أسرار النجاح

قانون الجذب #نهاد_رجب

قانون الجذب

– يعني ايه جذب ؟ وايه قانون الجذب ؟
– الجذب يعني انك تفكر في شىء فيحصلك ..
– يعني اجذب اهدافي؟
– في الاغلب انت بتجذب “أحداث” اكتر ما بتجذب اهداف
– ايه الفرق بين الاحداث والاهداف ؟
– تخيل ان الهدف بتاعك وليكن ورقة على المية ، وانت بتحرك المية علشان تعمل امواج فتتحرك الورقة وتقرب منك بفعل الاحداث ” التموجات ”
– مانا طول عمري بفكر في اللى انا عايزه ومش بيجيلي !
– زي ايه ؟
– الفلوس مثلا .
– ده لإنك محتاج .. وبتعافر
– مش فاهم
– لو قدامك ، قطه مثلا .. جميلة .. ونفسك تلعب معاها ، طبيعي انك لو حاولت تقرب منها هتهرب منك ، لكن لو استغنيت وسبتها تنطلق هتقرب منك وهتقدر ساعتها بس انك تحصل عليها.
– وازاي الشىء اللى انا مش بسعى ليه هييجيلي؟
– انت بتسعى بس في اطار التموجات .. يعني انت بتظبط البيئة اللى حواليك علشان تكون جاهزة لاستقبال القطة .. تغريها انها تقرب منك ، مش انك تجري وراها على اساس ان ده سعي.
– طب مانا ممكن اجري وراها واجيبها ؟
– ولو مسكتها غصب ، هتخربشك وهتعورك وهتهرب منك وساعتها عمرها ما هترجعلك تاني
– طيب يعني استغنى عن الشىء اللى انا عايزه واجهز البيئة “التموجات” علشان يجيبلي الشىء ده ؟
– فكر في الموضوع ان اقدارنا كلها متشابكه ، زي لوحه التحكم كده ، لو دوست على ذرار هيعيد تنظيم باقي اجهزة اللوحة للاستقبال الامر الجديد اللى انت كتبته .
– طيب ليه القطة ممكن متجيليش في النهاية وانا مجهز البيئة كويس وراميلها اكل ومظبط المكان ؟
– لانك مش متناغم معاها .. غالبا القطة هتجيلك لو حست ان فيه شىء انت تشبهها فيه .
– زي ايه ؟
– زي ان يكون متعلق بيك ريحة قطه تانية .. علشان كده تلاقي اللى بيربوا قطط في البيت بيكونوا اكثر جذب لأي قطط جديدة بيشوفوها .
– قصدك اني اعيش اللى انا عايزه وكإنه حصل فبالتالي ده بيخليه يقرب مني ؟
– بالظبط .. لو انا عايز فلوس .. انا بتعامل مع الفلوس كإني حصلت عليها ، ساعتها الفرص الأكبر بتقرب مني .
– يبقى انا فعلا بحرك المية فالورقة بتقرب ، وتحريك المية هو مجاز لتجهيز البيئة المناسبة للشىء انه يقرب ، والشىء هيقرب لو حس اني شبهه او فيه حاجة فيا شبه الشىء ده .
– الله يفتح عليك .
– انا خفت لما قولتلي ان الشىء ممكن يخربشني ويإذيني ؟
– ده لإن الشىء لما يجيلك الموضوع مبيقفش ، انت لازم تتعلم ازاي تتعامل معاه .
– خدمه ما بعد الحصول عليه يعني .
– كلمة الحصول عليه نفسها مريبة ، متحصلش على الشىء ، فكر في انك تتناغم معاه
– ازاي ؟
– كل شىء في الكون ليه ذبذبات ، الجماد والارض والحيوان والنبات والانسان ، والاشياء ديه مسخرة لينا ، هي نفسها موجه البحر ، مش بنستعبدها لكن بنستخدمها زي موجه البحر علشان تقرب مننا ، في اللحظة اللى هنستخدم صح الادوات المتاحة لينا هتساعدنا وهتقربلنا اللى احنا عايزينه .. الدنيا مبتجيش لمحتاج ، بتيجي للمستغنى ، لو انت فعلا مستغنى وقررت انك تستغنى لكن في نفس الوقت مرحب بالافضل ، هتكون مرشح كويس علشان تستقبل اللى انت عايزه .
– وازاي استغنى عن شىء انا عايزه ؟
– خليك اعلى منه عن طريق انك تسموا في احتياجاتك وتكون قيمتك الاعلى هي الله ، ساعتها كل حاجة انت عايزها هتحصل كأعراض ثانوية .
– بس انا مش مقتنع ازاى الشيئ المعنوى يؤثر على الشيئ المادى !!! يعنى لو (فكرت) فى عربية بهدوء وثقة هتيجى بصراحة مش هاضمها ( Mohammed Joy)
– مين قال انك لو فكرت في عربية بهدوء وثقة هتجيلك ؟ مش هيحصل الا لو الواحد كان واقف في وسط الشارع وباصص للعربية بهدوء وثقة لحد ماتجيله في وشه
غلط طبعا ! الشاهد انك تحرك الامواج اللى انا شبهتها بالجماد والحيوان والانسان والارض اللى ربنا سخرهم علشان كل واحد فيهم ، تحرك الامواج يعني تجهز البيئة ، تشتغل “تحرك” والاحداث هتجذبلك اللى انت عايزه

