الإقناع والتأثير

فن الاقناع النفسى بالتنويم الضمنى وكسر المعارضة

 

كسر المعارضة .

خليني اختبر سرعة بديهتك ، هقولك حاجة ومن اجابتك هتعرف حاجة جديدة النهاردة ..
لما اقولك : 3 + 3 …

اغلب الظن انك هتقولي 6 ؟ صح ؟ طب 6 + 6

النوتة بتقوم حوالين عملية نفسية بيقوم بيها العقل الاواعي من منطلق ايجاد الحلول بعد ماتحصل عملية نفسية سابقة اسمها كسر المعارضة بس لو لاحظت هتلاقي اني مسالتكش 3 + 3 هتساوي كام ، انا مجرد اني عرضتها في سؤال والطبيعي ان ردك ميكونش 6 ، الطبيعي انك تقول مالهم ؟ او تسالني اعمل بيهم ايه ؟ بس متجاوبش ، معلش خليك معايا في الحتة ديه لانها مهمة ..

العقل البشري دايما بيدور على الحلول ، وبيختلف فيها البنت من الولد ، يعني مثلا تلاقي واحدة بتتكلم عن
مشاكلها وبطل راجل عمال يقولها حلول وهيا مخنوقة منه ، حتى لو حلوله كلها كويسة ومنطقية بس هيا مطلبتش
منك حل ، هيا مجرد بتعرض افكارها او حالتها .. بس احنا الرجالة عقلنا اتصمم علشان يوجد حلول اول ما يكتشف نمط المشكلة .. ومستعد انه ينسى اي حاجة تانية في سبيل انه يوجد حل .
يعني مثلا لما كنت في الجيش ، كنا بننزل اجازات كل 35 يوم مثلا ، ننزل 5 او 6 ايام ، فكنا في السكة واحنا مروحين بنقابل ناس اسمهم “الشرطة العسكرية” ودول مهمتهم انهم يقفشوا العساكر ويضايقوهم في عيشتهم
ويحرروا فيهم اورينيكات ذنب علشان مثلا عسكري مش مأفز او مش رابط القايش (وعلى راي الليمبي- ملكش دعوة بالمصطلحات ديه) المهم ان اي عسكري كان بيشوف شرطة عسكرية في السكة كان بيجري ، بس انا كنت بعمل حاجة لطيفة اوي ، اول مالاقيهم ، اخد بالي انهم بيحوموا حواليا وانا اعمل مش فاهم حاجة لحد ما اشوف واحد منهم فاروحله بنفسي .. واقرب وانا عمال ابص حواليا كاني هندي بس انا رايحله والاقيه مبتسم اوي لانه اكتشف اني جيتله بنفسي .. بقرب لحد مابقى في وشه واساله “لو سمحت حضرتك انا بقالي ساعة تايه ومش عارف اركب فين اروح ازاي” الاقي وشه اتعدل واتعاطف معايا جدا ويقعد يشاورلي ويساعدني ويركبني بنفسه ومش قادر انسى لما واحد منهم سالني وهو متعاطف اوي معايا “انت معاك فلوس تروح” وانا اضحككككك بس مخبي وشي ، قالي ايه ده انت بتعيط وانا اقول لا لا لا انا بس افتكرت حاجة واقعد اضحكككك ، لحد مامشي وهو على وشه علامات التعاطف والشفقة معايا .

