الإقناع والتأثير

أن تؤمن أم أن تقتنع ؟! لـ نهاد رجب

عارف امتى تشك في وجود الله ؟
 
لما تكون مؤمن عن اقتناع !
 
لما حد يقولي انه مؤمن عن اقتناع ، بحس انه أخطر من الغير مؤمن ..
 
مؤمن عن اقتناع زي بالظبط حد يقولك “انا امبارح كنت هموت من الجوع” فتسأله “وعملت ايه ؟” فيقولك “شربت مية” .. تقوم قايله “يرحمكم الله”
 
دايما بيخلط الناس ما بين الاقتناع والإيمان ..
 
فيه مقولة مشهورة لأحد الفلاسفة فيما معناها ان (كل معتقد لازم تشك فيه … حتى المعتقد ده) “جرب كده”
 
يعني مفهوم الاقتناع نفسه لا يرقى انك تقوله لما توصف احساسك ناحية الوجود الالهي .. “انا مقتنع بوجود ربنا” جملة في حد ذاتها – غير انها لا ترقى – فهي ايضا متناقضة ..
 
معنى انك تكون مقتنع فده معناه انك في نفس الوقت حاطط فرضية الشك دلوقتي او بعدين .. فهل انت مقتنع ام غير مقتنع ؟! هتقولي مقتنع ؟ هقولك ده معناه انك بتحمل جواك شك !
 
ليا صديق اسمه محمد رأفت ، في مرة زمان قالي متقولش بعد ما تقرا الآية “صدق الله العظيم” فقولتله ليه يعني ؟! باستنكار بقى وكده . فرد عليا وقالي انت مين علشان تشهد بأن الله صدق ؟! مع ان الرد كان مفحم بس انا مرضتش اصدقه ، دورت على الانترنت فعلا لاقيت انها مش من أصل ديننا ، وانا عارف ان بعض منكم برضه هيستغرب ، بس يعني سيدنا محمد صلى الله عليه وسلم واللي ربنا نزل عليه القرآن مكنش بيقولها ، ولا الصحابة ، بقينا احنا نقولها وكإنها مش بس من الدين ، داحنا ممكن نفتكرها آخر آية في السورة !
 
نرجع لموضوعنا الاساسي .. طيب الإله نقتنع بيه أم نؤمن ؟
 
الإيمان من شروطه انك متعملش فيه عقلك ، ولا قلبك بالمناسبة ، ولا روحك ونورانياتك وطاقتك والكلام ده ، الإيمان أسمى من كل ده . الإيمان معناه انك تقر بدون تفكير ، الإقرار هنا هو انك تخضع وتسلم قلبا وقالبا دون منع او كبت لأي فكرة ، الإيمان مختلف تماما عن الاقتناع .. ولو انت إيمانك مبني على الاقتناع ، تبقى كإنك بتقول انا عامل فلوسي من بيع الهوا في اكياس بلاستك … مفيش علاقة .
 
فلو انت مؤمن بربنا لانك لاقيت معجزة الارقام في القرآن او لانك اكتشفت ان طريقة خلق الإنسان المذكورة في القرآن مطابقة للعلم الحديث فالخبر السىء هنا انك تعيد تفكير لإن ده مش هنسميه إيمان هنسميه اقتناع وده الخطر اللى بقولك عليه … ليه بقى ؟
 
عايزني اقنعك ؟
 
لو حصل ان جم العلماء اكتشفوا اكتشاف ما ، لاقيت ان اغلب اللى انت كنت مقتنع بربنا بسببه طلع غلط … هتصدق مين يابرنس ؟ العلم طبعا . ليه العلم طبعا لان ده اللى اقنعك في البداية ، فانت كإنك بتعبد ربنا على حرف ..
 
طيب ده كلامي ؟ لأ ده كلام ربنا عز وجل ، طبعا انا مش متخصص والبوست ده مش بوست ديني بالمناسبة هو بوست ليه علاقة وجذور في فن الاقناع والتأثير النفسي ، بس ربنا عز وجل قال في سورة الحجرات الآية رقم “14” ( قالت الأعراب آمنا قل لم تؤمنوا ولكن قولوا أسلمنا ولما يدخل الإيمان في قلوبكم وإن تطيعوا الله ورسوله لا يلتكم من أعمالكم شيئا إن الله غفور رحيم )
 
وطبقا لتفسير الطبري ، فهنا معناها ان الايمان قول وعمل وليس قول فقط ، ورجع لآية في سورة ص وقال “وأخبرهم أن المؤمنين الذين آمنوا بالله ورسوله ثم لم يرتابوا”
 
ثم لم يرتابوا .. والاقتناع فيه ارتياب ولا مفيهوش ؟
 
طيب ازاي توصل لمرحلة الإيمان ؟ افتكر الاية واضحة فيما يخص أن الإيمان قول وفعل ، مش جهر بالإيمان .. يعني مش لما تلاقي نفسك صليت الجمعه وطبطبت على دماغ طفل صغير شحات واديته نوجه وحسيت شوية انك استشيخت فتقوم كاتب على الفيسبوك “انا مؤمن بالله” ، رأيي الشخص ان الايمان ده وصف الله على اللى بيرضى عنهم ، وفي النهاية الإيمان درجات .
 
