الإقناع والتأثير

فن الاقناع والتواصل الفعال

 

الإقناع ، مهارة عايزينها، حتى انت ، ممكن علشان كده بتقرى المقالة ديه دلوقتي او هتهتم انك تعرف ان فيه برنامج لفن الاقناع والتواصل هيبدأ قريب ، لو سؤالك انا ممكن أتواصل واقنع ازاي ؟ فالبرنامج والمقالة ديه انسب حاجة بالنسبة لك ، لو كنت أب أو أم، أو شغال في التسويق ، او المبيعات ، او العلاقات العامة ، او اجتماعياتك كتير وبتكتشف انك بتتعامل مع ناس يهموك وتحب تطلع باستفادة منهم مبنية على تواصل ومنفعة مشتركة ، فالبرنامج ده ليك ، كجزء من البرنامج هنتكلم عن ال الأسرار الاساسية في الاقناع والنهاردة انا هناقش أربعة
منهم بيسميهم روبرت سيالديني ، الاسرار الكونية للاقناع.

1- سر الندرة : 
الشخص بطبعه بيتحفز اسرع تجاه كل شىء ناقص او مش موجود او ممنوع او قرب يخلص ، فاكرين اعلان تميمة ؟ ” اتصل الان ، العرض ساري لفترة محدودة ” او “العرض ساري لأول 10 متصلين” ، حتى لو انت مش مهتم بالمنتج ده ولا كنت بتفكر فيه بس فكرة انه قرب يخلص هيخليك على الاقل تفكر معاك فلوس تشتريه ولا لا ، او هيخليك تقول “أيوة انا عايزه” . زي الدهب ، الناس بتتهافت علشان تشتريه مع انه غالي بس علشان نادر وكل ما الشىء يبقى نادر اكتر كل ماسعره بيغلى وكل مالاقبال بيبقى عليه بيبقى اكتر لأن الممنوع مرغوب والنادر مرغوب أكتر منه.

2- سر المسئولية :
عارفين انتوا حملة “احترم نفسك” ؟ الحملة ديه اتعملت علشان ينشروا الوعي وكراهية التحرش الجنسي بالبنات ، فشعار الحملة كان ستيكر بيتلزق على الهدوم او تيشيرت انت بتلبسه ، بس . وبتمشي عادي ، مفيش اي حاجة لحد دلوقتي انت حتى مش مجبر انك تصدق في الكلام ده وحقك انك تعمل الي انت عايزه لكن في خلال يومين الابحاث قالت انك هتكتشف انك انت كمان موافق على الحملة ديه وبتنف> تعالميها !! لمجرد انك معلق ستيكر . او فرضا الشخص الملتحي ، سمعت من شيخ ان اللحية بتربي ، يعني ايه ؟ يعني الشخص الملتحي هيخجل انه يبص للبنات ، او يعمل تصرف ما يضر الناس في الشارع ، ودايما هيحاول انه يبتسم علشان هو واجهة للدين ، حتى لو مربيها غصب عنه هيعمل الي الدقن معمولة علشانه ، لانه ببساطة بقى “مسئول” لما نبقى مسئولين عن حاجة بنف>ها مهما كانت ، فاسهل طريقة علشان تخلي حد يقتنع بحاجة انك تخليه مسئول .

3- سر الجميلة : 
وديه حاجة مشهورة جدا في النظام الامريكي ، انك لما تعمل لحد حاجة بتقوله “انت مديونلي بواحدة” ، بشكل لا واعي الانسان هيقبل اي طلب من شخص كان نفذله حاجة من فترة او ليه عليه جميلة ، من غير حتى مايفتكر الشخص ده عمله ايه ، بس بطريقة ما لو انا ساعدت حد في حاجة كان محتاجها وجيت بعد كده قولتله اشتري ديه او اقتنع بفكرتي صعب اوي انه يرفض لي طلب على الاقل هيقول جوة نفسه “أيوة انا عايز” علشان كده لما حد يقولك ” شكرا ” متقولوش “ليه بس هو انا عملت حاجة ياراجل دانت افضالك مغرقاني” ، انت كده بتضيع على نفسك فرصة الجميلة ، الرد الصح ليها انه يبقى “العفو ، انا بحب اساعدك انت صاحبي” . او “انت عميل مهم عندنا ويسعدني اني اخدمك”

4- سر السلطة : 
فاكرين عمرو دياب وهو ماسك كانز البيبسي ؟ او مايكل جاكسون بيغني للكوكا كولا؟ او نانسي او كارول سماحة ؟ مصممين الاعلانات عرفوا تأثير الناس دول على الاشخاص العاديين ، لما الواحد يشوف نجمه المفضل بيشرب بيبسي او بياكل محشي او بيدخن هيعمل زيه او على الاقل هيقول”ايوة انا عايز” علشان كده مايكل جاكسون خد اكتر من 20 مليون دولار في اعلان واحد يعني ميزانية فيلم كامل ، بس الاعلان ده رفع مبيعات الكوكاكولا للسما ، لان الناس بتحب مايكل جاكسون او عمرو دياب . بلاش ديه ، مين فينا مبيسمعش كلام الدكتور ؟ يعني لو الدكتور كاتبله دوا ياخد دوا تاني ؟ قليل اوي ، لكن الغالبية بتثق جدا في كلامه لانه دكتور ، حتى لو كتبلك سم هاري ، ده دكتور ، ليه ؟ علشان الدكتور ده متخصص ، واحد معاه سلطة والانسان بطبعه بيتبع السلطة في افكاره وقناعاته واهتماماته .

