خواطر وأخبار نهاد رجب

الصدفة في حياتي لـ نهاد رجب

فن تحقيق الوفرة

الصدفة في حياتي

reflecting on my life

اكتشفت ان الصدفة ليها وجود عجيب لو مهتم اعرفها لو مش مهتم تقدر تقراها وكإنك مش مهتم وكده

انا عندي 29 سنه ، واسمي نهاد رجب ، مكنش ليا اي ارادة في اختيار اسمي ، (واضح طبعا) ..

بس انا بكلمكم دلوقتي من اللاب ، بعد 29 سنة ، متجوز من سنة ونص تقريبا ، مدرب للتنويم بالايحاء ومؤسس منهج التنويم الضمني ..

في البداية … لا لا ولا اقولكم .. في النهاية قصة جوازي كانت صدفة

غادة سمعتلي جلسة بالصدفة ، شافتني عالفيسبوك بعدها بشهور بالصدفة ، كلمتها بالصدفة ، وطلعت ساكنه جمبي صدفة . وكانت قبلها بكتير في محاضرة بالصدفة وواحد صديق قالها تحضرلي صدفة وهي محضرتش برضه بالصدفة ..

— قبلها بشوية …

التدريب ..

كنت في محاضرة مع صديق ليا بالصدفة ، واختارني المدرب اقول كلمة بالصدفة ، فاتعرفت على التوستماسترز بالصدفة واتعلمت التدريب بالصدفة .. شافني كذا منظم بالصدفة ، قابلني ناس في كورسات بالصدفة ، وبدات ادرب بالصدفة ..

— نرجع بضهرنا شوية اكتر ..

التنويم بالايحاء ..

في 2006 اتفركشت خطوبتي الاولى بالصدفة ، ومشيت في شارع عجيب بالصدفة ، اتصادفت مع واحدة ست قاعدة بالصدفة ، وبتبيع كتب لاقيتها صدفة ، وسط الكتب عنيا وقعت بالصدفة على كتاب لدكتور ابراهيم الفقي بالصدفة ، وبالصدفة اكتشفت ان الكتاب بيتكلم عن مشاكل كانت عندي ، حبيت دكتور ابراهيم ولاقيت موقعه على الانترنت بالصدفة ، بعت لمنظمين دوراته ايميل وقالولي انهم شافوه بالصدفة ، اتفقنا ، وقالولي اختار اي كورس تحرضه لدكتور ابراهيم الفقي ، فاخترت التنويم بالايحاء بالصدفة ..

— وقبلها بحبة …

تصميم مواقع الانترنت …

كنت مع مصطفى علي بالصدفة ، دخلنا انترنت كافيه بالصدفة ، واتفتح قدامنا باب ال Free website templates بالصدفة ، حسيت ان ده المجال بتاعي بالصدفة ، ودخلت فيه بالصدفة ، اتكعبلت في موقع للشعر العربي بالصدفة وبعتلهم ايميل بتصميم جديد لموقعهم وبرضوا شافوا الايميل بالصدفة .. وافقوا على تصميمي وبدات اتعرف بالصدفة على عملا تانيين كانوا عايزين يصممموا مواقعهم برضه بالصدفة ..

— قبل كده بشوية ..

اكاديمية المقطم قسم لغات وترجمه ..

انا جبت في ثانوية عامة 65% ، وبالصدفة دخلت خدمه اجتماعيه ، ومعجبتنيش فخرجت منها واتفقت مع ابويا الله يرحمه اني مش هكمل غير كورسات كمبيوتر واسافر برة مصر ، ابويا وافق ، وبالصدفة ابويا مات في نفس اليوم ، قررت ادور على اكاديمية واكمل تعليمي وبالصدفة سمعت عن اكاديمية المقطم للكمبيوتر ، ودخلت المعهد بالصدفة ، وعرفت بالصدفة ان مجموعي اقل من كمبيوتر ، فبالصدفة كان فيه واحد من الادارة معدي بالصدفة ، عرض عليا ادخل لغات وترجمة وقبلت ودخلت انجليزي بالصدفة ..

