التنويم الإيحائي

درس جديد للتنويم بالايحاء – الافتراضات

 

درس جديد للتنويم بالايحاء … مهم جدا انك تقراه بتمعن وتركز على الافكار اللي هتجيلك .

عن نهاد رجب

مش هتكسف اني اقول اني اخوان مسلمين 
مش معنى ان الواحد بيحب الرقص الشرقي وبيسهر ف بارات يبقى وحش ، مزاجي حاجة واخلاقي حاجة . 
مش هتضايق لو شوفت حاجة غلط قدامي 
فرحتي بالفلوس الكتيرة
قبل ما الفيلم الاجنبي الكوميدي بيخلص بتضايق باستمرار . 

##تعالى نلعب لعبة مع عقلك 

في التنويم بالايحاء بتتعلم استخدام الافتراضات لزرع افكار وتوجيه الشخص انه يفكر باتجاه معين سلبي او ايجابي للتخلص من مشكلة معينة او لزرع فكرة جديدة من بنات افكراه بناء على معلومات اديتهاله .. هنشوف ف القطعة السابقة  يعني ايه افتراضات عقلية (جزء بسيط) وازاي ممكن بمنتهى السهولة تقع في الظن السلبي من غير ماتفكر . 

اولا تعالى نشوف انت فكرت ازاي لكن الحقيقة ايه : 

لما قولت “مش هتكسف اني اقول اني اخوان مسلمين” الطبيعي ان الواحد ييجي في باله ان نهاد بيقول “انا اخوان مسلمين” بس الحقيقة هي اني مش اخوان مسلمين ، الفكرة بس اني قصدي اني لو كنت اخوان مسلمين مكنتش هتكسف .. المشكلة هنا انك افترضت وممكن تحلف ان نهاد اخوان مسلمين .. (لسة المفجأة الاكبر جاية)

لما قولت ان “الواحد بيحب الرقص الشرقي وبيسهر ف بارات ده مش معناه انه وحش ومزاجي حاجة واخلاقي حاجة” ، طبيعي جدا زي اي حد انه يفكر اني بحب الرقص وبسهر ف بارات ، مع اني بقصد ال “واحد” متكلمتش عن نفسي ، وكلمة “مزاجي حاجة واخلاقي حاجة” كنت اقصد بيها اي حد تاني .. فبالتالي الجملة ديه معناها اني مش بعمل كده بس بالنسبة للي بيعمل كده فانا مقدرش احكم عليه كونه مش كويس . (لسة المفجأة الاكبر جاية)

لما قولت “مش هتضايق لو شوفت حاجة غلط قدامي” تلات اربع الناس هتفكر ان نهاد بيشوف الغلط وبيتعامل معاه عادي وديه حاجة انا مقولتهاش تماما 😀 انت فكرت بالطريقة ديه لكن الحقيقة هي اني مش بضايق لكن بغضب جدا لو شوفت حاجة غلط قدامي . (لسة المفجأة الاكبر جاية)

فرحتي بالفلوس الكتيرة ، معناها اني بفرح لما يكون معايا فلوس كتير ، بس ده المعنى اللي عقلك فهمهولك بمنتهى البساطة لانك محاولتش تفكر تاني ، لكن ركز كده تاني في الجملة هتلاقي قصدي “اني علشان افرح لازم ادفع فلوس كتيرة في مقابل فرحي” (لسة المفجأة الاكبر جاية)

“قبل ما الفيلم الاجنبي الكوميدي بيخلص بتضايق باستمرار” انت ف لحظة اختلقت صورة ان نهاد بيتفرج على الفيلم وان نهاد بيكون مبسوط اوي بالفيلم لدرجة انه بيتضايق لما الفيلم بيخلص ، مع اني مقولتش اني بتفرج عالفيلم اساسا ، ممكن بمنتهى البساطة اقولك اني قصدي اني بشوف الناس مبسوطة بالفيلم (اللي انا مشوفتوش) وببقى فرحان علشانك وبكون متضايق لما اعرف ان الفيلم قرب يخلص مش اكتر .. (لسة المفجأة الاكبر جاية)

المفجأة الاكبر : 

انا كتبت “عن نهاد رجب” 
مين اساسا افتى ان ده وصف ليا ، او تعريف بيا ، عن نهاد رجب كانك بتقول عن عباس العقاد ، اي انك بتنقل عنه كلام ممكن يكون الكلام ده بيوصف بيه اي حد تاني او ناقله من اي حد تاني غيره .. ف عن نهاد رجب اي اني شوفت الكلام ده عند نهاد رجب ونقلته عنه مش اكتر .. 

