الإقناع والتأثير

الالغاء والافتراضات في زرع الافكار والتوجيه بالتنويم الضمني

 

خد بالك من اللقطة الجاية :

عايزك تقرى اللقطة ديه بعناية وتتخيل اي حاجة

” أ : شوفت ياعم الي حصل ؟ امبارح قفشت سعيد وسعاد مع بعض (مع غمزة)

ب: ياراجل ، وعملوا ايه لما شافوك

أ: اتعدلوا طبعا

ب: كانوا فين ؟

أ : كانوا ف الجنينة

ب: حاجة تكسف جدا ، اه ياعم

أ: طيب هتعمل ايه ؟

ب: هقول لباباهم طبعا انهم لسة بيشربوا سجاير ، انا مش فاهم اخ مين ده الي بيشرب اخته سجاير . 

اوكي لو مجاش ف دماغك حاجة غلط حاول تخلي حد تاني يقرى المحادثة الي فاتت

الالغاء من التريكات النفسية الي بنقع فيها والي عقلنا بيكملها بمنتهى البساطة ، بناء على بعض من المعلومات والافتراضات الي بناخدها من العالم الخارجي وبنبدأ نبنى قصة فوق قصة فوق قصة وفي الوقت الي بنكتشف ان كل ده مكنش حقيقي بنتصدم وممكن ناخد رد فعل قوي ضد العالم الخارجي الي معملش حاجة غير انه عرض معلوماته وانت السبب ف تفسيرها ..

الالغاء من التقنيات النفسية الي ممكن استخدمها معاك علشان اولا انت “متقاومنيش” والمعلومات تيجي من جواك وكاني بزرعها فيك ، وثانيا علشان مكذبش وديه بعض الاطفال او الافراد بيستخدموها ..

تخيل المشهد ده

“انا نفسي اعيش معاكي .. حبيبي انت عايز تتجوزني ؟ … جواز ايه ، ايه القلش ده ، مين قال جواز!”

اما بالنسبة لاستخدام الالغاء لزرع الافكار فقوي جدا وتأثيره هايل لانك مبتقولش المعلومة كامة فبالتالي الشخص هو الي بيكملها ذهنيا وده معناه انك زرعتهاله وجريت زي مابيقولوا وده بيديلها قوة، مثلا ، تخيل المشهد ده : لو انا مثلا عايز ازرعلك فكرة انك تخاف مني هقولك :

“ابدا ، امبارح لقطت سيد ، قالي كلمة معجبتنيش .. استنيته ف الشارع .. زمانه مرجعش بيتهم لحد دلوقتي”

مبدئيا انت متعرفش ايه الي حصل مع سيد ، او يمكن سيد مين ، او ايه الكلمة الي اتقالت ، بس مليون ف المية لو حد قالك الجملة ديه هتطلع بمجموعة من المعلومات ممكن منها :

•    كلمة معجبتنيش : الكلمة كانت سافلة

•    استنيته ف الشارع : ماسك عصاية او مطوة او ربطته بحاجة

•    زمانه مرجعش بيتهم : كسرله رجله ، او عوره .

او تطلع بالمعلومات ديه :

•    كلمة معجبتنيش : “انا الي هدفع” (ازاي يدفع هو ، انا اتكسفت اخر حاجة)

•    استنيته ف الشارع : استنيته بعد مادفع وخرج علشان نروح مع بعض

•    زمانه مرجعش بيتهم: انا لسة راجع من ساعة وهو بيته بعيد زمانه لسة موصلش

بإلغاءك للمعلومات وتقديمها ناقصة ، انت بتدخل الشخص في حالة ترانس وبحث لاواعي – Subconscious Search- وفيها الشخص بيبدأ يفترض المعلومات الناقصة مش بس بيقتنع بيها ، ده بيحولها لاحساس وفكرة اساسية ومش بيناقشك فيها ، فبتتزرع جواه وبيتصرف على اساسها ..

