الإقناع والتأثير

الحقيقة وراء ادراك الواقع والاشارات #نهاد رجب

 

الغريب في الناس انهم بيفكروا دايما في الصورة النهائية
بيشوفوا الصورة الكامله وبيحكموا عليها وبينسوا تماما التفاصيل .

انك تشوف واحد معاه فلوس وراكب عربية دودج فتقول بس يبقى مبسوط في حياته
او تشوف واحدة جميلة فتقول ان جوزها مبسوط بيها
او تشوف طفل امور فتقول ان اهله اغنيا

سرعه غير عادية في اطلاق الاحكام بناءا على الصورة الكاملة اللى بنشوفها ، وفي النهاية بنتصدم جدا لما نسمع ان الطفل الامور ده طلع يتيم ولا ان الست الجميلة اتطلقت !!

بنتصدم مش لان ده الواقع ، بنتصدم لإن الواقع ده مختلف عن الواقع بتاعنا واللى تم تكوينه بناءا على افكارنا ، ملاحظاتنا النيرة وقدرتنا الخارقة في الحكم على الاشياء واستنباط المعاني.

وده يخليك تفكر في كل شىء انت مؤمن بيه وبوجوده ، هل هو ده الواقع ولا في النهاية نتيجه للعمليات العصبية المعقده جوا دماغك ؟

بالذات لما تعرف ان صاحب الشأن نفسه “صاحب الصورة الكاملة” مش بيشوف اللى انت شخصيا بتشوفه ! وبتستغرب لما تلاقيه بيعارضك ، وانت بتحاول تقاومه وتجاهده علشان يصدق واقعك انت ، وهو الواقع بتاعه مختلف تماما .

هو مصدق انه فاهم صح وانت مصدق انه غبي وانك انت اللى فاهم صح في النهاية هو نفسه مش بيشوف صورة كامله لانه لسة عايش في التفاصيل اللى انت بعينك المجرده متقدرش تشوفها .

متقدرش تشوف الطفل الامور ده تفاصيل حياته ايه وبيتعامل ازاي في البيت
متقدرش تعرف الزوجة الجميلة ديه عندها امراض نفسية ولا كانسر

وده اللى بسميه التفاصيل ، واللى اصحاب الشأن بيعيشوا فيها في الوقت اللى انت شايف فيه الصورة من بعيد ، والاعجب انك بتتمناها ! وسبحان الله ، لو ربنا لبى كل طلباتنا بناءا على الطفولية في التمني كان زمان الحياة خربت .

من وقت للتاني بنتمنى واقع كامل مختلف ، وبندعي ربنا انه يغير الواقع بتاعنا ، الامر سخيف وساخر وكإن مهندس كمبيوتر بيدعي انه يبقى رائد فضاء بكرة الصبح ؟!

إدراكك للامور جزء كبير جدا من الاشارات اللى هتوضح بعد كده حياتك هتكون عاملة ازاي . وممكن حد ادراكه يكون جميل جدا ومناسب جدا لكن دايما تلاقي اللى بيحاول يسرقه ويديلك ادراكه هو .. مش علشان اي شىء ، بس لمجرد انك تكون شبهه . احنا بني آدمين بنعشق التشابه وبنحارب بعض في الاختلاف . بنعشق انك تكون عايش الواقع اللى بنشوفه ولو اختلفت بتهددنا بالكامل فبنحاربك وبنقتلك واحنا مبسوطين .

من ضمن الاشارات اللي كانت خاصة بشخص على معرفة بيه ، انه وهو صغير كان بيحب جدا يلعب عقله “حبل معلق وبتبدأ تشده وتطلع فوقيه” ، لما تأملت في حياته اكتشفته انه كان بيحب اي حاجة فيها ارتفاع ، طلوع ، كان بيتشعلق ، كان بينط ، كان بيتسلق ، كان بينفذ كل المعاني دي على هيئة لعب .. نفس الشخص ده دلوقتي هو واحد من أهم مديرين احد الشركات الكبرى في الامارات ، وشغله الشاغل في التسويق ، ولما بدات احلل نجاحه في شغله اكتشفت انه بيحققله كل اللى كان بيستمتع بيه وهو طفل بس على هيئة تانية مهنيه اكتر .

