أسرار النجاح

الاستمتاع الحر ل نهاد رجب

فيه حاجات

الاجمل انك تسيبها

اتعودنا نحب اللى معانا ، نستمتع بس باللي ماسكينه في ايدينا

فقطفنا الورود علشان نمسكها ونحطها وسط كتاب

والعصافير حطيناها في اقفاص

والافكار خبيناها في عقولنا

والكتب ، ركناها عالرف

المهم انها تكون موجودة

حتى الاماكن ، لازم نصورها ونتصور فيها علشان نمتلك صورتها ونسينا ان الاهم هو الاستمتاع بلحظتها

ومتعلمناش ان فيه نوع تاني من الاستمتاع احسن بكتير

الاستمتاع الحر .. هو انك تحب من غير قيود ، انك تمسك بعنيك ، انك تحفظ بعقلك ، انك تستمتع بقلبك انك تقدر اللحظة بكيانك .. النوع ده من الاستمتاع افضل مليون مرة من انك تمتلك بإيدك .. الاحساس المادى اللى اقتنعت انه النوع الوحيد اللى بيضمنلك الاستمتاع بالشىء .. ونسيت مع الوقت اهم انواع الاستمتاع وهو الاستمتاع الحر .

لما تفهم المفهوم ده هتكتشف انك مش محتاج تمتلك ، وان مجرد رعايتك للحظة الحالية بيديلك احساس اقوى واطول امدا من وهم التملك ، بنجري ورا الشىء علشان نحصل عليه وعقلنا بيخدعنا ان ده الاسلوب الوحيد للفرحة :

هستمتع لما اتجوز
هستمتع لما امتلك
هستمتع لما احصل على

انتوا عارفين ايه اللى بيخليني استمتع ؟
بستمتع بضحكة طفل مبسوط
من غير ما اساله مبسوط من ايه
انا بستمتع
بستمتع بعربية مش بتاعتي لمجرد اني شوفتها
بستمتع بحياة اتخلقت لشخص انا معرفش عنه حاجة
بستمتع بروح الاشياء ، بطاقتها
حتى لو مش ملكي

زي الطفل اللى بيضحك لما يشوف حد بيضحك ، وبيفرح لما يشوف حد فرحان ، بنتريق عليه ، بس هو نفسه مستمتع ، هو نفسه مش عارف ليه ولا هامه ، الاهم انه مبسوط .. ده ياسادة اسمه الاستمتاع الحر ..

حرر نفسك من التملك ، يجيلك كل شىء لحد عندك ، هتعرف انك وصلت للاستمتاع الحر لما توزع اللى معاك على كل الناس لمجرد ان استمتاعك بيكون في استمتاعهم .. هو ده الاستمتاع الحر ..

“حتى تنفقوا مما تحبون” 🙂

مقالات مرتبطة

قوة الافكار وتأثيرها في حياتنا للنجاح مع نهاد رجب...
views 1802
         كانت تستعد لاقامة حفل خطوبتها في نفس يوم الاحتفال بعيد ميلادها السادس والعشرين، سوف ترتبط بشخص ما أحبته بشدة ، لم يتجاوز عمرها ال 26 بع...
النظرية – الجزء الاخير- كن قدوة...
views 914
  اولا لمحتوى المقالة ارجوا من القراء عدم قراءة المقالة الا في حالة التقبل الشديد لكلامي والمصطلحات الي هستخدمها وده لان فيه حاجات ممكن تتقال مت...
في الوقت اللي كلهم هيجمعوا انها نهايتك ووقوعك....
views 693
في الوقت اللي كلهم هيجمعوا انها نهايتك ووقوعك. وانت بتقع وقبل.ماركبتك تتعفر بالتراب ، اسند بايدك وقوم تاني خليهم دايما يحسوا انك مبتخلصش ، لسه ع...
الدليل الى النجاح .. كن نفسك .. نهاد رجب...
views 1407
النجاح يختصر في كلمتين ، وهما انك تكون نفسك مش هتنجح باتباعك للقوانين ، دايما اللى بيخرج عن القاعدة هو اللى بيستمر وبيبدع مش هتنجح بنمطيتك وتحجرك م...
لما بفكر في كم الاعتقادات اللي كانت عندي واتغيرت...
views 992
لما بفكر في كم الاعتقادات اللي كانت عندي واتغيرت والقناعات اللي اتبدلت وبتفكر في واقعي ساعتها لما كنت مصدقها بكتشف ان كل إنسان بيقيس الدنيا على نفس...
حب اهدافك وافكارك
views 2072
تجربة ف معلومة النهاردة اكتشفت حقيقة فكرة كانت بتجيلي من فترة للتانية .. اني لو حبيت فكرة معينة وعشقتها واندمجت معاها عاطفيا ، هشوفها متجسدة في الدن...
حلول قرآنية للمؤمنين
views 2847
  لكل واحد بيقول ان الظروف هي السبب / (بَلِ الْأِنْسَانُ عَلَى نَفْسِهِ بَصِيرَةٌ وَلَوْ أَلْقَى مَعَاذِيرَهُ) لكل واحد شايف انه اقل من ال...
قوة النية في احداث التغيير نهاد رجب...
views 4470
  النية هي الحل الأمثل لكل من يرى ان هناك شيئا ما قد بات مستحيلا اعزائي المتدربين الكرام ، تحية طيبة ، اضع بين ايديكم اليوم امرا قد تجاهله ال...
الفقدان ومميزاته مع نهاد رجب...
views 2445
الفقدان من وقت للتاني بنصاب بفايروس قاتل اسمه فايروس التعود ، بنتعود الاكل اللى بناكله ، الشرب ، بنتعود الجسم اللى احنا عايشين جواه وبنتعود الناس ا...
ادعي وميهمكش #نهاد_رجب
views 5154
لما براجع سوره مريم بستغرب جدا من شيء سيدنا زكريا دعى ربه انه يرزقه وليا دون تحديد ذكر او أنثى لميراث حكمته وعلمه الشىء الغريب فعلا ان بعد ماربنا بش...

Leave a Comment