خواطر وأخبار نهاد رجب

ارضى مقالة هتخلى عمرك يطول

 

عمرك سمعت عن تشويه الوقت قبل كده ؟ قريت عنه ؟ طب عرفت نظرياته ؟ نفض لكل الكلام ده ، الي يعرفني عارف انك مش محتاج تكون فاهم حاجة علشان تعرف انك مريت بالنوعية ديه من التاثيرات قبل كده .. بمعنى ، كلنا بنتعرض لتشويه الوقت ، ساعات الوقت بيطول معانا وساعات بيقصر ، واتكلم عن الموضوع ده العم اينستاين في النسبية بتاعته ، بس بلاش مصطلحات . وخلينا في المهم ..

تحب اسهلهالك ؟ اوكي .. مممم … بص ياسيدي ، عمرك كنت بتكلم حد عالتليفون والتليفون رن كذا مرة وسرحت منه شوية ورجعت حسيت ان الرنة سكتت ومبقاش يرن لدرجة انك شكيت ان الي بتكلمه يكون رفع السماعة وبصيت عالشاشة لاقيته مفتحش وحطيت الموبايل على ودانك تاني لاقيته كمل رن ؟

او باختصار حسيت ان المسافة بين الرنة والي بعدها طويلة جدا لدرجة انك شكيت ان الطرف التاني فتح فعلا؟؟؟

تفتكر ده ليه ؟

فودافون بتشتغلك ؟
الواد فتح وقفل بسرعة ومحدش عرف يلقطه ؟
انت تهت ؟ وروحت وسافرت وفكرت وحلمت ورجعت تاني لنفس اللحظة ؟

تخيل ان فعلا ثانية واحدة ممكن تعيش فيها موقف بخيالك تحس انه ساعة ! تخيل ان ساعات المسافة بين الكلمة والتانية ممكن تحس انها بتاخد وقت طويل؟

اسهلهالك ؟ اوكي

عمرك كنت نمت صاحي ؟ يعني كنت بتتفرج على التلفزيون وفجأة غبت ورجعت تاني ؟ وحسيت ساعتها انك خدت وقت ونمت فعلا بس اكتشفت ان المشهد الي بتتفرج عليه لسة مخلصش؟ او كنت بتسمع حد بيتكلم في التليفون وسامع الحوار وغفلت ورجعت لاقيت الشخص الي عندك لسة مكملش كلامه ؟

اسهلهالك كتر ؟ اكتر من كده هتعب بس ولا يهمك ..

كنت بتكلم بنت بتحبها او حد بتحبه ، وقعدت تكلمه وبتبص في الساعة وقولت “ايه ده الوقت خدنا!” او حسيت كان العشر دقايق عدوا عليك في ساعة او الساعة عدت كانها عشر دقايق؟
كل يوم بنتعرض زي مانت شايف لتشويه وقت واحنا مش واخدين بالنا ، لدرجة اننا اتعودنا عليه ، بس لما تعرف ان فيه حاجة اسمها بركة في الوقت ، اتخيل ان ده ممكن يخليك تفكر ، ازاي الواحد ممكن يبقى عنده بركة في وقته ..
انك تعيش سنين ويعدوا عليك كانهم عشر سنين احسن ماتعيش عشر سنين وتحس كانهم عدوا في سنة !
طول العمر مكنش ابدا بعدد السنين ، بس كان بالي بيحصل فيهم ، فتلاقي ابن حنبل كتب موسوعات في ايام ، وتلاقي ابن القيم كتب اهم كتاب في العقيدة دلوقتي بين الضهر والمغرب ! وتلاقي حد يصلي بالبقرة او بنص القرآن في ركعة واحدة ! ونسمع الكلام ده ونستغرب جدا ، بس تكتشف انه بيحصل ، لانه مينفعش ميحصلش ، ولازم يحصل ..

علشان يحصل معاك لازم تؤمن .. تاني .. السلف قالولنا ان اكل اتنين يكفي اربعة واكل اربعة يكفي تمانية ! ، في الاول مكنتش فاهم ده لحد مافي مرة كنت عند واحد صاحبي اسمه عبدالله ، حبيب قلبي طبعا ، وكان عامل عقيقة احتفالا باكتمال حفظه للقرآن ، وكانت عبارة عن صنية فيها فتة ولحمة ، وكنا ماشاء الله علينا ، تقريبا اكتر من 10 بناكل من نفس الصنية ديه ، مضحكش عليكم انا قولت في سري ، انا لو لوحدي كان زماني خلصتها ، بس بعد ماكل كل واحد فينا وحسينا اننا شبعنا بجد ، صرخ محمد رأفت صاحبي وقال بصوا البركة بصوا البركة ، مخدتش بالي غير لما لاقيت ان الصنية حتى ماخلصش نصها !! وأقسم بالله انا لوحدي كنت واكل اكل لدرجة اني كنت مكسوف حد يتريق عليا ، بس كلنا كلنا كده وقبل ماناكل قالنا عبدالله محدش ياكل من نص الصنية لانها بركة الطعام
لموضوع ده اتكرر في الجيش وبقى حاجة عادية جدا انها تحصل لدرجة ان محدش بقى يهتم ، والاكل (نص فرخة ) كانت بتكفي 5 عساكر كل واحد فيهم مشافش الاكل بقاله يومين .. وشوية مية في غطا ازازة كانت بترويك ليوم بحاله ، وشوية رز في طبق معاه سلطة كانت بتكفيك في يوم صيام في شهر رمضان …

