أسرار النجاح

الاجابة أقرب من خلالك – نهاد رجب

لو بحثت عن عينك ف جسمك بعينك ، هل هتعرف تلاقيها ؟ مستحيل !

الحل هنا هو انك تدور على مراية وتبص على نفسك علشان تقدر تشوفها ..

فتلاقيها وتبدأ تعجب بجمالها وبشكلها او تستغرب لتفاصيلها ، لكنك في النهاية بتلاقيها بس بعيد عنك ، ومع الوقت بتنسى معلومة مهمة جدا .. ان عينك موجودة جواك انت ..

ده اللى بيحصل لما تحاول تدور عن شىء باستخدام نفس الشىء اللى انت بتدور بيه عنه ..

هسهلها عليك ..

كتير مننا بيحاول يدور عن وعيه ، عن نفسه وذاته ، وبيبدأ يدور عليه في كل مكان ، في الكتب ، في الاسئلة والاشارات ، في السما ! لكنه مبيفكرش انه بيستخدم الوعي والنفس والذات علشان يدور عليهم وده بيخلي رحلته تطول ، لكن لو وقف لحظة وفكر ، هيكتشف ان الاجابة موجودة في نفس الوقت اللى بيسأل فيه وبيدور عليها .. الاجابة موجودة في اللحظة اللى بتسبق السؤال ، وأي اجابات هتيجي بعد السؤال هي مجرد أوهام ، مبررات ، أحلام .. لكن الشىء اللى بيدور عليه موجود في اللحظة اللى بتسبق السؤال .. الشىء هو الفاعل ، مش المفعول ، هو ذات نفسه الحدث .. هو ذات نفسه الاجابة ..

لما بتحاول تدور عن السعادة وبتنسى انك انت نفسك السعادة .

لما بتحاول تدور عن النجاح وانت نفسك النجاح

لما بتحاول تدور عن الحرية وانت نفسك الحرية

انت فيك تجلت المعاني ، انت المعاني ، انت الاسماء ، انت الافعال ، وبتبدأ تنبش وتدور وتدخل في عملية بحث مستمرة وغير منتهية عن اجابات بالخارج لو بصيت جواك هتلاقيها.

لانك انت في النهاية الآداة ، انت الشاكوش اللى بيخبط المسمار ، انت المسمار اللى بيدخل في الخشب ، وانت الخشب . انت وجودك في كل شىء بتشوفه ، بتلمسه او بتسمعه ، انت موجود هناك ، لو للحظة آمنت ، حياتك هتتحول لجنه ، لجنه على الارض ، لما تفهم انك انت الفاعل والمفعول ، وان الاداة اللى بتبحث عنها ، هي الاداة اللى انت بتستخدمها في عملية البحث . مش هتلاقيها لما تدور ، هتفهمها لما تؤمن بوجودها .

في كتابه “ثم صار المخ عقلا” اتكلم دكتور عمرو شريف في بدايات الكتاب عن ان علميا كل شىء بتشوفه هو عبارة عن أمواج بصرية بتترجم لصور من خلال عينك وادراكك ، لكن هي في النهاية أمواج ، ملهاش شكل ، زي موجات التليفون ، مش ممكن تشوفها لكنها بتتحول لصوت من خلال المترجم الموجود في التليفون ، عينك بتقوم بنفس العملية وودانك وحواسك عبارة عن ادوات لترجمة الموجات ، على سبيل المثال ، اللون الاحمر هو عبارة عن موجه ترددها حوالي 500 ميجا هرتز ، لو غيرت تردد الامواج ديه باستخدام اجهزة متقدمه ، اللون الاحمر هيتحول للون مختلف ممكن الأزرق او الاصفر ، الموضوع ملوش علاقة باللون الحقيقي ، لان اللون الحقيقي هو عبارة عن موجات وانت ترجمتها لشكل ، وسهل جدا انها تتغير من شخص للتاني .
ولأن اساسا كلمة “حقيقة” هي كلمة وهمية جدا والكلام عنها يطول .

