أسرار النجاح

استمتع بحياتك بدون تركيز مع نهاد رجب

لإننا ساعات محتاجين نبطل تركيز علشان نقدر نفهم
/ومحتاجين نبطل تفكير علشان نقدر نوصل للحلول
ومحتاجين نبطل رغي علشان نقدر نتكلم
ومحتاجين نبطل ضحك علشان نقدر نفرح

قمة الاستيعاب بتحصل للشخص اللى بيندمج ، بينفصل ، بيتعايش بعقله وكيانه
قمة الراحة النفسية بتحصل للناس اللى قررت انها تلغي وعيها وتبدأ تفكر بنوع تاني من التركيز ، أقوى وأعمق ، تركيز لاواعي ، فيه انت بتمنع اي محاولة لوعيك انه يتدخل علشان يفك رموز الكلام اللى بتسمعه او انه يدي معاني للمواقف اللى بتمر بيها ، ولما بتنجح ، بتكتشف انك بتستوعب اضعاف مضاعفة اللى كنت بتستوعبه من قبل .

اكتر كلام اثر فيك ، كلام انت سمعته من غير اي محاولة لفهمه ، من غير اي محاوله لترجمته ، كلام اتقالك في لحظة انت كنت فيها في حالة من اللاوعي اللى بتؤهلك انك تفهم بعد تاني من الكلام ..

لما اقولك انا بحبك ، ممكن تفكر وتفكر وتفكر وتعيد تفكير في معنى الكلمة ومسئوليتها عليك ، على احساسك بيها ، على معناها بالنسبة لي ، على صدقي وانا بقولهالك ، او ممكن بمنتهى البساطة تقبل الكلمة وتحس بيها وتدخلها جواك وتستشعر قوتها وتستفيد بيها ، ساعتها انت بتسمح لوعي اكبر بكتير من انه ياخد منك التحكم ويبدأ هو في التصرف لما تثق فيه وتؤمن بقوته وقدرته .

التركيز بيفقد الاشياء طعمها ، التركيز بيضيع وقتك وعمرك ، التركيز بينسيك حاجات كتير ، التركيز بيمنعك من انك تستمتع بكل لحظة انت بتعيشها ، التركيز الواعي ..

في احدى محاضرات المدرب محمد شاكر Mohammad Shaker احد اقوى مدربي القراءة السريعة في مصر ، قال جملة كانت في منتهى القوة ! لما تقرا بتركيز ، كلمة كلمة ، عقلك استيعابه هيقل ، لكن لما تقرا بسرعة وانت مقتنع من جواك انك بتستوعب هتكتشف ان استيعابك زاد اضعاف مضاعفة ..

الحل هنا هو انك تقرر ولو ليوم في الاسبوع انك تستمتع بكل حاجة بتتقالك او اي شىء بتاكله او اي موقف بتمر بيه بشكل مجرد جدا بعيدا عن اي تقييم او تفكير ، ايجابي كان او سلبي .

مع الوقت هتكتشف انك بتبدأ تستخدم وعي اعلى بكتير من الوعى البسيط العقيم اللى بتحاول تستخدمه علشان تفهم الدنيا من حواليك ، هتستخدم وعي اكبر ، وعي اجمل ، وعي انت بتستخدمه لما تسترجع آيات القرآن الكريم ، وتعيش مع الحالة ، ساعتها بتكتشف انك بتسترجع ايات اكتر بكتير لكن لو بدأت انك تفكر في كل اية وتحاول تفتكرها هتبدأ تتلخبط ، هتبدأ تنسى .

استمتع بكل لحظة بتعيشها ، اول ماتصحى من النوم ، وانت لسة مغمض عينك ، قرر من جواك انك تبدأ تلقائي Spontaneous وتبدأ مستقبل ناجح للاقتراحات ، قرر انك تدخل نفسك في حالة السعادة بوعيك ، وتعيشها ، وتبدا تعيش يومك وانت محاوط نفسك بالحالة بشكل واعي ، ساعتها هتبدأ تشوف الدنيا احلى ، وان اعتى المشكلات اللى كانت مسببالك ازمات نفسية ، في النهاية ليها حل . هتحس بمتعه . لما تبطل تركيز ، لما تمشي مع موجه الاحداث والكلمات ، لما تسمح لنفسك انك تبقى النغمة ، متبقاش البيانو . وتبطل تركيز ..

نهاد رجب
القاهرة

9/7/2014

مقالات مرتبطة

3 طرق خاصة للتخلص من العادات السلبية – لـ نه...
views 6776
هل لديك عادة سلبية وتريد التخلص منها ؟  قد يكون الأمر صعبا ، في حقيقه الأمر هو صعب ، فقد يتطلب بناء عادة ما أسابيع من الاستمرار أو أيام او حتى في ب...
لعنه النجاح الطفولي .. نافس الطموح وليس الأنجح .. ...
views 5202
متنافسش الناجح ، نافس الطموح والمستمر ، الطموح هو اللى هيوصل في النهاية وهو اللى بيضحك اكتر ، الشغوف والطموح هو اللى مبيقفش وبيعدي ..   يمكن اتكلمت...
خلي اللحظة تعيشك
views 1212
  لانك بتختصر حياتك في لحظات لانك بتختصر تجاربك في لحظات لانك بتختصر الناس في لحظات لانك بتختصر علاقاتك في لحظات فبتقول انها كانت اجمل لحظات...
اللى ناقصك .. مكتمل فيك .. دور عليه .. نهاد رجب...
views 1016
  الخير والشر ؟ الصح والغلط ؟    بتصدق في التضاد ؟    بتصدق في الشىء ونقيضه ؟    مينفعش ! لان المعنى وعكسه هو نفس الشىء ، ...
نبوءة القول: كيف يمكنك التحكم فى من يحبك...
views 5419
  نبوء القبول ببساطة بتقول : لما نفكر ان الناس هتحبنا ، بنتصرف بطريقة حميمية جدا فالناس بتحبنا اكتر ، ولما بنعتقد انهم مش بيحبونا ، بنتصرف ببرود...
انا المراقب ، انا المراقب انا المراقبة...
views 929
i'm the observer , the observed , the observation انا المراقب ، انا المراقب انا المراقبة راقب افعالك تتغير زي مابيتغير تنفسك لما بتراقبه راقب نفسك...
لا يكلف الله نفسا الا وسعها – سر قوي للنجاح ...
views 1377
ينظر الناس الى آية "لا يكلف الله نفسا الا وسعها" ويروا انها خلاصهم ومبرر كافي لكي يقولوا لأنفسهم "احنا عملنا اللى علينا" ويقولوا يارب لا تكلفني الا م...
أزاى تقدر تحفز نفسك
views 2072
كتير بنحتاج نعرف ازاي ممكن نحفز الناس ، علشان يتغيروا ويقدروا يعملوا حاجة احنا عايزينهم يعملوها .. طب نقدر نعمل ايه علشان نحفز نفسنا احنا ، ازاي تق...
بلاها منطق وعيشها بدماغك مع نهاد رجب...
views 3103
  النهاردة كنت بعمل القهوة ، وكل ما كنت بصب القهوة في ايدي كانت بتدلق مابين صوابعي . وبتقع على الارض .    انا عارف انت بتفكر في ايه ، واي...
الاجابة أقرب من خلالك – نهاد رجب...
views 1247
لو بحثت عن عينك ف جسمك بعينك ، هل هتعرف تلاقيها ؟ مستحيل ! الحل هنا هو انك تدور على مراية وتبص على نفسك علشان تقدر تشوفها .. فتلاقيها وتبدأ تعجب بجم...

Leave a Comment