خواطر وأخبار نهاد رجب

الحياة

 

الدنيا والحياة

ناس كتير بتخلط مابين الدنيا والحياة ، ارتبطت بالدنيا ونسيت الحياة ، ونسيوا اننا في الدنيا علشان نحيا ، دنيتنا في حياتنا ، مش حياتنا في دنيتنا .

الحياة أرقى بكتير من اي ربط مابينها وبين دنيتك ، الحياة مستمره والدنيا منقطعه ، الحياة واسعه والدنيا محدودة ، الحياه نور حقيقي ملوش علاقة بزمان او مكان او ناس ، احساس بيحس بيه لجزء من الثانية واحد كان بيغرق وبشكل او بآخر رجع تاني ، بيرجع للحياة ، بيحس بقيمتها ، لمدة جزء من الثانية واول مايدرك ، يبدأ يرتبط بدنيته وينسى حياته من تاني .

الدنيا بندافع عنها وبنحبها وعايزين نعمل كل حاجة علشان نرضيها ، أكل وشرب ومباني وقصور وعربيات ودهب وفلوس . وفي النهاية بنعيشها مستأجرين ، معندناش قدرة على التملك ، والحاجة الوحيدة اللى بنملكها هو اللى بناكله .

الحياة هي المعنى ، هي الحاجة اللى احنا المفروض نعملها ومتعلمنهاش ، قليل اوي اللى اتعلم انه يحيا ، والباقي اتعلم انه يعيش !

وانك تحيا ده فن مش كتير اللى يقدر يفهمه ، او يتقنه ، انك تفهم انك عايش او ميت انت في النهاية حي ، انك تفهم ان اي خطوة بتاخدها او هدف بتحققه بتحققه لانك انسان حي ، مش بني آدم عايش !

الحياة موجودة في الورود والارض والسما والمطر والهوا والانهار والبحار ، الحياة موجودة ومكملة ، الدنيا فانية وثابته .

عيش بالحياة

حب ماتعمل
اشتغل وخد خطوات لان ده بيضيف لتجربتك الحياتية مش لمجرد انك عايز تعيش دنيتك
تواصل مع الطبيعة والحياة الموجودة
متخافش من فنى جسد ، لانه في النهاية سجن للحياة الحقيقية واللي فيها هتنطلق بروحك بعيد عن ازعاج الدنيا وزحمتها .

خليك حي في كلامك ، حي في أفكارك ، حي معندكش قيود ، حي مفيش روابط ممكن تضايقك او تإذيك او تقلقك ، خليك حي ، وافهم انك منفصل وارقى من أي روابط دنيوية مؤقته .

لما بتسأل عن ايه هي الروح ، بقول انها من أمر ربي ، ولما بتسأل عن رأيي المجازي المعبر عنها بقول انها الحياة المستقرة جوا الجسد اللى بيستقبل طاقته وحركته منها ، عندها القدرة انها تشتغل بيه او من غيره ، مبتفناش بأي شكل ، بتكمل ، ليها القدرة انها تتواصل مع العالم المحيط من نبات وجماد وانسان ، وتأثر وتغير وتعدل . والجسد مجرد مراية للجروح اللى بتحصل للروح او العكس.

لما فهمت الموضوع ده بدأت افهم ان كل انسان فينا لو راح او بعد ، مجرد انك فاكره فده معناه انه لسة حي ، فهمت ان مفيش حاجة ممكن تزعلك ، لانها في النهاية دنيا ، فهمت ان حياتي في الدنيا هي حياة اللامبالاه ، باخد كل اللى انا عايزه وعندي استعداد في اي لحظة اني اسيب كل ده وابدأ من جديد .

يمكن تكون اغرب حاجة سمعتها من حد عزيز عليا الله يرحمه لما شوفت قطه ، ماتت ، كنت صغير جدا ساعتها ، فزعلت جدا وعيطت عليها ، لاقيته بيسألني انت بتعيط علشان القطة ماتت ؟ قولتله ايوة ، قالي القطة حية بس جسمها بس هو اللى مات ، خلينا ندفن جسمها اللى مات ونكلمها وندعي ان ربنا يرحمها لما تروحله . كطفل يمكن مفهمتش يعني ايه بس الكلام نفسه ريحني نفسيا ، لحد دلوقتي لما بقع في اي مشكلة بفتكر نفس الجملة “القطة حية بس جسمها هو اللى مات” وبرتاح كتير .