فاكرين كيتي؟ الي تعبانة ؟ الي متضايقة وحزينة ؟ لما عبد السلام النابلسي قال لزينات صدقي ، ربنا يخليلك اختك قالتله ايه ! قالها بنتك ؟ ايه ! خالتك ؟ ! ايه امك ! امك مين ياقليل الادب ، وفي الاخر طلعت كلبة اسمها “كيتي”

الالغاء ، جزء بسيط من مجموعة كاملة واشكال مختلفة من الافتراضات العقلية والتريكات النفسية الي بيتم تدريبها بقوة في خلال دبلومة التنويم الضمني والي هنعقدها في شهر مايو ان شاء الله ، والدبلومة عن التاثير النفسي وزرع الافكار والتوجيه اللاواعي ، علشان تكتشف بنفسك قوة اللغة وقوة التقنيات وسهولة تشكيل الاشخاص . 

مقالات مرتبطة

وأدى ولاعة هنا للأستاذ
views 731
من فترة كتبت ان الاقتراحات هي اقوى حاجة ممكن تضعفك ، او تقويك ، او تخوفك او تمنيك او تطمنك وتهديك ، الاقتراحات هي مجموعة من الايحاءات المباشرة او غير ...
منافسة كوكاكولا وبيبسي الاعلانية...
views 625
  عبقرية اختيار الكلمات والرد المفحم قامت شركة المشروبات الغازية المعروفة بيبسي في احدى اعلاناتها المنافسة لكوكاكولا (بمناسبة الاحتفال بعيد...
5 طرق للاقناع-نهاد رجب
views 2624
  التنويم الضمني هو عبارة عن تقنيات نفسية بتهدف لإقناع الشخص بفكرة من خلال زرعها جواها عن طريق القصص او الاقتراحات المباشرة او المتضمنة بأنواعها...
فن الاقناع والتواصل الفعال
views 879
  الإقناع ، مهارة عايزينها، حتى انت ، ممكن علشان كده بتقرى المقالة ديه دلوقتي او هتهتم انك تعرف ان فيه برنامج لفن الاقناع والتواصل هيبدأ قريب ، ...
الإقناع بكسر الشخصية
views 1577
كسر الشخصية هي طريقة مستخدمة لهدم شخصية شخص ما او كينونة مجموعة من الاشخاص .. والطريقة ديه ببساطة بتخليك تقدر تخلي اكثر الاشخاص صعوبة بيقع وبيتكسر ...
كيف تسأل وتحصل على الإجابات التي تريدها ! لـ نهاد ...
views 5944
التحدث عن فنون الإقناع والتأثير النفسي دائما ما يثير إعجاب الناس ، ليس فقط لأنك تجد مجموعه من التقنيات القوية والتي يمكنك إستخدامها بسهولة ولكنك أيضا ...
تنويم ضمنى ارسال فكرة لاواعيا...
views 1911
  طيب ياجماعة انا اتكلمت كتير في التنويم الضمني ، خلينا نجرب اسلوب لذيذ وسهل ممكن تستخدمه مع الناس وتبهرهم بيه ، الفكرة انك هتقول لحد يفكر في اس...
من ضمن طرق التسويق انك تتابع بعض الناس .. #نهاد_رج...
views 1529
من ضمن طرق التسويق انك تتابع بعض الناس .. يعني ايه الكلام ده ؟ كلنا عارفين شخص ما في حياتنا ، تقيل في اعجابه بالاشياء ، صعب انك تشد انتباهه ولسانه...
زرع الافكار الجزء الثانى: تنويم ضمنى واقناع بالايح...
views 1988
  هستعرض معاكم النهاردة ، فكرة جديدة مطورة من افكار التنويم الضمني ، بعض منكم اتعرف على التنويم الضمني وجاتله فرصه انه يتعرف على المجال الواسع د...
التنويم الضمنى- تقنية الربط المزدوج والربط الوهمى...
views 1544
  تحب تقرى المقالة ديه للآخر ولا تقراها كلها وبعد كده تكملها للآخر ؟؟ بلاش ديه تاخد الكيس الاسمر ولا الاسود ؟ بلاش ديه تحب تروح السينما نتفر...

Leave a Comment