وديه ابسط حاجة في التقنيات واسمها كسر المعارضة معناها انك تروح برجليك قبل ماحد يجيلك ، طبعا ممكن
تستخدمها بكذا شكل تاني ، يعني لو بتبيع كمبيوتر مثلا وانت عارف والناس عارفة انه نوعه وحش فبدل ماتعلق
يافطة تقول فيها “احسن كمبيوتر في العالم” هتكتب بدالها “كمبيوتر بمواصفات متوسطة للاستعمال المنزلي
علشان كده رخيص” .. الي قاله تيلور ستار ان جملة مشابهه لديه هتخلي الناس تقرب اكتر من المنتج لمجرد انك تآلفت مع معارضتها ليك .. لان الطبيعي ان لو حد عدى هيعمل فيها فتك ويقولك ده كمبيوتر كويس ايه دول بيشتغلونا ده كمبيوتر تعبان انا مش هشتري منهم حاجة دول حرامية ، بس لو لقى انك بتعرض وتقول انه كمبيوتر متوسط فعلا ساعتها مش هيلاقي حاجة يعارضك عليها .. والجملة الي فاتت الغريب فيها كلمة “للاستعمال المنزلي” عمرك شوفت كمبيوتر استعمال شوارع مثلا؟ ومع ذلك محدش هياخد باله من استعمال منزلي ديه بسهولة زي مانا اراهنك والله اعلى واعلم انك مدققتش فيها.

الواحد اتجهز انه يروح السوق او يتكلم مع الناس وهو في مود المعارضة ، علشان كده تلاقي الناس بتفاصل وبتتفرج بس ومبتشتريش ، او بتسمع بس ومبتنفذش ، لحد ماتكسر المعارضة ساعتها هتلاقيهم قربوا منك اكتر وهيهمهم كلامك حتى لو مش عايزين يسمعوه .. وهيقتنعوا بيه حتى لو معرضتوش عليهم او وجههته ليهم ..

لما بتسال عن التنويم الايحائي او الضمني فمش غريب انك تلاقي ردي الاول كالآتي : لو حد قالي انا مبصدقش هقوله وانا كمان .. هيحس انه جابني ويقولي ايه ده انت كمان مش مصدق ، هقوله لا طبعا .. بص انا مبصدقش حاجة الا لما اجربها بنفسي ، انا في الاول لما كلموني عن التنويم قعدت اضحك يومين واتريق واقعدت اشكك في كلامهم واقول ده شغل عفاريت والكلام ده كلام فارغ وضحك على العقول .. لحد ماحضرت محاضرة / او شوفت فيديو في التنويم الايحائي وطلع قدامي واحد المعالج بدا يشتغل معاه ودخله في التنويم ولما رجع بقى حد تاني تماما ساعتها قلقت يامان قعدت ادوس فيه شوية وجربته بنفسي قولت ياخبر اسود ده طلع كلام حقيقي والناس بتتعالج بجد ، بس كنت مصر انه ضحك على العقول ، لحد ماواحد قالي “نهاد الفكرة ان اي علاج هو ضحك على العقول بس ليه منضحكش مدام الضحك بيعالج فعلا”فاستغربت اني كل ده كنت بعارض حاجة لاني شايف انها ضحك على العقول مع ان فعلا اي علاج هو ضحك على العقول زي مانت عارف فبدات ادوس فيه اكتر وجربته بنفسي على مشكلة التخن او الارق او التدخين(في اللحظة ديه شوف الي قدامك مشكلته ايه لان ده هيشد انتباهه اكتر) ولاقيت ان في يومين يامان الموضوع اختلف تماما .. بس الي يضحكك الافلام بقى وناس مش فاهمة حاجة تقولك شد اللحاف شده انت الاول ..

الناس الي حضروا معايا تنويم ضمني هيعرفوا كام تقنية استخدمتها في الفقرة الي فاتت بس الي يخصنا دلوقتي هي كسر المعارضة في البداية .. لان الي بيحصل انك بتساير الشخص في معتقداته اين كانت وبتفهمه انك كنت مكانه هناك وفاهم هو بيفكر في ايه وتبدا تديله ايحاءات انك بتقرى دماغه اكتر واكتر لحد مايوافقك تماما ويبني الفة الافكار معاك ساعتها ممكن تاخده في رحلة وتوصله لاي نتيجة انت عايزها .. بمنتهى البساطة.

علشان كده كنت دايما بقول ان الاقناع النفسي اجمل واحسن من الاقناع المنطقي والجدال وده لان محدش هيزعل منك ومحدش هيبقى عارف انت بتحاول تعمل ايه .

