أسرار النجاح

سوق حياتك واقرى الطريق #نهاد_رجب

عارف انك لما تيجي تسوق العربية في البداية بتحصلك مشاكل كتير
فلان بيكسر عليك
البني آدم ده زنقك
الطريق وقف فجأة وكنت هتخبط في اللي قدامك بس ربنا ستر
مطلع عالى العربية بطلت منك ، منزل مرتفع ، معرفتش تتحكم في العربية فيه
الخ
وتبدأ تحصلك مشاكل كل مرة تسوق ، لحد ما فجأة ، وحرفيا فجأة تلاقي كل حاجة اختفت .
مبقاش فيه حد بيكسر عليك
العربية مبطلتش على المطلع
وهكذا
وتبدأ تستغرب . نفس الشارع ونفس العربيات ونفس السلوكيات في السواقة ومع ذلك ، كل حاجة اختفت .
في حقيقة الأمر ، كل حاجة لسة موجودة بس بمنتهى البساطة انت اتعلمت السواقة مش اكتر .
الحياة كده ، مشاكل في مشاكل ، لكن في اللحظة اللى هتتعلم فيها انك تسوق حياتك ، هتكتشف انه فجأة ، وحرفيا فجأة ، هتلاقي كل حاجة اختفت ، بس في حقيقة الأمر هي مختفتش .. انت بس اللى اتعلمت السواقة ، انت اللى اتعلمت قيادة حياتك . ونفس المشاكل موجودة ونفس الناس بتتغير او مبتتغيرش بس اللى كان مسببلك ازمة زمان .. بمنتهى البساطة .. اختفى . حتى وهو قدامك .
وعلشان تقدر انك تتعلم السواقة . انت محتاج تؤمن بحاجتين :
– انك مبتعرفش تسوق
– انك بتتعلم
في بدايه تعلمنا للسواقة ، بتيجي علينا لحظات بنفتكر اننا جامدين ، واننا نقدر نعمل كل حاجة ، فبنجري وبندوس بنزين ، بناخد غرز في كل وقت ، بنتريق على الناس ، لكن المحترف الحقيقي في السواقة هو الشخص الوحيد اللى بيمشي في مساره ، بيكون مر بنفس مرحلتك كمبتدئ وشوية شوية بدأ يفهم ان السواقة الصح هي الوصول بأمان . هي تقدير المسافات ، هي قراية الواقع والشارع ، هي محاولة التنبوء بسلوكيات الاخرين وتبدأ تتفادها قبل ماتحصل . ساعتها هتلاقي ان حياتك بالكامل ماشية بنعومه ، في طريق مستمر ، هتجري بثبات ، هتكون اكثر تحكما بعجلة القيادة . الاهتزازات هتكون أقل لانك فهمت . وعرفت وقدرت الطريق والحياة والموارد .
ساعتها هتعيش حياتك بثبات ، من وقت للتاني هتزود ادرينالين فيها ، هتدوس بنزين حبة ، هتجرب تطلع من عربية قدامك بطريقة مختلفة . بس الشاطر هو اللى بيرجع على مساره تاني وبيجرب بس في الوقت المناسب .
علشان كده ، لازم تعرف ان الحياة هي الشىء اللى انت ماشي بيه ، وانت المتحكم ، اللى بيكتشف ان المشاكل بتتكرر هو الوحيد اللى مش بيتعلم ، ونسي الحاجتين اللى قولنا عليهم . اللى بيتريق على الناس وبيكلكس كل شوية علشان يعدي ، واحد مش قادر انه يقرى الطريق ويقيس مسافاته .
طول الوقت لازم تفكر ازاي تقدر انك تطور الشىء اللى بتتحرك بيه ، تفتكر انك تحطله بنزين علشان يكمل ، او بمعنى تاني ، تدور على الشغف والطاقة اللى هتحركه لقدام بسرعه ، ممكن تزود امكانيات ، ممكن تقوي الفرامل علشان لما تقرر تقف ، تقف من غير ماتتهز بيك العربية او تخبط في عربيات تانية قدامك وانت مش قاصد ، او بمعنى ادق ، تقف وتتحكم في حياتك ، من غير ماتخبط في حياة ناس تانية بسبب ان حياتك متهالكه ومش قادر تتحكم فيها .
انت من اول النهاردة ، جوا عربية ، فكر ازاي تقدر توظف امكانياتها لصالحك ، افهمها كويس ، اقرى الطريق اللى قدامك ، قيس مسافاتك ، واجري زي ماتحب . المهم ، لما تفرمل . تفرمل مكانك ومتخبطش حياة ناس تانية معاك .
يومكم جميل
#نهاد_رجب

