أسرار النجاح

اتريق قبل ما حد يتريق عليك

 

اتريق قبل ماحد يتريق عليك
مقالة جديدة لنهاد رجب

من فترة اتكلمت عن كسر المعارضة وازاي تقدر تغير طريقة تفكير حد لما يلاقيك بتفكر زيه وكانت ملهمة جدا لناس كتير وناس كتير استخدموها كويس اوي .. بس المرة ديه هتكلم عن عملية شبيهة شوية ليها كذا استخدام على المستوى الاجتماعي والمهني وانت شخصيا ممكن تبدأ تستخدمها حالا ..

من فترة اتسألت عن التنويم فاتكلمت فلاقيت رد من اصدم الردود الي قابلتني في حياتي من حد منصبه كويس وكبير وشخص جرىء كمان… “التنويم ده كلام فارغ” عادة لما بلاقي حاجة شبيهة لكده بقوم ماسك الشخص ده ولازقه في الحيطة .. وطبعا مش قصدي بضربه (بالذات لو من الداخلية) بس الي حضرولي عارفين ازاي ممكن تلزق حد في حيطة ومتخليهوش يقدر يفك نفسه الا من خلالك .. او على الارض او تلزق ايده في بعضها وكله بالعقل اللاواعي والاقتراحات والتنويم.. بس المرة ديه معملتش كده .. بصتله وقولتله انهي تنويم ؟ قالي التنويم يعني .. قولتله ايوة مانا عارف التنويم ، انهي تنويم؟ قالي اي تنويم ، قولتله طيب والمونو ادياليزم؟ قالي ديه ايه ده .. قولتله اقولك انا .. فيه تنويم ايحائي وتنويم تاني اسمه مغناطيسي ومونوايداليزم .. التنويم المغناطيسي بقى تخاريف و كلام فارغ زي مابتقول بالظبط وجيمس برايد واساتذة علم النفس والاجتماع اثبتوا التخلف بتاع الكلام ده الي بتتكلم عنه . قالي ايوة هو المغناطيسي ده .. قولتله طيب انا بدرب تنويم ايحائي وده حوار تاني خالص.
طبعا الراجل انبسط من الفكرة لانه مطلعش تنويم مغناطيسي زي ماتخيل ، فكملت كلامي عادي وكان متفاعل جدا وبدات اتكلم عن اساليب العلاج بالتنويم الايحائي فلاقيت واحد تاني بيقولي بهجوم شوية “بس انت كده بتضحك على عقول الناس” قولتله هايل ، انا فعلا بحب اضحك على عقولهم .. قالي بس ده غلط وحرام .. قولتله بص ياسيدي ، لو الضحك على عقول الناس على حسب مابتقول بيجيب نتيجة وبيخليهم يتعالجوا مع انهم عارفين انا بعمل ايه وبيتقبلوه وبيتعالجوا فعلا ، فتحب اضحك على واحد واقوله انه بيتحسن ويلاقي انه بيتحسن بجد ولا اقوله الحقيقة انه هيموت فيقع مني؟

لحد دلوقتي الي عملته اسمه كسر المعارضة وببساطة فكرتها الموافقة على اي كلام بيتقالك ومن نقطة الموافقة بتبدأ تغير وتعمل قيادة للافكار بتاعتك ساعتها هتلاقي الشخص بيروح معاك زي الهوا بالذات لما تعرف ان التنويم الايحائي هو هو التنويم المغناطيسي بس الاسم مختلف لاسباب تاريخية.. ديه نقطة قولت ابدأ بيها لان فيه ناس طلبوا نماذج اكتر عن كسر المعارضة بس خلينا من هنا ننتقل للنقطة الي بعديها وهيا التريقة ..
والتريقة زي ماقولت شبيهة جدا لكسر المعارضة وفيها انا ممكن اتريق على نفسي او على حد قبل ماحد تاني يتريق عليا او يهاجمني ..

هبدأ بنظرية نفسية بستخدمها وغالبا ناس كتير اتكلموا عنها وهتكتشف صحتها لما هقولها .. الناس بتتجمع اكتر وبتسمع كلام الشخص الي بيتريق وبتتعاطف مع الي التاني .. يعني السلطة العليا دايما مع الي بيتريق .. مش مصدقني؟ طيب شوف وانت صغير كان مين رئيس الجماعة بتاعتك ، الشلة زي مابيقولوا ، ممكن كان رفيع ممكن كان مأزعر بس في الاخر الناس بتتجمع حواليه .. لانها خايفة منه لحسن يتريق عليها او لاي سبب المهم انه سلطة عليا على كل واحد معاه ..

