أسرار النجاح

عايز تستمتع بحياتك ؟ اشرب الماء على ثلاث مرات !!!

عايز تستمتع بحياتك ؟
اشرب الماء على ثلاث مرات !!!

الدين مش بس بيقولك اخلاقيات ، مش بيعلمك سلوكيات ، الدين بيعمل على اعادة وحفظ التوازن للكون ! فبالتالي انا مش مستغرب لو حصل زلزال بسبب سوء نية ناس او كانت المطرة خير وهدية السماء لينا بأمر من ربنا عز وجل .

من الاشياء اللى كنت دايما بستعجب ليها هي شرب الماء على ثلاث مرات ! واللى كانت محل استغراب واستعجاب من ناس كتير كانوا دايما شايفين اننا منقدرش نحصر الدين في اللى من وجهه نظرهم “تفاهات” بس انا الى حد ما عندي رأي تاني ..

ربنا عز وجل قال في كتابه الكريم “وجعلنا من الماء كل شىء حي” ، والعلم توصل بشكل أو بآخر ان اول انواع التفاعلات اللى ادت لوجود حياة بدأت من اعماق المياه . مفيش شك ان الانسان اللى جسمع بيتكون من تلتينه مية ، انه ميقدرش يعيش من غيرها ..

اللى بستعجبله اكتر ان شرب المياة على تلات مرات تقريبا ممكن تطبيقه على اي شىء تاني .. وعلشان تفهم المجاز ، خليني اشرحلك قصة المية :

اولا الموضوع بيبدأ انك بتقرب كاس المياة منك وبتسمي بإسم الله وبتبدأ تشرب جزء (أول مرة) ثم جزء (ثان مرة) ثم الاخير !

بشكل او بآخر ده بيطلع في النهاية مفيد لينا ولأعضاءنا الداخلية عن لو كنا شربنا المياة جرعه واحدة ..

فوايد الطريقة ديه واللى تقدر تلمسها بنفسك ..

شرب المياة جرعة واحدة بتؤدي انك :

بتشرب مية كتير
بتحس بالارتواء بصعوبة
بيحصلك مشاكل في بطنك بعد الشرب وممكن تحس بألم وممكن يستمر
ممكن تحس بألم في حجابك الحاجز وانت بتشرب .

فبالتالي شرب المياة على دفعات بيسمحلك انك :

تستمتع بالمياة اللى بتشربها ..
تشرب أقل وتدي لجسمك اللى محتاجه .
تحافظ على نفسك من أي ألم ممكن يحصل ..

في الحياة استخدام نفس الطريقة ديه بيحقللك فوايد عظيمة جدا بس محتاج انك تتأمل فيها ..

انا مباكلش اكتر أكل انا بحبه وأنا جعان ! عارف ليه ؟
لاني هاكل بشراهة ومش هحس بطعمه ، وفي النهاية هيبقى زيه زي أي اكل تاني بالنسبة لي .
لما باكل ، باكل بتأني ، بمضغ وبتستطعم كل حاجة انا باكلها ، بحس بالامتنان وبالسعادة وبتبقى تجربة جميلة بالنسبة لي …

متخصصين الريجيم بيقولولك ، كل من طبق صغير وحس بكل قطمه من أكلك ، حس بطعمها وامضغ ببطىء ، هتشبع اسرع وهتحرق سعرات حرارية اكتر ! وجسمك هيستفيد أكتر !

في الحياة بنحس باحتياجات من وقت للتاني ، وناس كتير بتحس ان مواردها مش مناسبة لاحتياجاتها .. (واحد جعان جدا وقدامه طبق صغير) ..

بالتالي بتحصلنا مشاكل منها اننا :

مش بنحس بالامتنان باللي معانا
بنبقى دايما في حالة من الشكوى
بنبدأ نفقد الإيمان
وندور على موارد تانية بأي شكل وفي النهاية بتحس برضه بانها غير كافية .

الفقير اللى بتشوفه راضي ومبسوط بحياته هو واحد قدر يحقق الآتي :

يستخدم الموارد ببطىء وبفهم وبامتنان (مهم جدا الامتنان)

وده خلاه يحس بالاتي :

الاشباع والرضى السريع لأقل حاجة من وجهه نظرك !

وده لانه بمنتهى البساطة اتعلم الصبر واتعلم انه يدي لكل لحظة حقها واتعلم انه يستفيد بعمق من كل تجربة بيمر بيها وبيديلها معنى ايجابي جواه .. سواء كان فقير او غني الشخص اللى يقدر يحقق المبدأ ده ويستخدمه في كل حاجة ف حياته بيحس بالاكتفاء أسرع ..