[yith_wc_productslider id=5198]

مقالات مرتبطة

النظرية الجزء الاول
views 1903
  النظرية بتقول انك لو حبيت حد وكرهته علشان هو خاين مثلا ، فيه احتمال كبير انك تحبه تاني بس عمرك ماهتقدر تنسى الي حصل ، ببساطة السلوك ممكن يتل...
تعلم طريقة قوية تتخلص بها من الارتباط بشخص ما الجز...
views 5715
  جزء من كتاب "تغلب على الام الانفصال" هل تجد صعوبة في نسيان او تخطي شخص ما دخل الى حياتك ولا زال يأتي الى خيالاتك من آن الى اخر ؟ يمر الك...
انت السبب ، روشتة سريعة للنجاح...
views 2179
  بقيت لما تحصل مصيبه او كارثه في العالم بقول "ليه يانهاد عملت كده ، ليه كنت سبب في كده." ولما تحصل حاجه كويسه واسمع خبر حلو بحمد ربنا وبشكره وب...
الاستمتاع الحر ل نهاد رجب
views 1303
فيه حاجات الاجمل انك تسيبها اتعودنا نحب اللى معانا ، نستمتع بس باللي ماسكينه في ايدينا فقطفنا الورود علشان نمسكها ونحطها وسط كتاب والعصافير حطيناه...
بلاها منطق وعيشها بدماغك مع نهاد رجب...
views 3102
  النهاردة كنت بعمل القهوة ، وكل ما كنت بصب القهوة في ايدي كانت بتدلق مابين صوابعي . وبتقع على الارض .    انا عارف انت بتفكر في ايه ، واي...
صاحب الأيدي الملطخه بالدماء – مقالة لـ نهاد ...
views 2538
هل سمعت من قبل عن قصة "صاحب الايدي الملطخه بالدماء" ؟   هي قصة طريفة لا هدف منها غير إشعار الناس بالملل ، وتحكي باختصار عن سيدة يأتيها هاتف مزعج با...
في الألم القوة وفي الألم الحياه #نهاد_رجب مقالة لـ...
views 6834
سنة 1985 ، دان اريلي - مؤلف كتاب توقع لا عقلاني- كان بيتعالج من حروق من الدرجة التالتة على مستوى جسده بالكامل . وحكى تجربته مع العلاج ووصفها بالمؤلم...
انا المراقب ، انا المراقب انا المراقبة...
views 927
i'm the observer , the observed , the observation انا المراقب ، انا المراقب انا المراقبة راقب افعالك تتغير زي مابيتغير تنفسك لما بتراقبه راقب نفسك...
فن التحكم في المعلومات وتغيير الواقع...
views 1378
  امبارح عميلة بتكلمني من ضمن كلامها وبتحكيلي عن القلق والتوتر اللى بتعيشه في حياتهم ،  انها وجوزها كانوا في مطعم بيشتروا حاجات ، وشافت شاب شغال...
تعلم كيف تكسب المال من الانترنت ! لـ نهاد رجب...
views 10728
هل تريد عمل بعض المال الإضافي بلا مجهود كبير ؟  الانترنت يعتبر السلة التي تبيض ذهبا كل يوم ، بلا كلل وتعب ، وكلما نهلت من كنوز الانترنت كلما ازدت ا...

Leave a Comment