التريقة ليها تأثير نفسي قوى جدا .. هي انك لما تكون ماشي مع احمد مثلا وتقوله بص الواد الي هناك ده نايتي اوي بص بيتكلم ازاي ، هو الرجالة خلصوا ولا ايه وتبدئوا تضحكوا مثلا .. الي انت عملته وانت مش عارف انك عملته هو ان احمد مش هيفكر فيك انك حد “نايتي” وهيفكر انك من الرجالة القليلين الي اتفضلوا .

كمحاضر من وقت للتاني لازم اعمل تصنيف علشان محدش يقارني بحد ، فكان عندي محاضرة في ركن فاروق عن التنويم الضمني ، فبدأت كلامي عن ازاي بعض المدربين مش بيبقوا فاهمين هما بيقولوا ايه وبدأت اضحك الناس جدا عليهم ، طبعا مقولتش اسامي بس الي حصل اني من خلال الطريقة ديه بدأت اهدم اي معارضة سلبية ممكن تقابلني زي مثلا “انت مش فاهم الي بتقوله” فقولت “او مدرب مبيبقاش فاهم الي بيقوله وبيتكلم عنه ، علشان كده لازم كل واحد بيدرب حاجة يكون دارسها” او مثلا ممكن حد يقول ان التنويم كلام فارغ فمكن ابدأ ب “اغرب حاجة في الدنيا ان حد ميكونش اتخصص في حاجة ويقولك انها كلام فارغ ” وساعتها بتكلم عن اي تجربة بعيدة عن التنويم بس ببقى عارف ان الي قدامي هيبدأ يربطها بالتنويم بشكل تلقائي فده هيقلل نسبة المعارضة بعد كده

استخدام تاني لتقنية التريقة في العلاج لما الاقي حد مثلا جايلي علشان خايف من الادوار المرتفعة ، فابدأ اكلمه عادي وبعد كده اشد انتباهه للموضوع واقوله “او يلاقي الواحد صوت جواه وهو واقف في اخر دور وبيقول ….
(ياماما انا خايف ابص)” بس بقول اخر جملة بين قوسين بطريقة واحد بيتريق كانك بتقولها من مناخيرك وانت بتضحك. علشان تضحكه ، بس طبعا من غير ماتتريق عليه هو ولازم قبلها اكون مفهمه اني مقدر مشكلته ، والجملة الي كانت بين تنصيص هتلاقيني بستخدم كلمة “الواحد” علشان مياخدهاش بشكل مباشر على نفسه بس اللاواعي هو الي هيفهم المعلومة ويبدأ يمررها جواه ، والي بيحصل جوا ان الشخص ده بعد كده كل مرة هيبص فيها من اماكن مرتفعة هيبدأ يسمع صوتي انا ، لاني عملتله كسر نمط ده طبعا باستخدام الاقتراحات وتقنيات التنويم الايحائي نفسها .

والتريقة على النفس طريقتها سهلة ، فلو فرضا انت بتتكلم قدام حد وقولت الجيم دال ، هو كده كده هياخد باله فلو سبته هيبدا يركز على الكلمة ويتريق عليك بس لو وقفت ساعتها وضحكت وقولت “ايه ده هو انا هيست ولا ايه” ، ساعتها انت بتلغي الفكرة ديه من دماغه لانك خدت عنه التفكير فيها ، وبعض الاوقات في الدورات بيبقى فيه شخص مثلا مش بيستقبل اقتراحات حسية بنفس قوة الاقتراحات السمعية فممكن ايده متلزقش في الحيطة (حسية) بس ممكن ينسى اسمه او رقم (سمعي) بس حاجة زي كده مبتتعرفش غير في تجربة فانت ممكن تجرب وتلاقي ان الاقتراح الحسي مشتغلش فساعتها الناس بترفضك حتى لو اعتذرتلهم وحلفت انها شغالة بس لو قولت للشخص ده “تمام جدا ايدك فعلا ملزقتش ، ممكن تكون الحيطة لسة داهنينها فمش بتلزق كويس ، وبعدين ليه الكسفة ديه انا مش اتفقت اديك فلوسك بعد المحاضرة .. ” طبعا بطريقة لطيفة علشان ميبقاش هجوم عليه ، فده بيريح الناس من جوا وبينقل تركيزهم عنك للشخص نفسه الي فشل في تتبع اقتراحاتك وساعتها ممكن تديله اقتراحات سمعية فتلاقيه بيتجاوب اسرع ..