‫#‏نهاد_رجب‬

للمزيد حول قانون الجذب تابعوا مستر محمد زكرياTrainer mohamed zakaria المدرب محمد زكريا

مقالات مرتبطة

كيف استطاع “بتاع الفريسكا” في الوصول إ...
views 5031
مؤخرا تناول الإعلام صورة لأحد الشباب الرائع ، خريج هندسة ، ويقوم ببيع الفريسكا "حلوى مصرية - اسكندرانية" للعامة . ولكن ما أثار انتباه الناس هو هندم...
الرضا والتقبل .. الطريق الاسرع للنجاح مع نهاد رجب...
views 1343
  يوم الجمعة اللى فاتت بعد صلاة الجمعة ماخلصت والناس اتفرقت ، شوفت اتنين ماشيين قدامي واحد منهم بيعرج والتاني بيسنده ، فهمت من النظر انه غالبا...
صاحب الأيدي الملطخه بالدماء – مقالة لـ نهاد ...
views 2538
هل سمعت من قبل عن قصة "صاحب الايدي الملطخه بالدماء" ؟   هي قصة طريفة لا هدف منها غير إشعار الناس بالملل ، وتحكي باختصار عن سيدة يأتيها هاتف مزعج با...
تعلم لغة كاملة اثناء نومك ! التعلم نائما وطرق التأ...
views 10175
اهلا بيكم ، انا نهاد رجب اهلا ومرحبا بيكم في حلقة جديدة من حلقاتي على اليوتيوب ، والنهاردة هكلمكم عن موضوع ممكن يكون غريب بس مؤخرا الابحاث الامريكية ...
قوة الافكار وتأثيرها في حياتنا للنجاح مع نهاد رجب...
views 1809
         كانت تستعد لاقامة حفل خطوبتها في نفس يوم الاحتفال بعيد ميلادها السادس والعشرين، سوف ترتبط بشخص ما أحبته بشدة ، لم يتجاوز عمرها ال 26 بع...
فن التحكم في المعلومات وتغيير الواقع...
views 1380
  امبارح عميلة بتكلمني من ضمن كلامها وبتحكيلي عن القلق والتوتر اللى بتعيشه في حياتهم ،  انها وجوزها كانوا في مطعم بيشتروا حاجات ، وشافت شاب شغال...
طريقة لحل المشكلات
views 1642
  ركز معايا المشكلة كلها اننا لما بنطلع اربع ادوار بنطلع اول دور وبنقول طلعنا دور من 4 ادوار والحل اننا لما نطلع اول دور ويتفضل 3 ادوار .. نقو...
تخلص من المشاعر السبية بالتحكم في اهواءك .. نهاد ر...
views 973
تحكمك في شهواتك ، تحكمك في نفسك والبعد عن الضعف قصاد المحرمات او الملذات ، هو في حد ذاته بيضمنلك النجاح في اي مشكلة نفسية بتواجهها . فلو كنت على سب...
عن العنوسة اتحدث… للبنات فقط .. من راجل زي أ...
views 10493
  للبنات فقط .. من راجل زي أخوكي العنوسة مشكلة تواجه بنات كتير .. بس هل هي فعلا مشكلة ؟ خليني اقولك من واقع معاملتي لناس كتير ، ازاي ديه ممك...
جربها ، روشتة سريعة للنجاح
views 3514
  #جربها انا عندي #قدرة كبيرة وغريبة على اني .... ضع مكان النقط ما تريد تصديقه ، قل الجملة بحماس واقتناع ،رددها،صدقها وشاهد #المعجزة تتح...

Leave a Comment