الإيمان انك متسمعش من علم ، ولا حتى دين .. الإيمان هو إيمان الرضيع اللى جاي للدنيا ميعرفش عنها حاجة غير أمه ، عرفها ازاي ؟ متعرفش ! بس هو عارف . مفيش مجال للشك ولا الارتياب ولا مستني حد يقنعه انها امه ، الإيمان ان لو العلم يكون بيحاول يلاحق الدين ، مش الدين هو اللى يلاحق العلم .
 
هتقول عليا جاهل ؟! هقول عليك …. واحد 😀
 
وأهو .. اللهم إني أشهدك أنني أؤمن بك ، حتى ولو اختلف عليك الناس والعلم .
واستغفرك عن تقصيري بالعمل .
 
يومكم أجمل من يومي ويومي أجمل بيكم
 
نهاد رجب

مقالات مرتبطة

5 خطوات لكشف كذب الآخرين لـ نهاد رجب...
views 6078
قبل أن نبدأ دعونا نتفق "إن بعض الظن إثم"  وهذا معناه عزيزي القارىء أن هذه الخطوات التي أنا بصدد أن أعرضها عليك ، ومهما بلغت من علم ولكنها في النهاي...
استخدام انماط جورج بوليا للتعرف على المعتقدات وتحو...
views 3177
  عمرك سالت نفسك ليه الناس بتصدق اللي بتصدقه حتى لو كان غير حقيقي او منطقي او حتى حقيقي ، بس ليه الناس بتصدق حاجات وحاجات تانية لا ؟ ليه بعض الن...
فن الاقناع والتأثير النفسي
views 5270
انك تدخل جوة دماغ الشخص الي بتكلمه وتفهم نفسيته وتعرف ازاي ممكن تتعامل معاه وتشوف الدنيا بعين مختلفة ، عين فاهمة ، عين عارفة وعين بتقدر تقيم ، ده ممكن...
تأثير الغموض فى الاقناع النفسى...
views 1364
  واحد كان بيشتغل في شركة أمريكية وخلاص عايز يسيبها علشان يروح شركة تانية ، المفروض انه بيقول انها احسن وانضف وحتى بيدوا فلوس اكتر ، بس علشان ي...
عايز تنيم حد ضمنيا؟ ثبتة
views 1496
  بيقولوا ان التنويم الايحائي صعب ، وان الواحد لو نام ممكن يقول اسرار خطيرة المفروض ميقولهاش ، او انه ممكن يموت او يدخل في غيبوبة ، او ينسى مثلا...
كيف تسأل وتحصل على الإجابات التي تريدها ! لـ نهاد ...
views 5946
التحدث عن فنون الإقناع والتأثير النفسي دائما ما يثير إعجاب الناس ، ليس فقط لأنك تجد مجموعه من التقنيات القوية والتي يمكنك إستخدامها بسهولة ولكنك أيضا ...
فن الدعوة نهاد رجب
views 731
  لو بتحاول تهدي حد للصلاة ، بلاش تقوله لو مصليتش هتدخل النار وتخوفه من الثعبان الاقرع ! كإنك بتقوله "معلش استحمل طعم دوا الكحة المر علشان متموت...
الاقناع :ميزة الاذن اليمنى فى التأثير...
views 1541
  طبقا لبحث إيطالي جديد غريب من نوعه، اثبت البحث انه اذا اردت ان يوافق شخصا ما على ان يعطيك سيجارة على سبيل المثال فاطلبها منه وانت تتحدث الى اذ...
فن الاقناع بالتحفيز
views 2419
   كنا بنتكلم عادي جدا مجرد اصدقاء مفيش بيننا اي حاجة غير انها بتحكيلي واحكيلها ، وفي وسط كلامنا قالتلي انت عارف ، في واحد عايز يخطبني ، وكل شوي...
الالغاء والافتراضات في زرع الافكار والتوجيه بالتنو...
views 799
  خد بالك من اللقطة الجاية : عايزك تقرى اللقطة ديه بعناية وتتخيل اي حاجة " أ : شوفت ياعم الي حصل ؟ امبارح قفشت سعيد وسعاد مع بعض (مع غمزة)...

Leave a Comment