التريقة تقنية من تقنيات التنويم الضمني ، وهو شكل متقدم من اشكال التنويم الايحائي عبارة عن مجموعة تقنيات نفسية ونظريات وتطبيقات بتخليك تقدر تزرع افكارك في عقل الشخص الي بتكلمه اين كان مين هو من غير مايعرف حرفيا انت بتحاول تعمل معاه ايه وهيا عبارة عن مجموعة دورات تدريبية بتؤهلك انك تقنع وتسوق وتدير وتأثر وحاجات كتير .. وقريب هبدأ اتكلم عن زرع الذكرى الوهمية وازاي تخلي حد يحلف انه فاكر حاجة انها حصلت ويوصفهالك بالصوت والصور بس هيا فعلا محصلتش ..
نهاد رجب
اول مدرب عربي لفن الاقناع والتأثير النفسي بالتنويم الضمني
http://www.nihadragab.com/

مقالات مرتبطة

التسويق : اهزم منافسك بالصمت لأن انتصاره سيبدأ عند...
views 5877
اهزم منافسك بالصمت لأن انتصاره سيبدأ عندما يعلو صوتك ضده . التسويق الاجرامي هو انك تستخدم المنافس للتسويق لبضاعتك ومنتجك وده ممكن يحصل بشكل مدرو...
الثقة بالنفس وخطوات عملية لـ نهاد رجب...
views 10620
الثقة بالنفس تعتبر الحل لكل المشكلات التي يمكن أن تواجهها في حياتك ، فكر في أي مشكلة تواجهها ، تجد ان سببها غالبا ما يكون له علاقة بثقتك بنفسك ، فإذا ...
التخلص من قضم الأظافر والعادات السلبية – نها...
views 1966
  هل تريد التخلص من هذه العادة السلبية ؟ قد يبدوا الامر صعب للوهلة الاولى خصوصا ان كنت من هواه قضم الاظافر ولكن دعني اخبرك انني قد كنت اعاني م...
سوق حياتك واقرى الطريق #نهاد_رجب...
views 2163
عارف انك لما تيجي تسوق العربية في البداية بتحصلك مشاكل كتير فلان بيكسر عليك البني آدم ده زنقك الطريق وقف فجأة وكنت هتخبط في اللي قدامك بس ربنا ست...
النظرية الجزء الثالث
views 720
  عيشها بدماغك ايه رايك لو جيه حد معروف ونده وسط الف شخص وقال يجماعة احنا هختار فلان الفلاني (الي هو حضرتك) من وسطكم علشان يمثلكم ؟ طيب لو ...
تعلم سر من أسرار كسب المال من استفتاح البائعين.. ن...
views 6309
الاستفتاح ، قد تتراود الى ذهنك العديد من المعاني عندما تستمع الى هذه الكلمة .. ولكن اسياد استخدام هذه الكلمة هم البياعون ، فلقد علموا قوتها وأهمية معن...
عايز تستمتع بحياتك ؟ اشرب الماء على ثلاث مرات !!!...
views 4247
عايز تستمتع بحياتك ؟ اشرب الماء على ثلاث مرات !!! الدين مش بس بيقولك اخلاقيات ، مش بيعلمك سلوكيات ، الدين بيعمل على اعادة وحفظ التوازن للكون ! فبالت...
صاحب الأيدي الملطخه بالدماء – مقالة لـ نهاد ...
views 2541
هل سمعت من قبل عن قصة "صاحب الايدي الملطخه بالدماء" ؟   هي قصة طريفة لا هدف منها غير إشعار الناس بالملل ، وتحكي باختصار عن سيدة يأتيها هاتف مزعج با...
قانون الجذب #نهاد_رجب
views 4685
قانون الجذب - يعني ايه جذب ؟ وايه قانون الجذب ؟ - الجذب يعني انك تفكر في شىء فيحصلك .. - يعني اجذب اهدافي؟ - في الاغلب انت بتجذب "أحداث" اكتر ما ب...
شيل السبت من الطريق ل نهاد رجب...
views 902
  معدي النهاردة من شارع ضيق ، فيه على اول خضري (بياع خضار)  سايب حاجته برة وفيه (سَبت) فيه خضار سادد الطريق على عربية نص نقل كانت بتحاول تعدي...

Leave a Comment