كل الي بتكلم فيه اسمه بركة ، وقانون البركة زيه زي قوانين الجذب وقوانين الطبيعة بشكل عام ، طبعا كله بأمر الله ، وكل في الخير فمستحيل تلاقي بركة في الزنا ولا بركة في الربا ولا بركة في الحرام فتلاقينا طلعنا جمل زي “هيا فلوس حرام ولا ايه” وده لما تلاقي الفلوس بتخلص بسرعة مثلا… والامثلة كتير
طيب ازاي نقدر نبارك في وقتنا واكلنا وسعادتنا ؟ انا نفسي مش عارف ومش هعمل نظريات لان الموضوع خرج من ايدي ، بس خليني اقولك ان اكتر وقت حسيت فيه بكده لما كان قلبي مع ربنا ، لما كنت متوكل ، وكلمة السر في الرضى ، او لما كنت راضي ..

في اللحظة الي هترضى فيها ، هتلاقي البركة في كل حاجة في الدنيا حواليك ، في مراتك ، في خطيبتك ، في فلوسك ، في شغلك ، في وقتك ، في اي حاجة مستمرة في حياتك ..

فلو عايز تعيش اكتر ، ارضى ، لو عايز تبقى مبسوط ، ارضى ، لو عايز تبقى كويس ارضى ، يعني امشي بمبدأ الي حصل حصل ويكش اي حد تاني يولع .. لو وصلت للمرحلة ديه ساعتها هتلاقي كل حاجة بتكتر معاك ..

في التنويم الضمني بنستخدم تشويه الوقت بطريقة سحرية بتخلي الشخص يروح في المستقبل ويرجع بخياله ويبدأ ياخد قرارات على اساس حاجات شافها بس كانت بالنسبة له حقيقية ، طبعا ده بيعتمد على قدرة المتحدث معاه على توصيله للمرحلة ديه واختيار الكلمات الصحيحة علشان يوصل للحالة ديه وبيبدأ يدخله في مرحلة تشويه فيها بيدمر كل ارتباطاته وبيرجعه للوقت الحالي علشان يخلصه منها ، وديه بتستخدم في التخلص من عادة ما او سلوك سلبي ..
نهاد رجب
اول مدرب عربي لفن الاقناع النفسي والتاثير بالتنويم الضمني .

مقالات مرتبطة

– يعني ايه تنويم ايحائي ؟ – يعني تغيي...
views 256
- يعني ايه تنويم ايحائي ؟ - يعني تغيير برمجتك وملفاتك العقليه فتفتح عينك وتتغير اسقاطاتك على العالم وتشوفه بشكل مختلف - بس احنا مش عايزين ننام ! احن...
انا عايز اقول لمجموعة ممارس التنويم الإيحائي (المر...
views 538
انا عايز اقول لمجموعة ممارس التنويم الإيحائي (المرحلة الثانية) بجد شكرا ! في اول دقيقة في الكورس قولتلكم ان الكورس تقيل جدا ومختلف تماما عن الدبلوم ...
إذا أحبك سيجد وقت لك #نهاد_رجب...
views 5355
الشخص اللى بيحبك هيعرف يلاقي وقت وعمر جديد علشان يعيشه معاك متصدقش في كلمة "كنت مشغول ومعرفتش اوصلك" الحب لوحده وعي ، لا يمكن فصله ، فلو انشغل وعيك ...
لايف – إسأل نهاد – خلال دقائق 🙂 | نها...
views 67
لايف - إسأل نهاد - خلال دقائق 🙂 Source
من فتره حكيت اني كنت في كورس بلغه مختلفه وكان الكو...
views 170
من فتره حكيت اني كنت في كورس بلغه مختلفه وكان الكورس طويل جدا في مدته لدرجه اني في وسط يوم من ايام الكورس ، هلوست لمدة ثواني وتخيلت ان المدرب الامريكا...
الصدفة في حياتي لـ نهاد رجب
views 4964
الصدفة في حياتي reflecting on my life اكتشفت ان الصدفة ليها وجود عجيب لو مهتم اعرفها لو مش مهتم تقدر تقراها وكإنك مش مهتم وكده انا عندي 29 سن...
اليقين #نهاد_رجب
views 4093
وبعد سفر ل ٨ دول وركوب طيارات حوالي ٤٠ مرة او أكتر وتدريب التنويم بالايحاء ، المنهج اللي آمنت بقوته لمئات في الشرق الأوسط والهند وتركيا طلعت على قن...
٣ أسرار علمية للتخلص من العادة السرية ل #نهاد_رجب...
views 294
٣ أسرار علمية للتخلص من العادة السرية ل #نهاد_رجب انضم للصفحة وادعوا اصدقائك للاستفادة. الصفحة الرسمية للمدرب والمعالج نهاد رجب https://www.youtube.c...
Stunning Health Benefits of Eating Chocolates
views 283
Portland post-ironic kogi Marfa +1. Brooklyn quinoa whatever polaroid. Meditation polaroid mustache, plaid you probably haven't heard of them meggings...

Leave a Comment