أسرار النجاح

نبوءة القول: كيف يمكنك التحكم فى من يحبك

 

نبوء القبول ببساطة بتقول : لما نفكر ان الناس هتحبنا ، بنتصرف بطريقة حميمية جدا فالناس بتحبنا اكتر ، ولما بنعتقد انهم مش بيحبونا ، بنتصرف ببرود وبملل وفعلا بنكتشف انهم مش بيحبونا بنفس الدرجة ..

نبوءة بتتحقق بشكل تلقائي ، بمعنى لو احنا توقعنا القبول بنحصل عليه ، ولو متوقعنهوش مبحصلش عليه ، بمنتهى البساطة .

وده بيعتبر تفسير ليه الناس بتحب او بتكره بعض ، لان الموقف مبني على توقعك انت من حب الشخص ده او كرهه ليك .. 

طبعا فيه استثناءات تانية وان الموضوع مش مجرد توقعات بس فيه كمان بيبقى اختلاف ثقافي ، او حضاري على اساسه بنحصل على الكره أو الحب ، فيه ناس بتهتم انها تحصل على قبول الاخرين وناس تانية مستعدة انها تقبل بكل تلقائية ، بس تعالوا نركن ده شوية ونتخيل ان فيه اتنين زي بعض بالظبط في كل حاجة مفيش اي اختلاف حضاري او ثقافي ، بس تخيل معايا الاتنين دول واحد منهم بيتوقع ان التاني رفضه والتاني بيتوقع ان الاولاني هيقبله .. 

الابحاث اكتشفت ان الانسان الي عنده توقع ان الشخص التاني هيقبله وبيتصرف على الاساس ده طاقته بتبقى اعلى من الاولاني وبيقدر يأثر على الشخص التاني بسهولة .. 
ستنسون ايت ال ، في بحث ليه سأل سؤال ، ياترى لو حصل توقع مسبق للقبول ، هل ده هيؤثر على حميمية الشخص المتوقع ولا لا .. 

عمل بحث لطيف اوي على 28 راجل ، قال ل 14 واحد منهم ان كل واحد فيهم هيقابل واحدة جميلة بس مشكلتها انها خايفة تترفض منه ، وده بيقلقها وبيزعجها وده خلى كل راجل فيهم يحس بالأمان والهدوء النفسي ويتصرف بشكل طبيعي جدا واكثر حميمية عن المعتاد لمجرد انه عرف ان البنت ديه خايفه انه يرفضها ، وقال لل 14 الباقيين تفاصيل مش كاملة عن البنت الي هيقابلها وده سبب ان كل واحد فيهم كان قلقان وهو رايح الميعاد بتاعه لانه ميعرفش حاجة وخايف انه يترفض ..

وده بيبين ان نبوءة التوقع حقيقية وسليمة ، فكرة انك تتقبل الشخص وتتوقع انه هيقبلك ده بيأثر فعلا على اسلوبك وطريقتك وحركاتك وبينتج عنه ان الشخص بيحبك فعلا ، والعكس صحيح … 

وطبعا كان فيه استثناءات في البحث ، لان بعض من الناس كان متحمس ان الطرف التاني هيقبله لان الشخص ده نفسه متفاؤل بطبيعته ، ونفس الفكرة للطرف التاني المتشاءم حتى بعد ماعرف ان الطرف التاني قلقان وخايف انه يترفض مع ذلك كان متشاءم وشاكك انه الاولاني ممكن يرفضه وهكذا .. 

وفي النهاية ، توقع ان الناس تحبك لان على حسب نتيجة بحث ستينسون ايت ال ، ونبوة القبول ، مجرد انك تحط في دماغك ان الشخص الي هتقابله هيتقبلك لشخصك وهيحبك ده فعلا هيخرج منك ااشارات موجهة لعقله اللاواعي بتاثير منك هتكتشف ان الموضوع مشي بمنتهى السلاسة والجمال .. 

