التنويم الإيحائي

قوة التنويم الايحائى / المغناطيسى

 

من فترة كنت بتكلم عن سحر العقل ، وازاي العقل البشري فيه قدرات مجرد التعرف عليها بيخليها تتفعل جواك ، والمرة ديه موضوعنا عن التنويم الايحائي.

فيه علوم كتير بتساعدك انك تتعالج وتتحسن نفسيا وده بيخليك تعيش حياة اجمل ، من العلوم ديه ، العلاج بالطاقة والكريستال والاحجار الكريمة والعلاج بنظرة العين والعلاج بحاجات تانية كتير ولما اتسالت عن الانواع التانية من العلاجات ، قولت اي حاجة بتعالج هيا عبارة عن ايحاء ، حتى لو دوا ، مجرد ايحاء بأمارة انك لو خدت حاجة انت متعرفش ديه بتاعة ايه مش هتأثر معاك بحاجة ، كل حاجة هي ايحاء وليها تاثير الايحاء ، التنويم الايحائي جيه وضم كل العلوم ديه تحت مسمى اوضح واشمل الا وهو الايحاء

النظرية مبنية على فكرة وجود تلات عقول مختلفة في العقل البشري :

العقل الواعي وده الي انت بتدرك بيه الاشياء والاحاسيس
العقل الباطن وده مركز قوتك وسلوكياتك وافكارك الايجابية منها والسلبية
العقل اللاواعي وده الكلام عنه مش كتير لان محدش عرف بالظبط يعرفه منهجيا

الانسان بيتصرف من خلال الوعي (الي بيدرك بيه الاشياء) والي بياخد اوامره وتوجيهاته من العقل الباطن . ممكن تتخيل ان العقل الباطن ده القائد والي بيرسل اوامره بشكل مباشر للوعي (العسكري) ، والعسكري بينفذ .
ساعات بتتصرف بطريقة معينة وبتبقى حاسس انك متضايق ومخنوق ومع ذلك مش قادر تغير الطريقة ديه ، زي انك تبقى جبان او خواف او لامبالي او … بتبقى مدرك (وعي) ان ده غلط وانك عايز تنهيه ومع ذلك مش بتقدر (باطن) ، وده لان العسكري ميقدرش يتمرد على القائد ، العسكري بينفذ اوامر بس حتى لو مش مرتاح لها ، العسكري ممكن يتضايق يتخنق او يولع بس هو موجود علشان يحمي القائد وينفذ اوامره ، فلما تتكلم مع القائد الي جواك مينفعش انك تدخل عسكري . انت محتاج انك تتكلم مع القائد بقائد

وهنا ده دوري كمتخصص في التنويم الايحائي ، انا قائد الجلسة ، انت واعيا بتسمع كلامي وبتدرك ده وببدا اخدك في رحلة عقلية منها بقابل القائد (العقل الباطن) وببدأ احط اقتراحات مختلفة جواه بس المشكلة الي هتواجهني هي حاجة صغيرة بين الوعي والباطن واسمها ال Critical factor

وهو عبارة عن خدام بيشوف ايه الي بيدخل وبيبدأ يقول للعقل الباطن (القائد) ان فيه اقتراح داخل مثلا “انا بحس بطعم السعادة بيزيد جوايا كل يوم” فالعقل الباطن لإيما بيقبل او بيرفض ، وهنا المتخصص ميقدرش يعدي الا بمساعدة العميل نفسه لانه داخليا هيبدأ يقول “انا فعلا كده … ” الخ ، الجملة ديه بتلغي الكريتكال فاكتور وبتخلي الاقتراح بتاعي يوصل بشكل مباشر للعقل الباطن

وهنا جيه دور العقل الباطن في التنفيذ .. اولا انا بوصله من خلال تقنيات متقدمة في التنويم الايحائي – امنة جدا ومطمئنة وجميلة – العقل الباطن مبيقولش لأ او انا مش هعمل كده ، لا هو بينفذ على طول ، بس بيحتاج حركة تانية من العميل وده الي انا بخلي العملا يعملوه ، العقل الباطن بيحتاج من العميل انه يحط نفسه في موقف العميل متاكد انه كان بيحصله احاسيس سلبية لما يتعرضله زي “الفوبيا” مثلا او “الاكل” او “مطالبة الحقوق” وهكذا .. وهنا بيكتشف العميل انه عدى من الموقف ده ببراعة واغلب الكلام الي بيوصلي من عينة “انا مش عارف انا عملت كده ازاي بس انا مبقتش اخاف” او “انا مبقتش احس اني عايز اكل وبقيت العب رياضة كل يوم” او “مش هتصدق انا النهاردة رجعت لخطيبتي لما حست اني اتغيرت”

بدأ الانسان يجرب ساعتها العقل الباطن هيبدأ ينفذ الاقتراحات الجديدة ويكبرها ويخلي الشخص يدركها “بالوعي” ويدرك انها بتكبر كل يوم عن يوم ، وعلشان ده يحصل لازم العميل يبقى عنده “الالم والتعذب” علشان يجيلي اما لو حد عايز يجرب فانا برضه ممكن اوصل للباطن بتاعه بس الكريتكال فاكتور مش هيتلغي ببساطة لان الشخص ده مش متاكد من الي هو عايزه .

