أسرار النجاح

الرضا والتقبل .. الطريق الاسرع للنجاح مع نهاد رجب

 

يوم الجمعة اللى فاتت بعد صلاة الجمعة ماخلصت والناس اتفرقت ، شوفت اتنين ماشيين قدامي واحد منهم بيعرج والتاني بيسنده ، فهمت من النظر انه غالبا عنده رجل اطول من التانية وان ديه اعاقة عنده ..

حمدت ربنا ، ودعيت قولت يارب ، اشفيه وخليه يصحى من النوم يلاقي نفسه سليم ، انت اللى خلقته يارب وانت اللى تقدر تخليه طبيعي ..

وانهيت الدعا بتاعي بالصيغة السابقة ، يمكن اضفت كلمة او نقصت كلمة ، لحد ما بشكل او بآخر جالي رد مباشر في دماغي بسمع صوت بيقولي “وانت مالك؟”

استغربت من الرد وحصل بيني وبينه محادثة

– وانت مالك ؟
– مالي ؟ مالي ازاي ؟ الراجل ده معاق وتعبان نفسيا واكيد عايز يبقى زي الناس التانية
– مين قالك ؟
– ده الطبيعي بالنسبة لي ، وده واضح جدا ، اكيد هو عايز يمشي على رجله الاتنين زي الناس
– مش يمكن يكون مبسوط ؟
– هيكون مبسوط اكتر لو بقى طبيعي زينا
– مش يمكن يكون بالنسبة له هو طبيعي وراضي ؟
– ده كلام مش منطقي !
– انت دخلت جواه ؟
– بس حاسس بيه
– انت حسيت بنفسك لو كنت مكانه بس انت مش مكانه
– يعني مدعيلوش ان ربنا يشفيه ؟
– ومين قالك انه عيان علشان يشفى ؟
– شكله كده متجننيش !
– ده شكلك انت اللى خايف تكون عليه ، بس هو مش خايف!
– طيب ادعيله بإيه يعني ؟
– ادعيله بالتثبيت وزيادة الرضا جواه والقناعة والسعادة ، هو لو عايز منك حاجة فهي انك تسيبه ف حاله مش تتعاطف معاه ويشوفك باصصله وكإنه محتاج منك شفقة ، ادعيله ان ربنا يعينه على تقبل حاله زي ماهو ويسعده بيه ، ادعيله ان ربنا يخليه يرضى لان الرضا هو اساس كل حاجة واحساس جميل.

افتكرت ساعتها لما كنت داخل الجيش وبقدم ورقي وانا رايح الهايك ستيب عمال اراجع مع نفسي اني لازم اقول نظري ضعيف للدكتور علشان يخرجني باعفا من الجيش وقعدت ادعي يارب اخرج من الجيش وقعدت اكتب وامثل سناريوهات ف دماغي عن اد ايه نظري ضعيف واني بني آدم مسكين ، قعدت اردد ده جوايا لحد ماشوفت قدامي واحد ماشي ، شاب زيي ، زي الفل ، ماسك شهادة الاعفا بتاعته ، بس بيمشي على عكاز ، لانه بمنتهى البساطة ليه رجل واحدة ورجله التانية مقطوعة تماما .

ساعتها حصلتلي حالة ذهول او غشية (ترانس) لفترة طويلة ودخلت اكشف فعلا وجيه الدكتور شافني بنضارة بيقولي انت بتشتكي من حاجة ؟ قولتله لأ يافندم انا كويس الحمد لله !

ارضى

مقالات مرتبطة

العادة السرية
views 13526
  انا مش هتكلم عن الحرمانية ، لاني مش شيخ ، طبعا كل مسلم داعية بس انا مش متخصص ، المقالة للشباب من الجنسين ، لانك هتعرف مع نهاية المقالة انها بت...
اللى ناقصك .. مكتمل فيك .. دور عليه .. نهاد رجب...
views 1016
  الخير والشر ؟ الصح والغلط ؟    بتصدق في التضاد ؟    بتصدق في الشىء ونقيضه ؟    مينفعش ! لان المعنى وعكسه هو نفس الشىء ، ...
اسلوب سحري للتخلص من الافكار السلبية والوسوسة مع ن...
views 5103
  هل تريد التخلص من الافكار السلبية ، التي لها علاقة بالمستقبل او بالاشخاص وغيره ؟ قد يبدوا ذلك صعب جدا ولكنه في حقيقة الامر في غاية من السهولة ...
اقراها لو عايز تدخل الجنه – نهاد رجب...
views 1855
  عايز تدخل الجنه ؟ لما تفهم ان محدش بيدخل الجنة انت هتكمل اللى انت كنت عايشه وحالتك وصفاتك هتتجسد معاك في العالم الاخر وبوفرة لو انهيت حيات...
قول أيوة
views 2986
عارف لما يكون فيه حد غلس عمال يتصل بيك ؟ لا ومش غلس وبس ، ده بيقعد يرنلك وانت مش عايز ترد ولما يلاقيك مش بترد ، تلاقيه رن من رقم تاني علشان ترد عليه ،...
سوق حياتك واقرى الطريق #نهاد_رجب...
views 2163
عارف انك لما تيجي تسوق العربية في البداية بتحصلك مشاكل كتير فلان بيكسر عليك البني آدم ده زنقك الطريق وقف فجأة وكنت هتخبط في اللي قدامك بس ربنا ست...
جربها ، روشتة سريعة للنجاح
views 3514
  #جربها انا عندي #قدرة كبيرة وغريبة على اني .... ضع مكان النقط ما تريد تصديقه ، قل الجملة بحماس واقتناع ،رددها،صدقها وشاهد #المعجزة تتح...
طريقة لحل المشكلات
views 1642
  ركز معايا المشكلة كلها اننا لما بنطلع اربع ادوار بنطلع اول دور وبنقول طلعنا دور من 4 ادوار والحل اننا لما نطلع اول دور ويتفضل 3 ادوار .. نقو...
ارحل وهاجر فالحل في الهجرة #نهاد_رجب...
views 2485
ارحل .. فالحل في الرحيل والهجرة في الهجرة الاجابة لكل تساؤلاتك هاجر فقد هاجر ابراهيم قومه فوجد الله هاجر خرج سيدنا محمد من مكه فدخل الناس في دين ...
انت السبب ، روشتة سريعة للنجاح...
views 2179
  بقيت لما تحصل مصيبه او كارثه في العالم بقول "ليه يانهاد عملت كده ، ليه كنت سبب في كده." ولما تحصل حاجه كويسه واسمع خبر حلو بحمد ربنا وبشكره وب...

Leave a Comment