أسرار النجاح

متخافش من حد- للرجال فقط

 

عايز تعمل حاجة .. اعملها قدام اي حد .. كل ما الحاجة ديه هتكون فاجرة .. محدش هيقدر ينتقدك .. لان الناس هتبقى مصدومة ومش مصدقة انك عملت حاجة زي كده فعلا ” .. ديه كانت جملة قالها واحد معرفة بعد ماسالته ، انت مبتتكسفش من الناس !! ورده بصراحة كان صادم بالنسبة لي وخلاني اعيد تفكير في حاجات كتير .

لما تكون ماشي في مكان عام ، وتشوف واحد بيحاول يكلم واحدة ، بيعاكس يعني ، بس لسة مبتدىء ومتوتر وقلقان وخايف .. الغريب انك هتلاقي مية واحدة عامل فيها راجل وممكن يتخانق معاه ويهزئه ويشتمه وممكن يضربوه .. الاغرب انه لو مكنش متوتر وممكن يكون عمل اكتر من مجرد كلام ، هتكتشف ان الناس من كتر ماهي مذهولة ممكن متبصش ، تعمل نفسها مخدتش بالها ، تهمس كام كلمة وتمشي ..

خليني اسالك سؤال .. عمرك شوفت ولد وبنت في وضع مش لطيف في الشارع ؟ يمكن اه او يمكن لأ ، كام مرة انت خدت موقف ؟ من 1 ل 10 ؟ يعني لو انت شوفت الموقف ده عشر مرات ، كام مرة خدت موقف ؟ وكام مرة شوفت اتنين اجانب بيعملوا حاجة زي كده في وسط الشارع ومفيش اي مانع بالنسبة لهم انك تتفرج ؟ كام مرة حاولت تدخل وتمنعهم ؟ او تشتمهم ؟ لو انت خايف انك تعمل كده قدام الناس ، مسالتش نفسك ليه ؟ حد هيمنعك ؟ او حد هيشتمك ؟ او هتتضرب مثلا؟ مبدئيا مفيش حاجة زي كده هتحصل لو انت واثق اوي من نفسك وبتعمل ده وانت مش قلقان ، لدرجة ان واحد صاحبي شاف قبل كده اتنين شواذ جنسيا مع بعض في وسط الشارع وتلات اربع الناس الي كانت موجودة شافوهم ومحدش بس قالهم كلمة ..

ليه انت بالذات خايف من انك تتصرف تصرف يإذي الناس فحد يقوم أذيك ؟ لو فكرت ايه الي ممكن يحصل هتكتشف بنفسك ان مبرراتك مش منطقية ، يمكن تكون خايف ان حد يشوفك ، ولو حتى شافك هيعمل ايه ؟ ولا حاجة .. ممكن تكون ماشي ف الشارع فتلاقي واحدة اجنبية ماشية في الصيف بنص كم او بربع كام او من غير اكمام خالص وميني جيب ، ساعتها يمكن تبص وتستغفر وتستعيذ وكل حاجة ، بس كام مرة روحت قولت لواحدة اجنبية عيب كده او شتمت صاحبها او اتخانقت معاه ؟ ولا مرة ! نادرا ما تلاقي حد بياخد موقف منهم ، لكن لو شوفت على الجانب التاني بنت لابسة لبس قريب من كده ، يمكن ييجي في دماغك انها مش كويسة او ممكن تستثار جدا وتحس انك عايز تكلمها ! يمكن تكون محتشمة بالنسبة للاجنبية الي وصفناها بس برضه لانها مصرية فده هيخليك مشدود اكتر .. بمنتهى البساطة لانها كسرت حدود وتعدد على معتقداتك وافكارك واتحديتك ، وفي الاخر هيا ممنوعة عنك وده هيخليك تستموت علشان توصلها ولو معرفتش هتقول جواك “ديه بروستستيوت .. هلاقي غيرها كتير” ولو حتى لاقيت برضه مش هتعرف تقربلهم .. لانك هتكون خايف ، وديه الخدعة ، من كتر مانت مصدوم من هول المفجأة بالنسبة لك ، الشخص نفسه الي المفروض هو الغلطان مش متأثر ولا عنده مشكلة ، لكن انت هتفكر الف مرة قبل ماتروح تكلمه ، بمنتهى البساطة لانه فاجر جدا وده هيخليك تخاف منه ومش العكس ..

