عن العلاج الدوائي ، وده مبدأ خاص بيا ، وكان الوجع بيختفي بس بيرجع تاني ، وكل ما بيرجع كنت ببدأ احس بالألم من أوله ، وبدخل في معاناه جديدة ووجع جديد ، لحد ما بدأت انساه ، بطلت حتى استخدام التقنيات النفسية ، وبدات استحمل الألم وانشغل لحد ما بدأت اتعود على وجوده وفجأة أصبح مبيسببليش أي إزعاج من أي نوع .. هو موجود بس انا ببساطة مش حاسس بيه ، وبكده بدأ يختفي حرفيا من ادراكي في كل اوقات يومي ، بسبب تجنبي للتفكير في طرق معالجته السريعة .
 
اكتشفت ان الألم كل ما بتاخدله مسكن بيختفي فترة ، وبتفضل متوقع حدوثه مرة تانية وده بيخلي تأثيرة أعنف في كل مرة بتحس بيه فيها .
 
وهنا وصلت لاستنتاج ان الضربة الأولى السريعة بتكسر ، لكن استمرار الضرب بيعيد التشكيل .
 
وهو ده اللى انا اللى انا أقصده بفوايد الوجع الأطول ، بمعنى انك لو جبت ازاز وعرضته للنار هيتكسر ، لكن لو عرضته للنار لفترة أطول هتقدر تشكله بطريقة أفضل ، وخد نماذج اكتر من كده .
 
تعرضنا للألم شىء مهم جدا ، لكن محاولتنا المستمر على ايجاد حلول سريعة للتخلص من الألم هو الخطأ الحقيقي اللى بنرتكبه .
 
بعد كده بدأ اخد الموضوع بتعمق اكتر على مجالات تانية حياتية ، اكتشفت ان من نعم ربنا علينا هو الألم ، وانا عارف ان الكلام ممكن يكون غريب ، بس فكر فيه
 
الألم في التمارين الرياضية هو اللى بيشكل جسمك
الألم في المرض بيقوي جهازك العصبي ومناعتك
الألم في المذاكرة بيشكل تعلمك
الألم في الحب بيقوي قلبك
الألم في الظروف بيزود حكمتك
 
حط كلمة الألم قبل أي شىء هتلاقي فوايد غريبة جدا وكبيرة جدا انت مكنتش واخد بالك منها وبتغفلها بالمسكنات السريعة .
 
ربنا عز وجل لما خلق الناس وزع الابتلاءات بشكل يحفظ الحياة على وجه الأرض ، كل انسان بيتألم والفرق في طريقة تعامل الناس مع الألم ، هل بيقدروا يولفوا السعادة من الألم ويدركوا حكمة الله عز وجل من الألم وبيفكروا في ازاي الألم الحالي بيحسن من صحتهم بعدين او حتى من علاقاتهم الاجتماعية او بيقربهم كمان من أهدافهم ؟
 
المرة الجاية اللى تتألم فيها افرح ، لأن أمرك كله خير ، اسأل نفسك “انا بتحسن لإيه ؟ ” ، “انا بتشكل أفضل لإيه ؟”
 
الألم حدوثه حتمي ، والتشكل اللى هيحصلك شخصيا ولحياتك حتمي ، بس اللى بيحدد الاتجاه الايجابي او السلبي للتعلم هو الشخص الفاهم والعارف والمتعلم والأهم من كل دول “المؤمن” اللى يقدر يشوف الخير ويحدد هدفه ، ويقع ويقوم ويقع مليون مرة ويقوم تاني علشان يوصله . لإنه بمنتى البساطة أراده ..
 
وافتكر “وعسى أن تكرهوا شيئا وهو خير لكم”
 
اضحك وافرح واشكر واتعلم
لإن في ألمك حياه
 
ويومكم أجمل من يومي
 
نهاد رجب

مقالات مرتبطة

تعلم كيف تستوعب الكتاب اسرع دون قراءة ! لـ نهاد رج...
views 10674
قد يبدوا عنوان المقال غريبا جدا هذه المرة ولكن قبل إصدار أحكام دعني أخبرك أسرار زيادة إستيعاب محتوى الكتب بأساليب إحترافية جدا دون إطلاق أسماء مثل الق...
بلاها منطق وعيشها بدماغك مع نهاد رجب...
views 3099
  النهاردة كنت بعمل القهوة ، وكل ما كنت بصب القهوة في ايدي كانت بتدلق مابين صوابعي . وبتقع على الارض .    انا عارف انت بتفكر في ايه ، واي...
فكر كموجة وكيف يمكنك تحقيق الحظ بطرق علمية ومبسطة ...
views 3385
  هل تؤمن بالصدفة ؟ ان كنت تؤمن بالصدفة فالصدفة لا تؤمن بك وانا ايضا لا أؤمن بها .. دعني اسألك سؤال ، بالنظر الى الصورة المرفقة ، تجد عمودا م...
التسويق : اهزم منافسك بالصمت لأن انتصاره سيبدأ عند...
views 5873
اهزم منافسك بالصمت لأن انتصاره سيبدأ عندما يعلو صوتك ضده . التسويق الاجرامي هو انك تستخدم المنافس للتسويق لبضاعتك ومنتجك وده ممكن يحصل بشكل مدرو...
الاجابة أقرب من خلالك – نهاد رجب...
views 1245
لو بحثت عن عينك ف جسمك بعينك ، هل هتعرف تلاقيها ؟ مستحيل ! الحل هنا هو انك تدور على مراية وتبص على نفسك علشان تقدر تشوفها .. فتلاقيها وتبدأ تعجب بجم...
الخوف من المستقبل ل نهاد رجب...
views 6490
التفكير بشكل سلبي هو الطريق الاسرع في تسويق المنتجات خصيصا في مصر . يعني تشتري عربيه انت مش عايزها علشان لو حصلها حاجه تقدر تبيعها ! او متشتريش ...
هل تحيا من أجل السعادة ؟ #نهاد_رجب...
views 1301
هل تحيا من اجل السعادة ؟ ام تسعد كي تحيا ؟ بعض الناس يستميتون من اجل الحصول على جرعات مؤقته لا تسمن ولا تغني من جوع ، فإن حصل على جرعته المطلوبة ،...
اتريق قبل ما حد يتريق عليك
views 4450
  اتريق قبل ماحد يتريق عليك مقالة جديدة لنهاد رجب من فترة اتكلمت عن كسر المعارضة وازاي تقدر تغير طريقة تفكير حد لما يلاقيك بتفكر زيه وكانت...
اسرار الولاد-Boyes Code
views 2989
عارف انت لما تلاقي بنت بتكلمك بطريقة معينة وتستخدم مصطلحات معينة في الكلام ، وتبقى انت هارش وعارف هيا عايزة ايه ، وكل ده عن ايه وليه ، بتبقى ساعات في ...
الوعي الجسدي ؟! ماهو وكيف يفهمك جسدك وكيف تصل للوز...
views 19679
قام شستر ، عالم النفس الشهير بالحديث عن مايسمى بال BC او وعي الجسد ، فلقد أثبت شستر أن أجسادنا ماهي الا أجهزه ريسيفر تقوم بالتفاعل معنا كما ولو كانت ع...

Leave a Comment