المعلومة ديه يمكن تكون غيرت تفكيري في حاجات كتير ، منها ان لو كل حاجة احنا بنشوفها احنا بنترجمها وبنديها الشكل ده ، طيب هل انا ممكن اغير في الشكل ؟ ده اللى اتكلم عنه جيمس جليك صاحب كتاب نظام الفوضى ونظرية المعلومات ، وقال ان الموجات بتغذيها مجموعة من المعلومات اللى بتديها الشكل اللى بتكون عليه ، عملية معقدة جدا بتحصل في اقل من اقل جزء من الثانية ، باستخدام اعقد جهاز على وجه الارض الا وهو العقل البشري ، القادر على صنع اي شىء ، القادر بإذن الرحمن على التغيير والتعديل . لانك في النهاية انت صانع دنيتك ، والادوات كلها في ايدك ، مش محتاج انك تسأل ، انك تدور ، انك تبحث عنها ، انت بس محتاج انك تؤمن بوجودها ..

انا مؤمن بوجودها ، انا مؤمن بوجودها ، انا مؤمن بوجودها .. انا وصلت لمرحلة اني بتحكم في الظروف ، انا وصلت لمرحلة اني بتحكم في الظروف ، انا وصلت لمرحلة اني بتحكم في الظروف ، انا الاداة والاداة مني ، انا كل شىء محتاجه ، انا كل شىء محتاجه ، انا كل شىء محتاجه ….

تحرر

نهاد رجب
القاهرة 2/7/2014

مقالات مرتبطة

في التأني الندامة وفي السرعة السلامة ! نهاد رجب...
views 1858
هل قرأت العنوان جيدا ؟ ان هذا صحيح حق ، وقد تكون هذه الجملة هي الادق على الاطلاق .    ولكن كيف ان التأني يأتي بالاخطاء والسرعة تأتي بالسلامة وت...
التغيير والتنمية البشرية
views 1306
نظريتي عن التغيير يمكن تكون مختلفة وسببت مجادلات كتير مع ناس كتير مزنوقة في التغيير باختصار انا مش مقتنع ان اللى عايز يتغير بيتغير ، اللى هو عبث فك...
خطوات لإثارة إعجاب شريك حياتك بك #نهاد_رجب...
views 11174
نحتاج دائما لإثارة إعجاب شركاء حياتنا لنتمكن من الحفاظ على الحب والود بيننا دائما .. هذا الشعور هو شعور إنساني طبيعي ، ولذلك كان علي أن أوضح لك عزيزي ...
كيف تكسبين قلبه .. مقالة جديدة لنهاد رجب...
views 5057
كيف تكسبين قلبه .. مقالة جديدة لنهاد رجب   هل تريدين معرفة كيف يمكنك ان تكسبي قلب خطيبك وزوجك ؟ اذا فتعرفي من خلال هذه المقالة على نقطة اساسية ...
الوعي الجسدي ؟! ماهو وكيف يفهمك جسدك وكيف تصل للوز...
views 19739
قام شستر ، عالم النفس الشهير بالحديث عن مايسمى بال BC او وعي الجسد ، فلقد أثبت شستر أن أجسادنا ماهي الا أجهزه ريسيفر تقوم بالتفاعل معنا كما ولو كانت ع...
الإغواء – نهاد رجب
views 4768
  الإغواء هيا الكلمة الوحيدة اللي يفهمها كل الناس بنفس المعنى او بمعنى مشابه ، هيا الكلمة اللي الناس بتتفق على معناها مع طفل صغير بيصورها على ان...
الاحتياج وطريقة احتياج الاخرين لكسبهم لصفك .. نهاد...
views 3430
  الكلاب بتشم الخوف والبني آدمين بيشموا الاحتياج ، وده بيديهم احساس من اتنين اما غرور وبيؤدي في النهاية ان صاحبه يبدأ يتعالى على صاحب الحاجة ...
كيف تلعن نفسك في خطوات ! لـ نهاد رجب...
views 6085
نعم ، انها لعنه والعنوان صحيح "كيف تلعن نفسك" وليس "كيف تعلن عن نفسك" كما قد صور العقل الباطن في عقول بعض المتابعين .. لعنه النفس هي اختيارات نأخذه...
لا تسعى لأن تكون الأول .. لا تجعل هذه الخدعه أن تخ...
views 7011
نريد أن نكون الأول في كل شىء لقد أخبرونا بهذا عندما كنا أطفالا ، تم تشجيعنا لنصبح الأوائل ، وزرعوا في عقولنا أن النجاح هو أن تكون الأول في ما تدرسه...
في الألم القوة وفي الألم الحياه #نهاد_رجب مقالة لـ...
views 6842
سنة 1985 ، دان اريلي - مؤلف كتاب توقع لا عقلاني- كان بيتعالج من حروق من الدرجة التالتة على مستوى جسده بالكامل . وحكى تجربته مع العلاج ووصفها بالمؤلم...

Leave a Comment