الحياة بتتجلى للي بيقدرها وبيدور عليها ويمكن تكون قصه اناندا ، تلميذ بودا ، خير دليل ، في احدى الجلسات الخاصة ببودا ، اناندا كان بيتفرج على وردة ، وبص لمعلمه وابتسم ، ومعلمه ابتسمله وديه كانت نهاية الجلسة .

وهنا باقي التلاميذ راحوا لأناندا وقالوله ، احنا شوفنا وردة ، انت شوفت ايه ؟
قالهم انا شوفت الوردة بس كمان انا شوفت ضوء الشمي ، والارض والماء وقوس قزح والكون والفراغ اللامتناهي . شوفت الكون كله متظاهر بإنه وردة 🙂

إحيا

مقالات مرتبطة

الصدفة في حياتي لـ نهاد رجب
views 4964
الصدفة في حياتي reflecting on my life اكتشفت ان الصدفة ليها وجود عجيب لو مهتم اعرفها لو مش مهتم تقدر تقراها وكإنك مش مهتم وكده انا عندي 29 سن...
كلنا عارفين ان عقلك اللواعي المسئول عن التصرف المع...
views 293
كلنا عارفين ان عقلك اللواعي المسئول عن التصرف المعروف بال Fight or flight او بالعربي "الهجوم او الهروب" الاتنين هاء وده مسئول عن حمايتك من الخطر ،...
عارف الفرق بين الجملة ديه : انا قاعد ساكت في شغل...
views 30
عارف الفرق بين الجملة ديه : انا قاعد ساكت في شغلي دلوقتي وباكل حالا الاكل بتاعي . والجملة ديه : انا قاعد . ساكت .. في . شغلي . دلوقتي .. وباكل ....
كن نبيلا #نهاد_رجب
views 2632
لو علمت ما يحدث لك عندما تدعوا لغيرك بالخير لتسابقت وتنافست معه على الدعوة له لتفهم أنك كلما أردت بشدة لغيرك حصلت بكثرة على ما تريده للآخرين لا تم...
بقالي فترة ملاحظ ان كتير من الإخوة المدربين المعار...
views 195
بقالي فترة ملاحظ ان كتير من الإخوة المدربين المعارف او غيرهم بدأوا يخاصموا الفيسبوك ببوستات من نوعيه "الفيسبوك مضيعه للوقت" ، "انا أقوى من ادمان الفيس...
التغلب على التسويف والمماطلة … إدخل هنا تأتي...
views 251
التغلب على التسويف والمماطلة ... إدخل هنا تأتي إليكم من الموقع الرسمي نهاد رجب http://www.nihadragab.com/2015/11/22/%D8%A7%D9%84%D8%AA%D8%BA%D9%84%D8%...
ربنا بيدي ٢٤ قيراط في الصحة والمال والأولاد وغيره...
views 22
ربنا بيدي ٢٤ قيراط في الصحة والمال والأولاد وغيره فما ظنكم برب العالمين ؟! قصة ان ربنا بيوزع ال ٢٤ قيراط حبة هنا وحبة هناك فده أمر لا يليق به الك...
مش كل حاجه حصلت نعديها ونقول اصلنا بنتعلم منها- نه...
views 3732
  مش كل حاجه حصلت نعديها ونقول اصلنا بنتعلم منها اللي يقولك انسي الماضي واتعلم منه اضربه بالقلم وقوله ديه ضربه قديمه انساها واحمي وشك المو...
انا مبقفش ومبعرفش اقف ولو حاولت .. معنديش نقطة وصو...
views 375
انا مبقفش ومبعرفش اقف ولو حاولت .. معنديش نقطة وصول .. نقطة وصولي هي مجرد بداية .. بفشل في إني أفشل .. كل حاجة في الدنيا ديه بتاعتي .. همتلكها بإيدي أ...
يمكنك نشرها ليعلم المشككون انه لا يوجد مستحيل 🙂 ...
views 78
يمكنك نشرها ليعلم المشككون انه لا يوجد مستحيل 🙂 شكرا لك 🙂 للاستماع الى الجلسه المذكوره والتي تحدث عنها اخي الفاضل من هنا : https://www.youtube...

Leave a Comment