الإقناع والتأثير

من ضمن طرق التسويق انك تتابع بعض الناس .. #نهاد_رجب

من ضمن طرق التسويق انك تتابع بعض الناس ..

يعني ايه الكلام ده ؟
كلنا عارفين شخص ما في حياتنا ، تقيل في اعجابه بالاشياء ، صعب انك تشد انتباهه ولسانه طوب وهو بيقولك “ايه القرف اللى انت لابسه ده” ، بتيجي عليك لحظات بتبقى عايز تخنقه بس استنى متموتوش دلوقتي هتحتاجه بعدين .. ليه بقى ؟

نفس الشخص ده لو شافك وقالك حاجة حلوة بعد كده عن هدومك ، هتبقى فرحان وهتنبسط اكتر من اي وقت تاني ، وأكتر من أي حد تاني قالك نفس الجملة .

حتى الشخص اللى انت بتكرهه ده ، مصداقيته عندك أعلى بشكل لاواعي من أي حد تاني ، فانت بتحاول دايما تشد انتباهه وكإنك دخلت منافسة معاه .. دايما بتحس انه افضل منك لإنه ببساطة مبيعجبوش العجب ..

ايه علاقة ده بالتسويق ؟

فيه بعض الناس طبيعتهم كده ، لو حاجة شدت انتباههم فانت لازم تتأكد ان الحاجة ديه هتنجح بلا شك ، ومجموعة الناس ديه اما هتلاقيهم شغالين في مؤسسات براتب او شغالين عند مؤسسات ببلاش وهما نفسهم مش عارفين الكلام ده .

بمعنى ؟ انت في البداية بتحدد المنتج بتاعك ، وثانيا بتحدد نوعية الناس اللى انت مهتم انهم يشتروا المنتج بتاعك ، وبتبدأ ت Stalk them ، وتراقبهم في كل بوست بيكتبوه ، في كل فيديو بينشروه ، الخ ..

بتجمع معلومات عن النمط الخاص بنوعية المشاركات بتاعتهم ومنها بتبدأ ت Tailor اعلان موجه ليهم انت عارف انه هيشد انتباههم لانك عرفت النوعية ديه او ال segmentation ده عايز ايه وبيشده ايه بالظبط ..

الموضوع خلص ؟ لا مخلصش ، خلال مشاركتهم في بعض الناس اللي بتلاقيهم بيعلقوا عندهم ، الناس ديه غالبا هتلاقيهم بيلحسوا منهم اي حاجة ، منبهرين بيهم يعني ، اهو الناس ديه بقى هما الناس اللى هيفيدوك وهيوافقوك ويروحوا معاك لانك كسبت مصداقيتهم لما كسبت الناس اللي بيمثلولهم مثل أعلى او قدوة .

اهو اللفة ديه علشان في النهاية تصطاد المستهلك بطريقة غير مباشرة تحققلك ربح ونتيجة احسن بكتير من الاعلانات الكتير اللى ممكن تدفع فيها ملايين .

يعني انت شغلت الناس عندك وهما حتى ميعرفوش انت مين .

نموذج مثلا : عايز شبابك يكونوا سنهم كام ؟ من 10 ل 15 مثلا ؟ حط رومانسيات وزود المحن ، وشوف مين بيشارك الهري ده واستهدفه في اعلاناتك .

طيب عايز ناس معاهم فلوس بس ورثوها ابا عن جد ؟ حط بوستات عن العباقة والأصالة والتاريخ واديله فيها ايحاءات انك بتميزه عنصريا عن باقي الخلق التانية ، ده هيشدهم

لو عايز ناس معاهم فلوس بس تعبوا واتنفخوا علشان يجيبوها ؟
اوعى تعمل اللى عملتوا مع الورثة ، دول ليهم طرق تانية

وهكذا بتفكر لحد ما تفهم ايه نوعية الناس اللى انت هتستهدفهم وازاي توصلهم .. ده طبعا على السوشيال ميديا ، لكن في الحياة الخارجية فهتلاقي الكلام اختلف وعدتك هتختلف ساعتها …

فكر وابدع وهتلاقي نتيجة هايلة .