التنويم الايحائي بيخليك زي مانت عايزك تكون :

بيخلصك من الفوبيا – بيزود ثقتك بنفسك – بيبدل اكتئابك سعادة – بيخليك تفكر بعقليات مختلفة (جذب المال – النجاح – السعادة) – بيفيدك في التخسيس – او في التخلص من الم مزمن ملوش (سبب عضوي) – او في التوقف عن التدخين بشكل تام – تحسين الذاكرة – الوساوس – او اين كان- كنت بشتغل مع حالات مفيهاش امل ودلوقتي الحمد لله اتحسنت بشكل كامل .

انا معرفش انت ممكن تتخيل التنويم هيفيدك في ايه ، ولا ايه الي هيجذبك من الليستة الي فاتت بس خليني اوضحلك ان كل الي عليا اعمله وبوعد الناس بيه انهم يتحسنوا ويدركوا ده بجد وده جزء العقد بتاعي اما الجزء بتاعهم فهو انهم ينشطوا الي هيحسوا بيه وسلوكياتهم الجديدة وبكده نتاكد ان التحسن مستمر وكامل بإذن الله

لو عايز تعرف معلومات اكتر عن التنويم الايحائي ، ممكن تزور الصفحة ديه :
http://nihadragab.com/abouthypnosis.html

نهاد رجب
مدرب ومعالج بالتنويم الايحائي
اول مدرب عربي في فن الاقناع والتاثير بالتنويم الضمني المتقدم
http://www.nihadragab.com/

مقالات مرتبطة

الناس فاكرة ان التنويم الإيحائي يقتصر على “غ...
views 494
الناس فاكرة ان التنويم الإيحائي يقتصر على "غمض عينك" ... "استرخي بعمق" وده فعلا ليه طرقه وتقنياته ، بس تعاملي مع التنويم الإيحائي عمره ما كان كده . ...
سبحان الملك- التنويم الايحائى والاسلام...
views 1134
  زمان وانا صغير كنت متعود على اسلوب غريب ، مكنتش بقوله لحد ، بس كان كل مرة بيجيب معايا نتيجة ، صحيح مش كبيرة جدا بس كانت نتيجة واضحة وكان بيخلي...
هل التنويم بالإيحاء حلال أم حرام .. إعرف هنا لـ نه...
views 5831
ينشغل العديد من الناس بكون التنويم بالإيحاء حلال شرعا ويجوز استخدامه أم حرام ؟ وقد ذهب البعض أن التنويم بالايحاء نوع من الطقوس أو الشرك والعياذ بالله ...
التنويم الإيحائي وأسباب المقاومة النفسية مقالة لـ ...
views 2905
كممارس ومدرب للتنويم الإيحائي ، دعني أخبرك عن أكثر ما يواجهه ممارسي التنويم الإيحائي .. في كلمتين .. "المقاومة النفسية" .. خلال رحلة استخدام التنو...
الـCIA ترفع السرية عن علاج خارق لمرض السرطان بعد 3...
views 51
اتهم مؤيدو نظرية المؤامرة وكالة المخابرات المركزية الأمريكية CIA بإخفاء نتائج دراسة قد تحدث ثورة في علاج مرض السرطان، لأكثر من 30 عاما لأسباب غامضة. ...
دقائق ونبدأ في تسجيل أول فيلم تسجيلي مصري حول التن...
views 442
دقائق ونبدأ في تسجيل أول فيلم تسجيلي مصري حول التنويم الإيحائي والاستعانه بالعديد من متخصصين الطب النفسي . وتشرف بأن يتم إختياري لأتحدث حول التنويم ال...
إذا سرق منك الكريتكال فاكتور ، يمكنهم سرقة كل شىء ...
views 2009
ناس كتير بيفتكروا انك بالتنويم الإيحائي ممكن تضحك على حد وتنيمه وتاخد فلوسه   وطبعا الفكرة ديه مرفوضة تماما ، لانك اصلا تركيزك بيكون اعلى...
الانتهاء من أكبر كورس تدريبي “ممارس التنويم ...
views 91
الانتهاء من أكبر كورس لممارسي التنويم الإيحائي في الشرق الأوسط  تم تقديم أكبر دفعه للتنويم الإيحائي في الشرق الأوسط ، باعتماد مؤسسه المايندكير البريط...
Direct Suggestions
views 371
  Direct Suggestion leads to rejection Milton Erickson i totally disagree , at least not in all cases , depending wither or not my client ...
Why do I love hypnosis ?
views 451
  Why do I love hypnosis ? - because it's the perfect way to understand the world with a solid perspective and to be able to speculate the ...

Leave a Comment