الاشارات وازاي تقدر تتعرف عليها هتكون لأول مرة في محاضرة “بدايات عظيمه ٢”  متحمس للمحاضرة ديه لاني هخليك بنفسك تقدر تتوقع بشكل بسيط ، حياتك رايحه فين ، بناءا على اللى انت فيه في الوقت الحالي ..

اشوفكم كلكم على خير

الجمعه ٧ اغسطس
من ٢ ل ٦
المكان جاري تجهيزه واعلامكم به قريبا “الدقي”

اخوكم
نهاد رجب

مقالات مرتبطة

اعادة تعريف- براعة الفم- تويم ضمنى...
views 2292
  اسمه حسن ، رايح خامسة ابتدائي بس شكله اصغر من سنه بكتر ، كتير بلاقيه وانا طالع او وانا نازل ، بيساعد ابوه وامه في شغل العمارة اصل والده البواب...
3 أسرار عملية ومشروعة لتوجيه مصحح الامتحان لإعطاءك...
views 5963
ما رأيك لو علمت أحد أهم الأسرار العملية والمشروعة لتحصل على أعلى الدرجات في الإمتحان ؟ لن أحدثك عن كيفية المذاكرة أو الاستيعاب ، سأفترض أنك قد فهمت...
التكيف العصبي وغسيل المخ #نهاد_رجب...
views 1182
  الانتماء صعب تكيف عصبي لفكره بتمثل شخصيتك واي محاوله لتهديد الفكرة او إقناعك بعكسها ممكن تواجهه بالحرب فكان الحل هو تشكيك الإيمان بتاعك بأفك...
عزيزى الراكب
views 982
  عمرك سمعت الجملة ديه قبل كده ؟ "عزيزي المواطن ، احترس من مرض انفلونزا الخنازير .. اعراضه كذا وكذا ، وبييجي بالطريقة الفلانية ، وبتحس بكذا و...
كيف يتم توجيه عقول الناس وغسيل المخ (كورس اونلاين ...
views 4389
لتحميل العرض الباوربوينت الخاص بالفيديو : www.nihadragab.com/lectures/NihadRagabArtofinfluencing.pptx في هذه المحاضرة تتعرف على بعض من الطرق التي يت...
فن الاقناع النفسى بالتنويم الضمنى وكسر المعارضة...
views 910
  كسر المعارضة . خليني اختبر سرعة بديهتك ، هقولك حاجة ومن اجابتك هتعرف حاجة جديدة النهاردة .. لما اقولك : 3 + 3 ... اغلب الظن انك هتقول...
فن الاقناع والتواصل الفعال
views 881
  الإقناع ، مهارة عايزينها، حتى انت ، ممكن علشان كده بتقرى المقالة ديه دلوقتي او هتهتم انك تعرف ان فيه برنامج لفن الاقناع والتواصل هيبدأ قريب ، ...
انت موبينيل ؟ لا انا نهاد رجب...
views 2473
انت موبينيل ؟ لا انا نهاد رجب   الجميل في تسويق موبينيل وفودافون واتصالات مع اني مستقل طريقتهم في الدعاية ، انهم كمنتج شغال بفلوسنا ، قدرو...
أن تؤمن أم أن تقتنع ؟! لـ نهاد رجب...
views 1711
عارف امتى تشك في وجود الله ؟   لما تكون مؤمن عن اقتناع !   لما حد يقولي انه مؤمن عن اقتناع ، بحس انه أخطر من الغير مؤمن ..   مؤمن عن اقتناع ز...
كيف تصبح مقنعا وتحصل على الشخصية المقنعة مع هذه ال...
views 2962
ان من اهم المهارات والتي ينبغي على كل شخص اكتسابها في هذا الزمان ، هي مهارة الاقناع والتأثير ، فلا ينبغي لنا ان نفرق ما بين الاقناع والتأثير ولكن علين...

Leave a Comment