في خلال برنامج فن الاقناع والتواصل الفعال (المستوى الاول) هنعرف ازاي ممكن ممكن نستخدم الاسرار ديه و 6 غيرهم في الاقناع والتواصل ، بس خلينا ناخد نبذة

الواحد تعب في كتابه المقالة ديه ، وانا كمدرب محترف معتمد في التنمية البشرية وممارس متقدم في البرمجة اللغوية العصبية اوعدك انك لما تيجي البرنامج حياتك حرفيا هتتغير زي ما البرنامج ده غير حياة ناس كتير ، احجز دلوقتي لان الاماكن محدودة ولو مش عايز تيجي ديه حاجة ترجعلك بس انا عايزك تبعت ميل لصحابك توريهم المقالة ديه الي انا كتبتها وانت لسة قاريها 🙂

نهاد رجب 
اول مدرب عربى للتنويم الضمنى
مدرب محترف معتمد في التنمية البشرية CCT
مدرب معتمد من المؤسسة العالمية للمدربين التوستماسترز 
معالج متخصص بالتنويم الإيحائي 
ممارس متقدم في البرمجة اللغوية العصبية 
مؤسس الشبكة العربية للتنمية البشرية 

مقالات مرتبطة

حتى الانسان يقدر يتلون- غسيل المخ بالتنويم الضمنى...
views 1586
  تقدر تإذي حد ؟ او تسرقه؟ تعذبه ؟ لو كانت الاجابة على التلات اسئلة بلأ يبقى اقرى المقالة واعرف حاجة غريبة عن نفسك .. ولو كانت بأيوة "لو ه...
زرع الافكار الجزء الثانى: تنويم ضمنى واقناع بالايح...
views 1973
  هستعرض معاكم النهاردة ، فكرة جديدة مطورة من افكار التنويم الضمني ، بعض منكم اتعرف على التنويم الضمني وجاتله فرصه انه يتعرف على المجال الواسع د...
5 طرق للاقناع-نهاد رجب
views 2616
  التنويم الضمني هو عبارة عن تقنيات نفسية بتهدف لإقناع الشخص بفكرة من خلال زرعها جواها عن طريق القصص او الاقتراحات المباشرة او المتضمنة بأنواعها...
افتراض الترتيب .. افتراضات لغوية علاجية – نه...
views 903
  تستخدم الافتراضات لتوجيه الاشخاص للتفكير بشكل ما ، من خلال تعريضهم لكلام له اكثر من معنى او يحث العقل على استنتاج العديد من المعاني .. على سبي...
زرع الافكار: زرع ذكرى وهمية 2...
views 1239
  هي لعبة بسيطة ، بس جربها مع الناس وهتعجبك ، لعبة من العاب التنويم الضمني ، وزي مانتوا عارفين واحتمال تكونوا سمعتوا عن ان التنويم الضمني متخصص ...
فن الاقناع النفسى بالتنويم الضمنى وكسر المعارضة...
views 898
  كسر المعارضة . خليني اختبر سرعة بديهتك ، هقولك حاجة ومن اجابتك هتعرف حاجة جديدة النهاردة .. لما اقولك : 3 + 3 ... اغلب الظن انك هتقول...
3 أسرار عملية ومشروعة لتوجيه مصحح الامتحان لإعطاءك...
views 5955
ما رأيك لو علمت أحد أهم الأسرار العملية والمشروعة لتحصل على أعلى الدرجات في الإمتحان ؟ لن أحدثك عن كيفية المذاكرة أو الاستيعاب ، سأفترض أنك قد فهمت...
الإقناع بكسر الشخصية
views 1573
كسر الشخصية هي طريقة مستخدمة لهدم شخصية شخص ما او كينونة مجموعة من الاشخاص .. والطريقة ديه ببساطة بتخليك تقدر تخلي اكثر الاشخاص صعوبة بيقع وبيتكسر ...
كيف تسأل وتحصل على الإجابات التي تريدها ! لـ نهاد ...
views 5938
التحدث عن فنون الإقناع والتأثير النفسي دائما ما يثير إعجاب الناس ، ليس فقط لأنك تجد مجموعه من التقنيات القوية والتي يمكنك إستخدامها بسهولة ولكنك أيضا ...
الالغاء والافتراضات في زرع الافكار والتوجيه بالتنو...
views 795
  خد بالك من اللقطة الجاية : عايزك تقرى اللقطة ديه بعناية وتتخيل اي حاجة " أ : شوفت ياعم الي حصل ؟ امبارح قفشت سعيد وسعاد مع بعض (مع غمزة)...

Leave a Comment