— قبل كده بشويتين …

اتولدت لأب مصري وجد تركي في عيله يملؤها الاتراك وبالصدفة كان اسم نهاد مشهور ، فسموني نهاد .. وعشت حياتي بعدها مستاء من اسمي العجيب اللى يدي على ولد وبنت ومسلم ومسيحي …

بس خلونا نقرا الصدفة …

لولا ان ابوي مات مكنتش اكاديمية ولولا ان الراجل الاداري معدي مكنتش دخلت لغات وترجمه مكنتش عرفت انجليزي ، ولولا اني عرفت شوية انجليزي ولولا الانجليزي واننا انا ومصطفى دخلنا الانترنت كافيه اللى في شارع خيرت ، مكنتش دخلت في تصميم مواقع الانترنت اللى كل كورساته بالانجليزي ولولا اني بقيت مصمم مواقع انترنت مكنتش عرفت اعيد تصميم موقع دكتور ابراهيم الفقي واخد كورس من كورساته ولولا اني فركشت قبلها بحبه ومشيت من الشارع العجيب مكنتش شوفت كتاب دكتور ابراهيم الفقي ، ولولا انهم شافوا الايميل مكنوش بعتولي ولولا اني اخترت التنويم بالايحاء مكنتش عملت جلسات تنويم ولولا الجلسات والتنويم واني كنت مع صديقي في المحاضرة ديه مكنتش قدرت ادرب ولولا اني بدات ادرب بعد ماعرفت التوستماسترز والسي سي تي طبعا مكنتش عملت قناة ليا على اليوتيوب وعملت فيها جلسات تنويم بالايحاء ولولا كل ده مكنتش غادة سمعتني في جلسة على الانترنت واتجوزنا ..

كل ده وعايز تقنعني انه ده كان صدفة ؟

لحظة واحدة : لولا ان اسمي نهاد ، مكنتش اتميزت عن باقي المدربين التانيين بالاسم ، واغلب الناس عارفة ان اسمي كان السبب في سهوله تذكره وبالتالي كان اسهل الوصول ليا .

مفيش صدفة 🙂

 

نهاد رجب

مقالات مرتبطة

Test
views 229
Test Sent from my iPhone
ليه كل ما اشوف شحات دماغي تعتقد في لحظه انه واخد ا...
views 50
ليه كل ما اشوف شحات دماغي تعتقد في لحظه انه واخد الشحاته مهنه ؟ او لو حد قالي انه مش معاه فلوس يروح افهم في ثانيه انه نصاب ؟ او لو حد قالي انه عند...
من صغري كنت بحب اقلد الناس .. كنت بحب اشوف الناس ا...
views 69
من صغري كنت بحب اقلد الناس .. كنت بحب اشوف الناس اللي بتعمل حاجات مفيده او عجيبه بالنسبه لي واقلدهم .. التقليد فطرة اتولدت معانا .. من اول ما بنتولد...
كل ما تريد هو ملك لك وكل ما تحتاجه لم يكتب لك وك...
views 4419
كل ما تريد هو ملك لك وكل ما تحتاجه لم يكتب لك وكل ما تعلو عليه يأتيك ما هو أفضل منه وكل ما تعطيه للناس يأتيك مضاعفا تمسك الدنيا باليمنى اذا أعطيت...
الآن يمكنك الاستماع مجانا الى احدى جلسات المدرب نه...
views 108
الآن يمكنك الاستماع مجانا الى احدى جلسات المدرب نهاد رجب “مجانا | للبنات فقط | جلسه التخسيس وربط المعدة بالتنويم الإيحائي” وهي جلسه تحاكي عملية رب...
خلال ايام هنفتح باب الحجز لكورس نوفمبر .. العدد ال...
views 60
خلال ايام هنفتح باب الحجز لكورس نوفمبر .. العدد المرة ديه مينفعش يستمر ويتمدد زي اخر مرة في تجربة أكبر كورس للممارس التنويم الإيحائي في الشرق الاوسط ....
من كام ما يوم عملت جلسة تنويم لمستفيدة بدأت كلامها...
views 236
من كام ما يوم عملت جلسة تنويم لمستفيدة بدأت كلامها بصراحة معايا انها جات بتوجيه اختها وأنها كانت رافضة تيجي وأول ما دخلت المركز قالت ان الموضوع نصباية...
الأحباب بالأردن 🌷🌷 سعيد جدا للاهتمام المتزايد من ...
views 179
الأحباب بالأردن 🌷🌷 سعيد جدا للاهتمام المتزايد من الإخوة بالأردن لحجز محاضرة "الاقناع والتأثير النفسي" اشوفكم على خير في المملكة الاردنية ، فندق ايا...
دقايق ونبدأ 🙂 #عمان #دبلوم_التنويم_الإيحائي ...
views 77
دقايق ونبدأ 🙂 #عمان #دبلوم_التنويم_الإيحائي #نهاد_رجب Source
صباح الخيرات .. منشن حد قوله “انا لسه فاكر ا...
views 88
صباح الخيرات .. منشن حد قوله "انا لسه فاكر الخير اللي انت عملته علشاني" انشر الخير بكلمة طيبه 🙂 Source...

Leave a Comment