خواطر وأخبار نهاد رجب

التدريب اللاواعي مقالة ل نهاد رجب

 

لو المدرب قدر يخليك زيه في مهارته ، ده مش معناه دايما ان المدرب ناجح ، ده غالبا معناه ان المدرب مبيجددش ، فاللي عارفه بيصبه في دماغك

اما لو خرجت وانت في دماغك ان لسة فيه تاني عند المدرب ده ، فده معناه ان المدرب بيعرفك اللى انت المفروض تعرفه بس لسة جواه اكتر بس هو مش عارف يخرجه . انا عارف ان الموضوع متناقض

بس العقل كده ، انت مش هتتعلم دينك من دروس ، انت هتتعلم دينك لما تلازم عالم وتسمع دروسه ، تشوفه وهو بياكل وبيشرب وبيتحرك وبيتكلم .. لحد ما ينتقلك مهاراته وعلمه على مستوى اللاوعي .

متعتمدش على كتاب او كورس تدريبي ، لانك انت شخصيا لو كتبت مقالة مرتين هتلاقي نفسك كل مرة بتكتب المقالة بمعلومات جديدة او بطريقة مختلفة .. الغلط انك تلاقي نفسك بتكتبها بنفس الطريقة كل مرة ، وده معناه انك مبتجددش .

لو بنتكلم عن التنمية البشرية فمتاخدش بكلام مدرب التنمية البشرية وتسيبه وتمشي ، ريتشارد باندلر وجريندر نفسهم مكنوش بيحضروا لملتون اريكسون ، دول راحوا باتوا معاه بالشهور وكانوا بيلازموه . واتكلموا عن اللى بقوله ده وسموه “النمذجة”

عايز تتعلم نمذج ، يعني حرفيا لو هتتعلم علم اين كان ، شوف مين هيدربك عليه ، وامشي زيه ، اتكلم زيه ، اتعامل زيه واتحرك زيه ، خليك شبهه ، لازمه ، لانك في النهاية هتلاقي نفسك لاواعيا (بتستلهم) منه علمه بطريقة مختلفة عن اي حد ميعرفش عنه حاجة .

دكتور ابراهيم الفقي الله يرحمه نفسه قال عالمسرح انا لو اقدر اروح لفلان الفلاني اقعد تحت رجله اتعلم منه كنت روحلته ، والمجاز ده معناه انك تلازم الشخص .

انا بقول للناس في كورسات التنويم ، اللى هنتكلم عنه ولا حاجة من التنويم بالايحاء وبكون مسلمهم حوالي 3 مانوال ، والناس دماغها بتفرقع ! وبسمحلهم يسجلوا الكورس وبقولهم اني بسمح بكده لاني عارف ان المرة الجاية اللى هدرب فيها نفس الكورس مش هيكون نفس المحتوى او نفس المعلومات . انا نفسي بغير المانوال بتاع التنويم في كل كورس تدريبي .

اتعلمت ده وعايز افهمك ده ، انتهى من انك تتعلم بشكل رسمي اكاديمي ، واتعلم بالنمذجة ، لازم المعلم بتاعك ، حتى لو بتشوفه فيديوهات بس ، اقراله ، قلده ، عيش جوا حياته ، تقمص شخصيته ولو على الاقل لفترات . وبعد كده اعمل صياغة لشخصيتك المستقلة .

ساعتها العلم هيكون “طبيعة تانية” جواك ، يعني بتمارس اللى اتعلمته من غير ماتفكر ، وده مختلف مليون في المية عن انك تدرس حاجة وتحفظها وتحاول كل مرة تطبقها . Second Nature Learning

ممكن تروح كورس تدريب مدربين تلاقي المدرب عاملك PDF
لمحتوى الكورس التدريبي بتاعه ، تحس كانك داخل مغارة علي بابا ، وتتوه في كم النقاط اللى بيتناولها في الكورس وفي النهاية تخرج زي مادخلت .

