أسرار النجاح

خلي اللحظة تعيشك

 

لانك بتختصر حياتك في لحظات
لانك بتختصر تجاربك في لحظات
لانك بتختصر الناس في لحظات
لانك بتختصر علاقاتك في لحظات

فبتقول انها كانت اجمل لحظات

لكن الحقيقة ان ديه اللحظات اللى انت قررت تختاره وتحبها
ويمكن تعيش احسن منها
ويمكن حتى اللحظات ديه لو فكرت فيها بوعي متكونش مهمة زي مانت متخيل
ويمكن كمان تبقى لحظات صعبة

لكنها في النهاية لحظات ، اوهمت نفسك انها مبتتعوضش

كوكاكولا قالتلك ان اللحظة مبتتعوضش
وفودافون بتقولك ان الثانية مبتتعوضش
واهلك بيقنعوك ان الفرصه مبتتعوضش
وانت شايف ان الناس مبتتعوض ، السن مبيتعوضش ، الصحة مبتتعوضش

ومقتنع من جواك ، اننا اتخلقنا علشان نكبر ونعجز حتى العلم نفسه اثبت ان المخ مش بيشيخ وان قدراته بتزيد مع الوقت في خلق خلايا وتجديد خلايا ومع ذلك انت مقتنع جدا ومكمل ان مستحيل حاجة ترجع . وان اهم لحظات حياتك خلصت وانك متجه نحو مستقبل مظلم وجسم ضعيف واهن ومشاكل لا حصر ليها مع التبول اللاارادي والنسيان وضعف القلب والكلية وغيره .

الاذكيا هما الناس اللى مبتعش على لحظاتهم القديمهم
الاذكيا هما اللى بيقدروا يخلقوا لحظات جديدة
بمزاجهم
بأسلوبهم

اللى فاهمين ان كل لحظة هي في حد ذاتها لحظه يقدر يستفيد منها ويقدر يخليها اهم لحظة في حياته لمجرد لحظة ولما بتنتهي اللحظة يقدر يخلق لحظة غيرها احسن .

خليك ذكي ،لو افترضنا الماضي مخلوق والحاضر مخلوق والمستقبل مخلوق ، قوي الحاضر وارعى الماضي وروض المستقبل .

خليك ذكي واصنع اللحظة اللى انت عايز تعيشها

خليك ذكي ولو خيروك مابين انك ترجع للحظة حلوة فاتت او تلتزم بالحاضر ، اوعى تختار الرجوع ، لانك في النهاية هتكتشف انك مكنش المفروض ابدا ترجع . وانها كانت مجرد اوهام . ساعتها مش هتسامح نفسك ، هتخسر الماضي اللى مش هتقدر تكمل فيه ، والحاضر اللى انت اتخليت عنه والمستقبل اللى انت دمرته ..

لو كان ليها قيمة مكناش سميناها “لحظات”

امتن للحظه
ارعاها
اتعلم منها
قوي اللحظات الجديدة
وروض لحظات المستقبل اللى مبتنتهيش

متعيش انت اللحظة ، خلي اللحظة تعيش معاك .

نهاد رجب
3/7/2014
القاهرة

مقالات مرتبطة

الإغواء – نهاد رجب
views 4766
  الإغواء هيا الكلمة الوحيدة اللي يفهمها كل الناس بنفس المعنى او بمعنى مشابه ، هيا الكلمة اللي الناس بتتفق على معناها مع طفل صغير بيصورها على ان...
خطوتين لزيادة سرعه وصولك إلى الوزن المثالي لـ نهاد...
views 11210
هناك العديد من برامج التغذية الموجودة في العالم وكل منهم يوعدك أن تصل إلى الوزن المثالي في أقل وقت ممكن !  كم تمنيت هذا عندما بدأت طريقي للوصول إلى...
ارحل وهاجر فالحل في الهجرة #نهاد_رجب...
views 2485
ارحل .. فالحل في الرحيل والهجرة في الهجرة الاجابة لكل تساؤلاتك هاجر فقد هاجر ابراهيم قومه فوجد الله هاجر خرج سيدنا محمد من مكه فدخل الناس في دين ...
1 + 1 = مصيرك
views 2035
تأمل في الكلام ده بتدور على الحقيقة ؟ ولا بتدور على الوهم ؟ الخطأ اللى بنعمله في حياتنا هو اننا بنحاول نكون في بحث مستمر عن الحقيقة ، وقليل أوي الل...
كيف استطاع “بتاع الفريسكا” في الوصول إ...
views 5031
مؤخرا تناول الإعلام صورة لأحد الشباب الرائع ، خريج هندسة ، ويقوم ببيع الفريسكا "حلوى مصرية - اسكندرانية" للعامة . ولكن ما أثار انتباه الناس هو هندم...
التسويق : اهزم منافسك بالصمت لأن انتصاره سيبدأ عند...
views 5876
اهزم منافسك بالصمت لأن انتصاره سيبدأ عندما يعلو صوتك ضده . التسويق الاجرامي هو انك تستخدم المنافس للتسويق لبضاعتك ومنتجك وده ممكن يحصل بشكل مدرو...
الفقدان ومميزاته مع نهاد رجب...
views 2447
الفقدان من وقت للتاني بنصاب بفايروس قاتل اسمه فايروس التعود ، بنتعود الاكل اللى بناكله ، الشرب ، بنتعود الجسم اللى احنا عايشين جواه وبنتعود الناس ا...
التغيير والتنمية البشرية
views 1305
نظريتي عن التغيير يمكن تكون مختلفة وسببت مجادلات كتير مع ناس كتير مزنوقة في التغيير باختصار انا مش مقتنع ان اللى عايز يتغير بيتغير ، اللى هو عبث فك...
عيش اللحظة الآن مع نهاد رجب
views 952
  التفكير بشكل سلبي هو الطريق الاسرع في تسويق المنتجات خصيصا في مصر . يعني تشتري عربيه انت مش عايزها علشان لو حصلها حاجه تقدر تبيعها ! او ...
إنتشها
views 1379
زمان كانوا بيخلونا نبص على ترابيزة عليها شوية حاجات وتحت الحاجات ديه فيه مفرش يقوموا جايين عند المفرش وينتشوه فجأة فالمفرش يطلع والحاجات الي فوق الترا...

Leave a Comment