المبدأ :

استمتع بمواردك على مراحل ، (ثلاث مرات) ، هتحس باكتفاء ورضى

بالأكل
بالشرب
بالفلوس
بالفرص

بأي شىء في حياتك .. هتكتشف ان حياتك هتبقى أحسن ، اقل حاجة هتسعدك (زي الأطفال) ، وكميات أقل هتكفيك ..

استخدم القانون ده في الحب ، الجواز ومتمطرش حبيبك بكلام حب كل شوية لان الكلام المؤثر فعلا هو اللى بيجيي في وقته وبمقدار ..

في الشغل ، متشتغلش مهمة ما كلها في نفس الوقت وقسمها على مراحل ، هتخلصها احسن وهتحس بالانجاز اكتر وهتقلل عدد الاخطاء اللى هتحصل .

في الكلام ، واتقال ان خير الكلام ما قل ودل . والشخص المؤثر هو اللى يقدر يقسم رسالته ، ويرتبها ، ميلعبش بكل كروته زي مابيقول وبيحسس الناس انه لسة عنده في المخزون اكتر . كل معلومة بيقولها بيبقى ليها وزنها ، الخ .

اشرب المياة على ثلاث مرات ، واستمتع بحياتك ..

جمعتكم مباركة وصباحكم سكر

نهاد رجب
الشارقة ، الإمارات 20/6/2014

مقالات مرتبطة

الفقدان ومميزاته مع نهاد رجب...
views 2447
الفقدان من وقت للتاني بنصاب بفايروس قاتل اسمه فايروس التعود ، بنتعود الاكل اللى بناكله ، الشرب ، بنتعود الجسم اللى احنا عايشين جواه وبنتعود الناس ا...
نبوءة القول: كيف يمكنك التحكم فى من يحبك...
views 5419
  نبوء القبول ببساطة بتقول : لما نفكر ان الناس هتحبنا ، بنتصرف بطريقة حميمية جدا فالناس بتحبنا اكتر ، ولما بنعتقد انهم مش بيحبونا ، بنتصرف ببرود...
القدر وكيف يمكن التنبؤ بالمستقبل ! نهاد رجب...
views 6035
"من كورس فن تحقيق الوفرة" كعادتي كل صباح أنظر إلى إحصائيات موقعي ، فوجدت أن كل ما أقوله للناس حول نظامية الأقدار ، لم يكن تنظيرا ولكنه الآن وأمام ع...
طريقة ال R.O.R.D للتخلص من العادات السلبية وتكوين ...
views 7647
ماهي العادة ؟ وكيفية التخلص من العادات السلبية طريقة ال R.O.R.D للتخلص من العادات يعاني البعض منا من الكثير من العادات التي تؤثر بالسلب على حيات...
الوعي الجسدي ؟! ماهو وكيف يفهمك جسدك وكيف تصل للوز...
views 19730
قام شستر ، عالم النفس الشهير بالحديث عن مايسمى بال BC او وعي الجسد ، فلقد أثبت شستر أن أجسادنا ماهي الا أجهزه ريسيفر تقوم بالتفاعل معنا كما ولو كانت ع...
الإغواء – نهاد رجب
views 4767
  الإغواء هيا الكلمة الوحيدة اللي يفهمها كل الناس بنفس المعنى او بمعنى مشابه ، هيا الكلمة اللي الناس بتتفق على معناها مع طفل صغير بيصورها على ان...
فضيحة الباور بالانس – نهاد رجب...
views 1528
  "طب ياعم انت مش مصدق ! وحياة .... و.... العظيم ودين امي ... البتاعة ديه بتجيب نتيجة وبتظبط كيميا الجسم .. انا اقولك .. امبارح  كنت متضايق ومخن...
انا المراقب ، انا المراقب انا المراقبة...
views 928
i'm the observer , the observed , the observation انا المراقب ، انا المراقب انا المراقبة راقب افعالك تتغير زي مابيتغير تنفسك لما بتراقبه راقب نفسك...
استمتع بحياتك بدون تركيز مع نهاد رجب...
views 2389
لإننا ساعات محتاجين نبطل تركيز علشان نقدر نفهم /ومحتاجين نبطل تفكير علشان نقدر نوصل للحلول ومحتاجين نبطل رغي علشان نقدر نتكلم ومحتاجين نبطل ضحك علش...
الاحتياج وطريقة احتياج الاخرين لكسبهم لصفك .. نهاد...
views 3430
  الكلاب بتشم الخوف والبني آدمين بيشموا الاحتياج ، وده بيديهم احساس من اتنين اما غرور وبيؤدي في النهاية ان صاحبه يبدأ يتعالى على صاحب الحاجة ...

Leave a Comment