خلي عنيك اداة تعلم ، مش مجرد اداة بتشوف بيها .. ولو عايز تتعلم بشكل لاواعي اعمل الخطوات ديه :

1- حد نفسك في المود (يعني لما تبدأ تتعلم من حد ، اسرح فيه ، في تفاصيله ، وكانك بتشوف حاجة بتثيرك المهم انك تنسى نفسك جواه)
2- متراجعش ، ولا تدرب ، شوفه تاني واسرح جواه تاني
3- الغي عقلك تماما لو فعلا عايز تتعلم بالاسلوب ده .

المدرب الشاطر هو اللى بيدخل الناس في حالة اندماج (وكأن على رؤوسهم الطير) قبل مايبدأ يشرح . يحببهم فيه ويحثهم ضمنيا على انهم يقلدوه من غير مايطلب ده .

لو فعلا عايز تتعلم .

نهاد رجب

مقالات مرتبطة

كل يوم بيظهر استطلاع رأي جديد بيعلن مختلفة عن اللي...
views 306
كل يوم بيظهر استطلاع رأي جديد بيعلن مختلفة عن اللي قبله، وده بيخلي الناخبين مش عارفين يصدقوا الاستطلاعات، ولنا في الانتخابات الأمريكية خير مثال. ود...
سعدت جدا لتقديم محاضرة طويلة حبة عن التنويم الايحا...
views 104
سعدت جدا لتقديم محاضرة طويلة حبة عن التنويم الايحائي وتعريفه وتظبيط المعتقدات والمفاهيم الخاصة به عند حبة حلوين نوروني بحضورهم شاكرين مهللين بشدة وب...
مستعد لكورس ممارس التنويم الإيحائي ؟ اغسطس (خميس...
views 105
مستعد لكورس ممارس التنويم الإيحائي ؟ اغسطس (خميس وجمعه وسبت) من كل اسبوع لمدة ثلاث اسابيع تواريخ (3 ، 4 ، 5 ، 10 ، 11 ، 12 ، 17 ، 18 ، 19) المكان...
‎Nihad Ragab نهاد رجب‎ added a new photo. | نهاد ر...
views 222
‎Nihad Ragab نهاد رجب‎ added a new photo. Source
Tips for taking great city photos with your smartp...
views 268
Fingerstache YOLO cred single-origin coffee Shoreditch. Flannel Shoreditch try-hard, mlkshk forage Godard jean shorts quinoa church-key bitters actual...
“My will shall shape the future. Whether I fail or...
views 81
“My will shall shape the future. Whether I fail or succeed shall be no man's doing but my own. I am the force; I can clear any obstacle before me or I...
تم اختياري ولله الحمد ك Facebook Influencer بواسط...
views 327
تم اختياري ولله الحمد ك Facebook Influencer بواسطة شركة الفيسبوك العالمية وفيه شوية مفاجآت جاية . Source...
قالك تعرف المعلومة قاله ايوة اعرفها طبقتها واشتغ...
views 62
قالك تعرف المعلومة قاله ايوة اعرفها طبقتها واشتغلت بيها ؟ لا عارف قصتها وتاريخها لا طب تعرف تكملها ؟ لا تبقى متعرفهاش Source...
سبب التعاسة وطريقة التغلب عليها بسهولة لـ نهاد رجب...
views 8411
لو سمحت ممكن أضايقك شوية ؟   اصبر بس   تخيل ان معاك 60 الف جنيه في البنك .. حوشت فيهم لشهور وتعبت فيهم وحرمت نفسك من كل حاجة علشان تحافظ عليهم ....
فيديو : خاطرة حول الطريق الاسرع للوصول الى ما تستح...
views 253
فيديو : خاطرة حول الطريق الاسرع للوصول الى ما تستحقه لـ نهاد رجب انضم للصفحة وادعوا اصدقائك للاستفادة. الصفحة الرسمية للمدرب والمعالج نهاد رجب Sou...

Leave a Comment