خواطر وأخبار نهاد رجب

فطرة الإنسان – الجنة #نهاد_رجب

مشكلة الإنسان انه عايز يعيش منفصل عن المشاكل والأخطاء والسلبية
هو بشكل فطري بيدور على الجنة
من غير ميعرف هيا إيه
هو عايز يوصلها
 
الجنه والجحيم مسميات متجلية في الدنيا بأشكال متعددة وكل واحد ليه إدراكه ليها
 
يمكن علشان كده وصفت الجنه بما لا عين رأت ولا أذن سمعت ، لإن وصف محدد ليها هيقلل من قيمتها ، لكن إتاحة الخيال في عملية تصوير الجنه وتكوينها بيخليك أكثر حماسة ليها ، لإنك على الأقل هتحط فيها اللى انت عايزه حتى لو كانت آخر كولكيشن لعرايس باربي ، عيش يعني “ما لم يخطر على قلب بشر”
 
بنعيش الجنه والنار في الدنيا ، حاجة عاملة زي انك تكون طفل ويجيلك عربية بريموت كونترول ، طبعا هي مش عربية حقيقية ، وملهاش أي مقارنة مع دودج جديدة ، بس انت بتاخد فكرة . ربنا بيديلك فكرة من كل حاجة .
 
بيديلك فكرة عن الجنه بالنعيم اللى موجود في حياتك
وعن النار بالابتلاءات اللى بتعيشها
 
بيديلك فكرة عن عدله ورحمته ، فكرة بسيطة في الدنيا ، بحجم العربية اللى بالريموت ، لكن الأصل مختلف ومش هتصدقه ، ضرب الأمثال في القرآن علشان نفهم وندرك ، ومهما حاولنا اننا نقرب الصورة مش هنقدر . مفيش مقارنة .
 
بالفطرة انت بتبحث عن الجنه وبتهرب من النار ومن كتر هروبك المستمر بتنسى انت بتهرب علشان ايه ، بتركز على الهروب من ، وبتنسى الهروب إلى ، فبتقع بين الاتنين في فجوة لا هي جنة ولا نار ، انت بتكون تايه مش عارف ولا فاهم معنى لحياتك .. لانك نسيت ، فبتعيش حياتك أعمى وانت مفتح عينك ، وبتكتشف في النهاية انك متقدرش تشوف الجنة لإنك مش فاهمها ، هتفهم انك مش هتشوف غير اللى تقدر تفهمه ، وعلشان تفهمه لازم تعيشه وعلشان تعيشه لازم تكون خططتله ، وعلشان تخططله لازم تكون أدركت وجوده ، وعلشان تدرك وجوده ، لازم تسلم نفسك وتسيبها لربنا يوجهك ، تدخلك البسيط هيأخر إدراكك لجنه حياتك ، وهيوقفك عن التخطيط لحياتك علشان توصلها وبالتالي مش هتقدر تعيشها وفي النهاية لو دخلت الجنة مش هتفهم هي ايه .
 
ربنا عز وجل بيلخص كل ده في تلات كلمات “ففروا إلى الله” .. 3 كلمات يمكن يكون فيهم الحل من احساسك بالضياع والكسل واليأس والإحباط .. هروبك من النار ، خلاك مربوط في ساقية ، مهما مشيت ، بتلاقي نفسك بتلف وبتخدم نفس الشىء اللى انت بتحاول تهرب منه . ربنا عز وجل حطلك هدف ، واتجاه ، لو بس تحط ال 3 كلمات دول في دماغك في كل أزمة تقابلها .. والله حياتك هتتغير .
 
ففروا إلى الله
 
ويومكم اجمل من يومي
 
#نهاد_جب

مقالات مرتبطة

اللهم إن رسلك أخبروني بأنك أنت الشافي وانا مؤمن بك...
views 132
اللهم إن رسلك أخبروني بأنك أنت الشافي وانا مؤمن بك وبأنبياءك ، اللهم اشفي كل الناس . اللهم إنَّا لا نعلم شاف غيرك ولا رزاق غيرك ولن نعبد غيرك فياشافي ...
عقلك الباطن مفيهوش قدرات غير محدوده ! عقلك الباط...
views 191
عقلك الباطن مفيهوش قدرات غير محدوده ! عقلك الباطن ملوش قدرات اصلا .. عقلك الباطن بيستخدمك كوسيط للوصول لأهدافك .. هو بس يعرفك اكتر منك .. يعني تقد...
Test
views 227
Test Sent from my iPhone
قريبا محاضرة “أهل الخاصة” اجتماع خاص ب...
views 220
قريبا محاضرة "أهل الخاصة" اجتماع خاص بالتنويم الإيحائي لممارسين المتقدمين والمحترفين للتنويم الإيحائي . معلومات وأسرار لا يمكن بأي شكل تداولها في كو...
ضاعف شعورك مقالة جديدة ل نهاد رجب...
views 3833
  لما تفرح اتنطط وصرخ بصوت عالي لما تنبهر اندهش وبرق وخد نفس عميق واكتمه لما تزعل ازعل وعيط لما تحب ، بالغ في حبك ولما تضحك ، اتمرمغ على...
– عايز اسافر – اوكي ، روح شركة سياحة ...
views 83
- عايز اسافر - اوكي ، روح شركة سياحة واقطع تذكرة وخليهم يعملولك الفيزا - انت مش واقعي وعايش في خيالاتك ، بتبيعوا كلام وأوهام للناس - اهدى طيب ، ايه...
والحمد لله انتهيت من برنامج اليومان “فن الاق...
views 92
والحمد لله انتهيت من برنامج اليومان "فن الاقناع والتأثير" مع مجموعة جديدة من الحلوين واللي انبسطت بكل أسئلتهم ووعيهم العالي الجميل وان شالله اشوفك...
الشيخ عائض القرني كان بيحكي عن قصه طريفة عن واحد ر...
views 49
الشيخ عائض القرني كان بيحكي عن قصه طريفة عن واحد راح لشيخ فقاله : ياشيخ لقد زنيت بإمرأه فحملت مني قال له الشيخ : لماذا لما تعزل عنها حتى لا تبوء...
مين قالك ان القطة مريحة والفار مزعج ؟ الاتنين وهم...
views 46
مين قالك ان القطة مريحة والفار مزعج ؟ الاتنين وهما صغيريين نفس الحجم تقريبا الاتنين حيوانات غير مفهومة ، مريبة ومضرة في بعض الاوقات هل ده لان القطه...

Leave a Comment