خواطر وأخبار نهاد رجب

#لو_انا_منك #نهاد_رجب

#لو_انا_منك
 
1- لو شوفت حد عنده مشكلة جسدية ما ، مش هتعاطف معاه واحسسه انه ناقص حاجة ، ومش هبصله بشفقة واقول في سري “الحمد لله الذي عافانا” ، لو عندي اي مشكلة ممكن اتجنبه بسهولة .
 
2- لو شوفت حد محتاج ، مش هكلمه عن نعم ربنا عليا ومش هقوله اني تعبان زيه ، انا هتصرف بطبيعتي واكون قائد ليه بشكل غير مباشر ، علشان اوجه انه يطلع من مشكلته وكإني معرفهاش ولو قدرت اساعده هساعده قبل مايطلب مساعدة علشان يحس ان ربنا شايفه وعارف اللى هو فيه وبيفتحله ابواب رزق خفي ومش هخليه يحس انه نزل من نفسه علشان يطلب مساعدة مني .
 
3- لو لاقيت حد بيكرهني لإني أذيته بشكل ما وبيحكم عليا بالغلط ، هطلعه ذكي وفاهمني كويس ، مش هدافع عن نفسي واخليه يكره نفسي لما يعرف انه هو اللى كان غلطان .. هريحه لإنه محتاج يتأكد من انه احسن مني ، وهخليه يشوف ويتأكد انه احسن مني علشان يرتاح ويتطمن .. تغيير رأيه ونفسيته تجاهي بعد كده ديه حاجة لله عز وجل مش ليا .
 
4- لو حد كانت افكاره مختلفة مع افكاري هتجنب اننا نتكلم فيها ، ولو هو اتكلم فيها هحاول ادور على سبب تمسكه بالأفكار ديه ، يمكن يكون فيه سبب انساني هو منسجم معاه وانا مش عايز ابوظ عليه لحظته ، ساعتها هحاول اوجد نقاط للتوافق معاه ، ولو لاقيته بيختلف معايا لغروره ، مش هحاول امنعه حتى لو معايا كل الحجة والمنطق ، صدقني انت مش عايز تكسر واحد مغرور ، انت متعرفش انت ممكن تجرحه ازاي بكلمة منك . ربنا يشفي غروره بطريقته هو الشافي ، اما احنا فاحنا بنتعامل معاه على اساس انه عنده حالة نفسية مختلفة ، لو هنقدر نلاقي نقاط توافق معاه ، هنكلمه ولو مقدرناش هنتجنبه بسهولة .
 
5- لو انا عندي مشكلة جسدية ما ، حتى لو انا متصالح معاها ، هحاول اخبيها ، مش نقص مني او ضعف ، ولكن لإننا امرنا اننا نظهر كل جميل ، لو عندي اي مشكلة ، انا مش هحب ان الناس تدعمني او افرضها على الناس لأي سبب ، على الأقل مش عايز حد يتفتن في خالق المظهر اللى هو شايفه بسببي . من حقي اني اتصالح مع مشكلتي ، مش من حقي اني افرض على الناس رؤيتها ومش من حق الناس انهم يتعاطفوا معايا لاني مش محتاج منهم حاجة .
 
6- أهدافي وطموحاتي لنفسي ، مهما كان الانجاز اللى انا عملته كبير ، هقوله لأمي او لاخواتي او لأهلي المقربين ، وأي حد تاني هقوله باقتضاب لما اتسأل عنه او يكون في سياق .
 
7- مش هسأل الناس اسألة تعجيزية زي “متجوزتش ليه” ، “هو ابنك ليه اتاخر في الكلام” ، او افكر الناس بانجازتهم الماضية واهدافهم الغير محققة .
 
8- لو حد قالي انه تعبان وعنده مشاكل ، هكلمه عن مشاكل الناس التانية الاول علشان يعرف انه مش لوحده ، والطريقة ديه لوحدها بتريح ، الجزء التاني اني اقوله ان اكيد فيه ناس كان عندهم نفس المشكلة وانها مش اكتشاف ، الجزء التالت اني اشجعه يحاول يخفف تأثيرها والرابع اني اشجعه يعالجها تماما .
 