سهل انك توجه تفكير الشخص اللي قدامك ، سهل انك تخليه يكمل الجملة ، سهل انك تزرعله فكرة وتخليه يقتنع بيها ، سهل جدا لو جربت ، صعب جدا لو مش دارس ، سهل جدا لو حد تاني دارس وحاول معاك …

نهاد رجب
أول مدرب عربي لفن الاقناع والتأثير النفسي بالتنويم الضمني

مدرب ومعالج بالتنويم الإيحائي

www.nihadragab.com

مقالات مرتبطة

المعالجة بالتنويم الإيحائي Hypnotherapy...
views 1280
التنويم الإيحائي Hypnosis، أو ما يدعوه البعض خطأً باسم التنويم المغناطيسي، هو حالة تشبه الغشي أو الغيبوبة الخفيفة (Trance)... مهلاً ما هي هذه الحالة؟ ...
التنويم بالإيحاء وإرباك الوعي لـ نهاد رجب...
views 2057
من أهم عناصر التنويم بالإيحاء هو الإسترخاء الذهني وهو عملية نقوم فيها بإرخاء العقل من أجل تقبل الاقتراحات الموجهه له ، وفي حقيقة الأمر فالاسترخاء الذه...
سؤال حول التنويم الذاتي والرمزية في التنويم بالايح...
views 709
استفسار ما هى افضل طريقه يمكن استخدامها فى التنويم الذاتى 1 / النقطه الوسطى 2 / البطاريه الكونيه 3 / طريقه اعطاء وقت للعقل الباطن وما رأيك بكتا...
التنويم بالإيحاء هو … لـ نهاد رجب...
views 1288
التنويم بالإيحاء هو فن التناغم مع عقل الراغب في ترك نفسه والاستغراق في كلماتك دون تفكير أو تحليل أو حتى الموافقة ، يضع نفسه في موضع المستقبل والمستسلم...
مجانا للبنات فقط ! جلسه التخسيس وربط المعدة بالتن...
views 125
الآن يمكنك الاستماع مجانا الى احدى جلسات المدرب نهاد رجب “جلسه التخسيس وربط المعدة بالتنويم الإيحائي” وهي جلسه تحاكي عملية ربط المعدة والتي تتم من خلا...
الاكثر اقتناعا هم الاكثر مقاومة...
views 632
  يوم عن يوم ، الايام بتثبت ان الأكثر اقتناعا وفهما للتنويم هو الأكثر مقاومة للتأثير السلبي له وهؤلاء من هما يرفضونه هم الاكثر تأثرا به نهاد ر...
التنويم الإيحائي وأسباب المقاومة النفسية مقالة لـ ...
views 2906
كممارس ومدرب للتنويم الإيحائي ، دعني أخبرك عن أكثر ما يواجهه ممارسي التنويم الإيحائي .. في كلمتين .. "المقاومة النفسية" .. خلال رحلة استخدام التنو...
كيف نتقبل الايحاءات على الفيس بوك مقالة ل نهاد رجب...
views 1055
أشكال تقبل الاقتراحات والايحاءات على الفيس بوك : شاهد الى اي مدى نتحرك بناءا على الاقتراحات والايحاءات الضمنية الغير مباشرة - عندما ترى تعليق لأحد...
الراجل ده يعتبر اسطوره من اساطير التنويم الايحائي ...
views 456
الراجل ده يعتبر اسطوره من اساطير التنويم الايحائي في العالم ٫ قعد حوالي 60 سنه بيمارس ويدرب التنويم الايحائي واغلب بروتوكلات التنويم الإيحائي تعتمد عل...
محاور كورس ممارس التنويم الإيحائي مع نهاد رجب...
views 935
التنويم الإيحائي | طبقا للجمعية الطبية البريطانية BMA التنويم الإيحائي (Hypnosis) هو حالة ذهنية معدلة فيها تزداد قابلية المستفيد للاقتراحات الإي...

Leave a Comment