مثل مصري بيقولك “خدوهم بالصوت قبل مايغلبوكوا” ، وده اسلوب متبع جدا ، ومن كتر ماهو متبع بدانا ان احنا نمتنع عن اننا نغلط ناس غلطوا في حقنا لمجرد اننا خايفين من الصوت العالي ، ومع انهم غلطانين بس بنحمل نفسنا الغلط ده علشان نستريح

الفكرة ف الموضوع ، ان الحالة النفسية الي شرحتهالك فوق والسلوك النفسي ده هيخليك تفكر قبل ماتخاف تعمل حاجة قدام الناس ، لان الي انت خايف منه يمكن يكون هو اساسا الي خايف منك ، بعض الناس بتخاف تتكلم قصاد الجماهير وبيبقى ف دماغها ان ممكن حاجة تحصل او حد يتريق او اين كان ، بس الي انت المفروض تفهمه ان مجرد وجودك على المسرح مثلا ، ده هيخلي اي حد يفكر الف مرة قبل ما يضايقك ، بمنتهى البساطة لان انت ف مكان بالنسبة له (عظيم جدا) وهو نفسه ميقدرش يكون فيه ، ومن هول وعظمة المكان ده ، بعض الناس الي حتى هترفع ايديها علشان تكلمك وتسالك ، هيكونوا خايفين جدا من مجرد انهم يعرضوا وجهة نظرهم ولو بشكل ايجابي قصاد الناس ، فما بالك لو حد حاول ينتقدك ! كلمة واحدة منك حتى لو مش مفهوم ردك هيقنعه وهيقنع الناس وهيخليه يسكت وهتقدر انت تكمل ساعتها براحتك ..

متخافش من حد ، وعيش حياتك ، مفيش حد ف الدنيا يقدر حتى انه يخوفك ، الخوف من الاشخاص انت صنعته جواك ، وخليت شخص معين مخيف بالنسبة لك لكن هو اساسا حد عادي زيك بالظبط وبيفكر زيك بالظبط ومش عايز غير انه يسيبك في حالك ويكمل حياته ..

لما كنا في الجيش كنا بنهرب الموبايلات بطريقة عجيبة جدا .. في الوقت الي كنا بنتفتش فيه على البوابة تفتيش كامل هدوم وشنط علشان يتاكدوا ان احنا مش معانا مخالفات  ، بنكون ماسكين الموبايلات ف ايدينا ، لان الي بيفتشك تفكيره مش ممكن يدرك انك توصل لدرجة من الجرأة انك تكون واضح اوي كده في اظهار الحاجة الوحيدة الي هو بيدور عليها ، فمش ممكن ييجي في باله انك ماسكها في ايدك ..

ف السويس لما اول قطر عدى عليا وانا مروح بيتنا ، بعدها بنص ساعة تقريبا جيه قطر تاني بس ف قبل ماييجي كان فيه واحد بدو مثبتني وعايز موبايلي ، بمنتهى البساطة حطيت ايدي ف جيبي وطلعته ومسكته وقولتله فتشني لو عايز، احنا مبنجيبش موبايلات معانا الوحدة .. خد 5 جنيه ساعتها قال كلمتين ، ومشي ، وانا مبتسم لانه مخدش باله من ان ايدي اليمين الي كانت مرفوعة قدام وشه طول الوقت كنت ماسك بيها التليفون الي هو كان عايزه .

اوعى تخاف ابدا ، اي حاجة عايز تعملها اعملها وسط مليون ، وسط العالم كله ، ومتستناش ان الناس هتجلدك ، الناس هتقف بتتفرج وهيا مستغربة ومستعجبة وجواها مليون كلمة بس ولا كلمة هتخرج وهتمشي ومش هتبص وراها ..

ديه مش نصيحة ليك انك تعربد ، بس ديه نصيحة ليك انك تفهم ان مفيش حاجة ف الدنيا بتخوف ، وان الوحيد الي المفروض تخاف منه هو ربنا ، لكن الناس مهما كانوا ، مهما كان منصبهم او شكلهم او صوتهم او طريقتهم ، في الاخر ميقدروش ينتقدوك الا لو حسوا انك قلقان ومتوتر ومستنى ده انه يحصل .