في التنويم الضمني قاعدة بتقول Go First

او ابدا اولا ، ومعناها انك لو عايز تخلي شخص ما يقتنع بشىء ، اقتنع بيها انت الاول وده هيأثر على اسلوب عرضك عليه … جرب النهاردة او بكرة انك تتخيل نفسك متقبل من قبل اي شخص في خيالك حاسس انه بيكرهك لأي سبب ، تخيل انه بقى يحبك وانه بيعاملك كويس ، تخيل انك هتروح الشغل هيرحب بيك وهيساعدك ، تخيل واقتنع بده ، وافتح الباب لحياة مختلفة اكثر ايجابية واكثر تأثيرا ..:)))

انتظروني في بحث تاني في فنون الاقناع والتأثير بالتنويم الضمني

نهاد رجب
اول مدرب عربي في تقنيات الاقناع الإيحائي والتأثير بالتنويم الضمني 
http://www.nihadragab.com 

مقالات مرتبطة

تقنية الهوبونوبونو وتحقيق التوازن النفسي ل نهاد رج...
views 13302
طريقة رائعة للتخلص من التوتر والقلق بخصوص المشكلات الحالية وتحقيق التوازن الداخلي والسلام .. ال ho'oponopono الهوبونوبونو .. الهوبونوبونو هي تقنية من...
3 طرق خاصة للتخلص من العادات السلبية – لـ نه...
views 6775
هل لديك عادة سلبية وتريد التخلص منها ؟  قد يكون الأمر صعبا ، في حقيقه الأمر هو صعب ، فقد يتطلب بناء عادة ما أسابيع من الاستمرار أو أيام او حتى في ب...
الاحتياج وطريقة احتياج الاخرين لكسبهم لصفك .. نهاد...
views 3430
  الكلاب بتشم الخوف والبني آدمين بيشموا الاحتياج ، وده بيديهم احساس من اتنين اما غرور وبيؤدي في النهاية ان صاحبه يبدأ يتعالى على صاحب الحاجة ...
تخلص من المشاعر السبية بالتحكم في اهواءك .. نهاد ر...
views 973
تحكمك في شهواتك ، تحكمك في نفسك والبعد عن الضعف قصاد المحرمات او الملذات ، هو في حد ذاته بيضمنلك النجاح في اي مشكلة نفسية بتواجهها . فلو كنت على سب...
تعلم طريقة قوية تتخلص بها من الارتباط بشخص ما الجز...
views 5723
  جزء من كتاب "تغلب على الام الانفصال" هل تجد صعوبة في نسيان او تخطي شخص ما دخل الى حياتك ولا زال يأتي الى خيالاتك من آن الى اخر ؟ يمر الك...
العادة السرية
views 13527
  انا مش هتكلم عن الحرمانية ، لاني مش شيخ ، طبعا كل مسلم داعية بس انا مش متخصص ، المقالة للشباب من الجنسين ، لانك هتعرف مع نهاية المقالة انها بت...
كيف استطاع “بتاع الفريسكا” في الوصول إ...
views 5031
مؤخرا تناول الإعلام صورة لأحد الشباب الرائع ، خريج هندسة ، ويقوم ببيع الفريسكا "حلوى مصرية - اسكندرانية" للعامة . ولكن ما أثار انتباه الناس هو هندم...
كيف تعرف أن الشخص الآخر يحبك ؟ #نهاد_رجب...
views 13219
معرفة إن كان شريك حياتك يحبك أم لا ، هام جدا ويشعرنا دائما بالامان والاطمئنان ويساعد في تماسك العلاقة وتقويتها دائما . هناك العديد من الأشياء ا...
حب اهدافك وافكارك
views 2074
تجربة ف معلومة النهاردة اكتشفت حقيقة فكرة كانت بتجيلي من فترة للتانية .. اني لو حبيت فكرة معينة وعشقتها واندمجت معاها عاطفيا ، هشوفها متجسدة في الدن...
الثقة بالنفس وخطوات عملية لـ نهاد رجب...
views 10616
الثقة بالنفس تعتبر الحل لكل المشكلات التي يمكن أن تواجهها في حياتك ، فكر في أي مشكلة تواجهها ، تجد ان سببها غالبا ما يكون له علاقة بثقتك بنفسك ، فإذا ...

Leave a Comment