والسؤال هنا : الفيديو ده “جلسة العصبية”
https://www.youtube.com/watch?v=85Nst4oXA9A
هيشد انهي كاتيجوري من الناس وليه ؟

والفيديو ده :
https://www.youtube.com/watch?v=oeMNOic9-kA
هيشد انهي كاتيجوري من الناس وليه ؟

والفيديو ده :
https://www.youtube.com/watch?v=gRopR-H2ApI

هيشد انهي كاتيجوري من الناس وليه ؟

بدون التطرق للمحتوى

وايامكم حلوة

نهاد رجب

مقالات مرتبطة

سحر العقل..والاقناع النفسى
views 2327
  كتير بتكلم عن التنويم الضمني وفن الاقناع والتاثير النفسي ، وعن تقنياته ، والمرة ديه بتكلم عن السلطة العليا ، ازاي احنا اتصممنا علشان نتبع اي ح...
افتراض الترتيب .. افتراضات لغوية علاجية – نه...
views 908
  تستخدم الافتراضات لتوجيه الاشخاص للتفكير بشكل ما ، من خلال تعريضهم لكلام له اكثر من معنى او يحث العقل على استنتاج العديد من المعاني .. على سبي...
فن الاقناع النفسى بالتنويم الضمنى وكسر المعارضة...
views 910
  كسر المعارضة . خليني اختبر سرعة بديهتك ، هقولك حاجة ومن اجابتك هتعرف حاجة جديدة النهاردة .. لما اقولك : 3 + 3 ... اغلب الظن انك هتقول...
فن الاقناع والتأثير النفسي
views 5267
انك تدخل جوة دماغ الشخص الي بتكلمه وتفهم نفسيته وتعرف ازاي ممكن تتعامل معاه وتشوف الدنيا بعين مختلفة ، عين فاهمة ، عين عارفة وعين بتقدر تقيم ، ده ممكن...
اعادة تعريف- براعة الفم- تويم ضمنى...
views 2291
  اسمه حسن ، رايح خامسة ابتدائي بس شكله اصغر من سنه بكتر ، كتير بلاقيه وانا طالع او وانا نازل ، بيساعد ابوه وامه في شغل العمارة اصل والده البواب...
استخدام انماط جورج بوليا للتعرف على المعتقدات وتحو...
views 3174
  عمرك سالت نفسك ليه الناس بتصدق اللي بتصدقه حتى لو كان غير حقيقي او منطقي او حتى حقيقي ، بس ليه الناس بتصدق حاجات وحاجات تانية لا ؟ ليه بعض الن...
فن الاقناع والتواصل الفعال
views 879
  الإقناع ، مهارة عايزينها، حتى انت ، ممكن علشان كده بتقرى المقالة ديه دلوقتي او هتهتم انك تعرف ان فيه برنامج لفن الاقناع والتواصل هيبدأ قريب ، ...
تقنية الاقناع بالارباك والقولبة #نهاد_رجب...
views 1198
  اقناع وتأثير نفسي من أكتر الاعلانات اللى بحب فكرتها هي اعلانات PicPac الاعلان بالكامل بيستخدم تقنيه نفسة من تقنيات التنويم الضمني بتعتمد على...
عايز تنيم حد ضمنيا؟ ثبتة
views 1495
  بيقولوا ان التنويم الايحائي صعب ، وان الواحد لو نام ممكن يقول اسرار خطيرة المفروض ميقولهاش ، او انه ممكن يموت او يدخل في غيبوبة ، او ينسى مثلا...
الحقيقة وراء ادراك الواقع والاشارات #نهاد رجب...
views 997
  الغريب في الناس انهم بيفكروا دايما في الصورة النهائية بيشوفوا الصورة الكامله وبيحكموا عليها وبينسوا تماما التفاصيل . انك تشوف واحد معاه ...

Leave a Comment