كنت قدام سينما ريفولي لما لاقيت صف ناس رجالة وستات  واقفين بيتفرجوا على تلات بنات بيجروا وبيصرخوا ووراهم شباب بيجروا وراهم علشان يعاكسوهم او اين كان ” مخدتش بالي من الموقف بس الي خدت بالي منه احساس الناس بالضيقة من المنظر ودقيقتين وكان كل واحد بيروح بيته .

متديش قيمة لحد اكتر من قيمته واعرف ان زي مانت بتفكر الناس بتفكر ، ومدام انت مقتنع بالي بتعمله ، اعمله حتى لو انت عارف انه هيضايق ناس منك ، مدام ديه حاجة خاصة بيك وف مصلحتك اعملها واستمتع بنتيجتها سواء كانت ايجابية او سلبية المهم انك تكون نفذتها بدا مكنت تعيش طول عمرك ندمان انك حتى محاولتش

نهاد رجب
اول مدرب عربي لفن الاقناع والتاثير النفسي بالتنويم الضمني
مدرب ومعالج بالتنويم الايحائي
http://www.nihadragab.com/

مقالات مرتبطة

عايز تستمتع بحياتك ؟ اشرب الماء على ثلاث مرات !!!...
views 4243
عايز تستمتع بحياتك ؟ اشرب الماء على ثلاث مرات !!! الدين مش بس بيقولك اخلاقيات ، مش بيعلمك سلوكيات ، الدين بيعمل على اعادة وحفظ التوازن للكون ! فبالت...
لا تغضب – مقالة ل نهاد رجب...
views 1761
  لا تغضب ليس فقط لأن الغضب يخرجك عن شعورك ، ولكن الغضب هو أعلى مراحل تحكم العقل على من انت .. فعندما تصل الى قمة احساسك بذاتك "الإيجو" الخاص ...
خلي اللحظة تعيشك
views 1212
  لانك بتختصر حياتك في لحظات لانك بتختصر تجاربك في لحظات لانك بتختصر الناس في لحظات لانك بتختصر علاقاتك في لحظات فبتقول انها كانت اجمل لحظات...
نبوءة القول: كيف يمكنك التحكم فى من يحبك...
views 5419
  نبوء القبول ببساطة بتقول : لما نفكر ان الناس هتحبنا ، بنتصرف بطريقة حميمية جدا فالناس بتحبنا اكتر ، ولما بنعتقد انهم مش بيحبونا ، بنتصرف ببرود...
في الوقت اللي كلهم هيجمعوا انها نهايتك ووقوعك....
views 700
في الوقت اللي كلهم هيجمعوا انها نهايتك ووقوعك. وانت بتقع وقبل.ماركبتك تتعفر بالتراب ، اسند بايدك وقوم تاني خليهم دايما يحسوا انك مبتخلصش ، لسه ع...
تخلص من المشاعر السبية بالتحكم في اهواءك .. نهاد ر...
views 973
تحكمك في شهواتك ، تحكمك في نفسك والبعد عن الضعف قصاد المحرمات او الملذات ، هو في حد ذاته بيضمنلك النجاح في اي مشكلة نفسية بتواجهها . فلو كنت على سب...
3 طرق خاصة للتخلص من العادات السلبية – لـ نه...
views 6775
هل لديك عادة سلبية وتريد التخلص منها ؟  قد يكون الأمر صعبا ، في حقيقه الأمر هو صعب ، فقد يتطلب بناء عادة ما أسابيع من الاستمرار أو أيام او حتى في ب...
عيش اللحظة الآن مع نهاد رجب
views 952
  التفكير بشكل سلبي هو الطريق الاسرع في تسويق المنتجات خصيصا في مصر . يعني تشتري عربيه انت مش عايزها علشان لو حصلها حاجه تقدر تبيعها ! او ...
خطوتين لزيادة سرعه وصولك إلى الوزن المثالي لـ نهاد...
views 11210
هناك العديد من برامج التغذية الموجودة في العالم وكل منهم يوعدك أن تصل إلى الوزن المثالي في أقل وقت ممكن !  كم تمنيت هذا عندما بدأت طريقي للوصول إلى...
حب اهدافك وافكارك
views 2074
تجربة ف معلومة النهاردة اكتشفت حقيقة فكرة كانت بتجيلي من فترة للتانية .. اني لو حبيت فكرة معينة وعشقتها واندمجت معاها عاطفيا ، هشوفها متجسدة في الدن...

Leave a Comment