التنويم الإيحائي

سؤال حول التنويم الذاتي والرمزية في التنويم بالايحاء مع نهاد رجب

استفسار
ما هى افضل طريقه يمكن استخدامها فى التنويم الذاتى
1 / النقطه الوسطى
2 / البطاريه الكونيه
3 / طريقه اعطاء وقت للعقل الباطن

وما رأيك بكتاب ريتشارد باندلر ( دليل باندلر للدخول فى حاله الأيحاء )

الرد

بمناسبة “النقطة الوسطى او البطارية الكونية او اعطاء وقت للعقل الباطن ” وافضل طريقة يمكن استخدامها فانا مش فاهم قصدك ايه ، في بعض الاوقات هتلاقي ان المتخصصين والمدربين ليهم اساميهم الخاصة ، او مجازاتهم لان في النهاية التنويم الذاتي او التنويم الايحائي ككل بيعتمد على المجاز ، فممكن على سبيل المثال تدخل في التنويم الذاتي وتتخيل انك بتشحن طاقتك عن طريقة الكون وانك قاعد في وسط البحر مثلا والنور بيجيلك من الكون وبيدخل جواك (مجاز انك بتشحن طاقتك) او انك تحط ايدك على حيطة وتدخل في تنويم ذاتي وتتخيل انك بتشحن طاقتك عن طريق طاقة الجماد مثلا او طاقة الحياة الموجودة في الشجر .. كله بيؤدي لنفس النتيجة بس بتختلف المسميات ، وممكن تألف لحالك مسميات خاصة بيك او مجازات جديدة .

فكل الطرق كويسة بس بتعتمد على الشخص المستقبل .. فيه ناس بيتأثروا بصور رمزية مختلفة عن غيرهم ..

اما بخصوص الكتاب ، فريتشارد باندلر من اكتر الناس اللى بتستخدم الرمزية بكثافة في كل تقنياته ، وكتاب دليل باندلر من اقوى الكتاب بلا استثناء ، مش هتتعلم تنويم اد مانت هتتعلم تقنيات وتطبيقات علاجية .. علشان كده هو كتاب لكل الناس من المبتدأ للمحترف

ليه بقى مهم تستخدم الرمزية مع عقلك الباطن لانه بيتأثر بالرمزية اسرع من الاقتراحات المباشرة ، فعلى سبيل المثال لما الام تبوس الجرح بتاع ابنها ، الالم بيختفي لان اللى حصل ده فيه رمزية اي ان الطفل وصله “مجازا ان امه بتسحب منه الالم” فبيفهم العقل بالشكل ده والالم بيختفي فعلا”

وعلى سبيل المثال حاجات كتير زي مثلا انك تقول لحد تخيل وكان الالم اللى جواك موجود على ايدي ، ولما يتخيل باندماج وبقوة ، وتقوم انت باعد ايدك وعامل “قال يعني” بترمي اللى ف ايدك في الشارع ، لو سالته ايه اخبار “الاحساس” (بتبدل كلمة الالم بالاحساس) هتلاقيه بيقولك انه قل او اختفى ، ساعتها بتغير الموضوع (كسر نمط) فورا علشان ميركزش عليه . وكده كده اغلب الالم بيكون اشارة رمزية من العقل الباطن فبالتالي بنتخلص منه بحركة رمزية مشابهه .

اما بخصوص انك تسيب لعقلك الباطن فترة ، فهو ممكن يغني فيها ، لكن مش هيفيدك في حاجة ، ممكن تعمل كده مع الشخص (المستفيد) او بمعنى تاني انك تربط فترة الصمت بشىء معين تاني زي مثلا ترفع ايده وتقوله ايدك هتبدأ تنزل في خلال الفترة اللي عقلك الباطن محتاجها علشان يقوم بكل التعديلات اللى هو محتاجها علشان (النتيجة المطلوبة مدمجة بصور واحاسيس واصوات ) .. لكن مبتسيبوش فترة وبتسكت ..

النقطة الوسطى ديه انا مش عارف قصتها ايه بس غالبها اختراع ياكوتش وده مش معناه اي شىء سلبي ، كله حلو مدام بيصب في مصلحة المستفيد في النهاية .

نهاد رجب

اول مدرب عربي لفن الاقناع والتأثير النفسي بالتنويم الضمني

مدرب ومعالج بالتنويم الايحائي

مقالات مرتبطة

ثق في عقلك الباطن
views 1522
الوعي محدود والعقل اللاواعي غير محدود ، متواصل مباشرة مع الوعي الكوني والمعلومات والقدرات الداخلية .   العقل اللاواعي بيتم تحفيزه من خلال...
قوة التنويم الايحائى / المغناطيسى...
views 1664
  من فترة كنت بتكلم عن سحر العقل ، وازاي العقل البشري فيه قدرات مجرد التعرف عليها بيخليها تتفعل جواك ، والمرة ديه موضوعنا عن التنويم الايحائي. ...
حول التنويم بالايحاء
views 816
  التنويم بالايحاء .. هو القدرة على التواصل مع الذات العليا ، مع مصدر الخير بداخلك ، السماح لهذا المخزون الداخلي من التدفق والتجلي فيما نسميه با...
الصوت التنويمي للتنويم الإيحائي ل نهاد رجب...
views 943
تعرف على العناصر الاساسيه للصوت الأكثر تأثيرا يعني ايه صوت استرخائي تنويمي ؟ من اول لحظه في أي جلسه تنويم بحس اني بدوس على ذرار الصوت وكإن صوتي وط...
التنويم الايحائي مغامره مشروعه في دماغ الناس قدر...
views 206
التنويم الايحائي مغامره مشروعه في دماغ الناس قدرتك على استخراج الكلمات ذات المعاني من كلام الناس الفوضوي وربط القصه ببعضها وشرحها ليهم في النهايه وت...
ما هو التنويم بالإيحاء الإيحائي لـ نهاد رجب...
views 607
بحضر لممارس التنويم بالإيحاء (المرحلة الثانية) .. وكالعادة ببدأ من جديد   التنويم بالإيحاء هو أقوى تقنيات الدعم النفسي ، من وجهة نظري ومن...
جلسة تنويم إيحائي للبنات فقط – جلسه التخسيس ...
views 158
الآن يمكنك الاستماع مجانا الى احدى جلسات المدرب نهاد رجب “جلسه التخسيس وربط المعدة بالتنويم الإيحائي” وهي جلسه تحاكي عملية ربط المعدة والتي تتم من خلا...
ممارس التنويم الإيحائي | أنا منحاز للتنويم بالإيحا...
views 588
بحضر لممارس التنويم بالإيحاء (المرحلة الثانية) .. وكالعادة ببدأ من جديد التنويم بالإيحاء هو أقوى تقنيات الدعم النفسي ، من وجهة نظري ومن خلال الفيدب...
التنويم بالإيحاء هو … لـ نهاد رجب...
views 1288
التنويم بالإيحاء هو فن التناغم مع عقل الراغب في ترك نفسه والاستغراق في كلماتك دون تفكير أو تحليل أو حتى الموافقة ، يضع نفسه في موضع المستقبل والمستسلم...
Why do I love hypnosis ?
views 450
  Why do I love hypnosis ? - because it's the perfect way to understand the world with a solid perspective and to be able to speculate the ...

Leave a Comment