وكسر المعارضة والتحفيز بالمنافسة المتقدم وزرع الافكار ورسم الاطار هما اجزاء من تقنيات نفسية هتتعلمها في الندوة المجانية والي بترعاها المجلس الاعلى للاثار بدعوة من د زاهي حواس يوم 25 الخميس الي بعد الجاي ، احب تشرفنا بوجودك انت وكل معارفك الدعوة عامة ومفتوحة والمكان مجهز وكبير وتنورونا كلكم :)))

نهاد رجب
اول مدرب عربي لفن الاقناع النفسي والتأثير بالتنويم الضمني

مقالات مرتبطة

كيف يتم توجيه عقول الناس وغسيل المخ (كورس اونلاين ...
views 4375
لتحميل العرض الباوربوينت الخاص بالفيديو : www.nihadragab.com/lectures/NihadRagabArtofinfluencing.pptx في هذه المحاضرة تتعرف على بعض من الطرق التي يت...
مبادىء النصابين الخمسة
views 3835
  مباديء النصابين الخمسة مقالة ليا -نهاد رجب- منقولة من مجلة فورورد اقوى مجلة شبابية مصرية نتية حمل العدد وخليك فوروردي جوه كل واحد فينا...
العقل – 4 طرق قوية يمكن من خلالها أن تخدعك ذ...
views 4568
في هذه المقالة أتحدث إليكم عن أكثر 4 طرق غرابة يمكن من خلالها توجيهك من خلال التلاعب بذاكرتك ومن ثم إقناعك بمنتهى السهولة واليسر . في البدء لا يمكن...
كيف تصبح مقنعا وتحصل على الشخصية المقنعة مع هذه ال...
views 2946
ان من اهم المهارات والتي ينبغي على كل شخص اكتسابها في هذا الزمان ، هي مهارة الاقناع والتأثير ، فلا ينبغي لنا ان نفرق ما بين الاقناع والتأثير ولكن علين...
انت موبينيل ؟ لا انا نهاد رجب...
views 2466
انت موبينيل ؟ لا انا نهاد رجب   الجميل في تسويق موبينيل وفودافون واتصالات مع اني مستقل طريقتهم في الدعاية ، انهم كمنتج شغال بفلوسنا ، قدرو...
التكيف العصبي وسلطة الاعتقاد #نهاد_رجب...
views 858
  التكيف العصبي وسلطة الاعتقاد جيلبرت العالم المشهور في مرة عمل بحث عن "هل احنا بنصدق الاول قبل مانحلل ولا بنحلل الاول قبل مانصدق" واكتشف جلبرت...
كيف تسأل وتحصل على الإجابات التي تريدها ! لـ نهاد ...
views 5938
التحدث عن فنون الإقناع والتأثير النفسي دائما ما يثير إعجاب الناس ، ليس فقط لأنك تجد مجموعه من التقنيات القوية والتي يمكنك إستخدامها بسهولة ولكنك أيضا ...
تنويم ضمنى ارسال فكرة لاواعيا...
views 1908
  طيب ياجماعة انا اتكلمت كتير في التنويم الضمني ، خلينا نجرب اسلوب لذيذ وسهل ممكن تستخدمه مع الناس وتبهرهم بيه ، الفكرة انك هتقول لحد يفكر في اس...
الالغاء والافتراضات في زرع الافكار والتوجيه بالتنو...
views 795
  خد بالك من اللقطة الجاية : عايزك تقرى اللقطة ديه بعناية وتتخيل اي حاجة " أ : شوفت ياعم الي حصل ؟ امبارح قفشت سعيد وسعاد مع بعض (مع غمزة)...
تأثير الغموض فى الاقناع النفسى...
views 1355
  واحد كان بيشتغل في شركة أمريكية وخلاص عايز يسيبها علشان يروح شركة تانية ، المفروض انه بيقول انها احسن وانضف وحتى بيدوا فلوس اكتر ، بس علشان ي...

Leave a Comment