9- انا مش احسن من الناس والناس مش احسن مني ، كل الموضوع انك بتيجي عليك فترة بتحس فيها وبتتيقن ان ربنا بيجرك لحاجة وبيفتحلك ابواب كتير ليها ، ولناس تانية فيه ابواب بتتفتح لفرص تانية مختلفة ، العدل متساوي ، فيه حد قدر يشوف وحد لسة مخدش باله ، فمش هقلل من أي حد بيقولي انه عايز يبقى رائد فضاء واخليه يفكر في الأبواب بتاعتي انا ، انا بس هشجعه على هدفه ولو غيره هشجعه على هدفه الجديد ولو غيره هشجعه على هدفه الجديد .. انا مليش دعوة إيه الصح وايه الغلط ، المهم يكون الشخص هو اللى مقتنع .
 
10 – هتعلم من الكبير والصغير ، هتعلم من الخبير والمبتدىء ، لو سمعت كلام سمعته كتير مش هتنفخ واقول ان الكلام ده قديم ، هسمعه وكإني بسمعه لأول مرة ، حتى لو نصيحة من طفل ، هعمل نفسي مهتم وهثبتله اني باخده بكلامه .
 
ولا انتوا رأيكم ايه ؟
 
يومكم أجمل من يومي
 
#نهاد_رجب

مقالات مرتبطة

اوعى تستقل بحد عنده هدف وميعرفش انه هتقابله عقبا...
views 21
اوعى تستقل بحد عنده هدف وميعرفش انه هتقابله عقبات وهيفتكرها حاجات طبيعية انه ممكن يقع وفاضي كفاية انه يبدأ من جديد مبيسمعش لكلام الناس مهما صرخوا ...
ضاعف شعورك مقالة جديدة ل نهاد رجب...
views 3831
  لما تفرح اتنطط وصرخ بصوت عالي لما تنبهر اندهش وبرق وخد نفس عميق واكتمه لما تزعل ازعل وعيط لما تحب ، بالغ في حبك ولما تضحك ، اتمرمغ على...
حبة شغف على رشة مغامرة وندعة تشاؤم وشويه تفاؤل وكت...
views 78
حبة شغف على رشة مغامرة وندعة تشاؤم وشويه تفاؤل وكتير تزهد وكومة ايمان = نجاح Source
التنويم الإيحائي بالعربي .. قريبا جدا سوف يتم اط...
views 13
التنويم الإيحائي بالعربي .. قريبا جدا سوف يتم اطلاق أكبر وأول بوابة في الشرق الأوسط للتنويم الإيحائي وممارسي التنويم الإيحائي وتقنيات الدعم النفسي ا...
غدا ان شاء الله ميعاد حلقتكم الأسبوعية مع برنامج ا...
views 208
غدا ان شاء الله ميعاد حلقتكم الأسبوعية مع برنامج اليوتيوب "وعلم آدم" الحلقة عن أسرار خاصه للنساء وكيفية التعامل معهم #وعلم_آدم هو برنامج اسبوعي...
تشرفت بزياره الفنانة شمس الكويتية لي بمركز لايف ان...
views 262
تشرفت بزياره الفنانة شمس الكويتية لي بمركز لايف ان بالانس اليوم . واستمتعت جدا بالحديث معها ومناقشه بروتوكولات التنويم الإيحائي وقريبا تعاون رائع جدا ...
قواعد مؤقتة لفهم الحياة متستعجلش على الظن السىء ...
views 2126
قواعد مؤقتة لفهم الحياة متستعجلش على الظن السىء بالناس .. كل خير بيتحول وكل شر بيتغير وكل حق بيتشوه وكل باطل بيمحق ، مفيش حد بيستمر على حاله ومتصدقش...
خبر هام | حصول المدرب نهاد رجب على الجائزة الفضية ...
views 2129
خبر هام 🙂   حصل المدرب والمعالج والمدون نهاد رجب على جائزة اليوتيوب الفضية لتخطي عدد مشتركي قناته ال 124 الف مشترك من دول العالم أجمع . ...
مفاجأة ! اعلم انك رأيت هذا الإعلان .. وقد تمرره ...
views 268
مفاجأة ! اعلم انك رأيت هذا الإعلان .. وقد تمرره بدون اهتمام او قد تشعر بالاهتمام فجأة .. لست متأكدا ، لا أنا ولا أنت .. فقد تظن انك صاحب القرار ولكن...
اثناء تطبيق احد المقنعات على مذيعة السوشيال ميديا ...
views 400
اثناء تطبيق احد المقنعات على مذيعة السوشيال ميديا في برنامج القاهرة اليوم أمس . نهاد رجب Source...

Leave a Comment