خواطر وأخبار نهاد رجب

عيش اللحظة

 

الماضي بالنسبة لي بيبدأ من الساعة اللى فاتت او الدقيقة الاخيرة ، او حتى الفاصلة المكتوبة . الماضي هو الوقت اللى بسيب اخر جزء صوتي في الحرف اللى بقوله .

مشكلة الناس حاجتين ، انهم بيعيشوا في #الماضي ، و انهم بياخدوه معاهم ، وكإنك رايح رحلة ، واخد اكلك وشربك ومتاعك وحجرين تقال اوي . بتشتكي منهم طول الوقت ، #تعبان اوي ومحدبه ضهرك ، ولما بتفكر انك ترميهم بتخاف جدا وبتترهب ، بتتفزع من انك ترميهم والشنطة نفسها تبقى فاضية !

طيب هرميهم فين ، والشنطة هعمل بيها ايه ، وهمشي ازاي من غيرهم

ولما بتشيلهم وبتكمل طريقة ، ضهرك بينحني ، وشك بيوجعك ، ركبك بتتعبك ومفاصلك بتزيق ، ولما بتوصل مكان رحلتك ، #المحطة الاخيرة اللى المفروض تستمتع فيها بالحياة ، وقدامك البحر على امتداد بصرك ، تقعد ، تحط الصخرة قدامك ، وتبدأ تتأمل فيها ، وتفتكر الألم والتعب اللى انت مريت بيه وانت شايل #الصخرة على ضهرك !

شاورلي على حد ، عنده مشكلة ، الا ومشكلته هتكتشف انها مرتبطة جدا بموقف قديم ، بتجربه وعدت ، بذكرى ، بلحظات فاتت ، وببقى عايز اقوله سيب الصخرة وكمل طريقك بس انا عارف ان الموضوع مش بالسهولة ديه ، وان الطريق الأسهل بالنسبة لي هو اني اكلمه عن التحرر ، واخليه ياخد خطوة انه يرمي الصخرة بنفسه .

زمان كنت بكلمه عن الصخرة ، واد ايه الصخرة مؤذيه وتقيلة ، كنت بكلمه عن شكلها وملمسها على جسمه ، لكن مع الوقت اكتشفت ان الناس عارفه شكل الصخرة ومدركينها ، لكن الحل الحقيقي لما تبدأ تفهم معنى الحرية ، وتدوقها .. ساعتها هتفرد ضهرك ، هتشم نسيم جديد ، هتنفض التراب عن جسمك وهتتخلص من الصخرة في ثواني من غير ادنى احساس بتأنيب الضمير ، لانك بتحب نفسك ، لانك جربت شعور افضل بكتير ، هيمنعك انك ترجع تاني لأي تقل قديم .

الذكاء هنا في انك تفهم ده ، ان كل ثانية في حياتك جديدة هي بداية مختلفة 180% عن كل حياتك السابقة ، وتفهم انه لا تزر وازره وزر اخرى ، معناها في الدنيا وبالنسبة لكلامنا ان ماضيك مبيوصفكش ، مهما كان محتواه او النتايج المترتبة عليه ، انك تعيش اللحظة الحالية ، وتفهم ان حتى سلوكيات الشخص اللي فاتت مش بتعبر عنه ..

انت راجل عايش دلوقتي .. لدلوقتي ، مش لثانية زيادة مستقبليه ، انت عايش للحظة الحالية اللى انت فيها ، افتكر دايما ان تعيشها ، تستمتع بكل لحظة ، تفكر فيها وتقرر دلوقتي حالا انك قوي ..

الطريق هنا هو انك تتحرر ، انك تجدد ، انك تقرر تجربة حاجة جديدة ، مهما كانت هي ايه ، جربها ، فكر في كل الطوب اللى انت شايله على راسك ، تخيل انك بتنفضه عن دماغك وضهرك ، ومتسمعش لحد بيقنعك انك مترميش الطوب ومتنفضش التراب ، اسمع لصوت دماغك انت ، افتكر ان محدش في النهاية هيشيل معاك حاجة .. محدش هينفعك .. غيرك انت.

انا نهاد رجب
القاهرة 1/8/14

مقالات مرتبطة

بدل كلمة “بس” ب “و” حيات...
views 864
بدل كلمة "بس" ب "و" حياتك هتبقى أحسن وتأثيرك مع الناس هيختلف متقولش انت كويس بس محتاج ...... انت كويس و محتاج .... لإنها هتفرق Source...
لا اله الا الله
views 1021
  لا اله الا الله والله لما اشوف ايات الله في الارض بحس بشعور داخلي جميل ان الله عز وجل اختارني واختاركم علشان نشهد خلقه واخلفنا في ارضه . ف...
الانتهاء من أكبر كورس تدريبي “ممارس التنويم ...
views 91
الانتهاء من أكبر كورس لممارسي التنويم الإيحائي في الشرق الأوسط  تم تقديم أكبر دفعه للتنويم الإيحائي في الشرق الأوسط ، باعتماد مؤسسه المايندكير البريط...
من فتره حكيت اني كنت في كورس بلغه مختلفه وكان الكو...
views 169
من فتره حكيت اني كنت في كورس بلغه مختلفه وكان الكورس طويل جدا في مدته لدرجه اني في وسط يوم من ايام الكورس ، هلوست لمدة ثواني وتخيلت ان المدرب الامريكا...
من ضمن الاسئلة اللي بتخلي عقلي يتجمد عن التفكير لم...
views 27
من ضمن الاسئلة اللي بتخلي عقلي يتجمد عن التفكير لما حد يسألني "هو انت هتخلص اللي في ايدك امتى ؟" 😀 انا اكتشفت بعد سنين من المحاولات من اني الاقي طر...
محدش فينا عارف اجابة سؤال “انت مين؟” ...
views 244
محدش فينا عارف اجابة سؤال "انت مين؟" وبالتالي أسهل حاجة نصدقها هو وصف الناس لينا .. لإننا مش عارفين هو صح ولا غلط .. احنا معندناش اجابة صريحة واضحة ...
– متزعلش من فلان ده طيب واللي في قلبه على لس...
views 72
- متزعلش من فلان ده طيب واللي في قلبه على لسانه - ماهو المصيبة ان كل ده يطلع في قلبه اصلا ! مش مهم هو قاله ازاي - متزعلش من فلان ، هو طيب والله بس ...
مية وهوا O2 و H2O عايز تعرف اد ايه انت ضئيل ؟ ...
views 454
مية وهوا O2 و H2O عايز تعرف اد ايه انت ضئيل ؟ تأمل كده ، إن العالم كله لو كان ملك يمينك والفلوس والثروات كلها كانت في حسابك بإسمك ، في النهاية ل...
لو انت كنت حضرت معايا المستوى الاول بلوم التنويم ب...
views 378
لو انت كنت حضرت معايا المستوى الاول بلوم التنويم بالايحاء يبقى دا وقت المستوى التانى اسمع الفيديو دا وبعدها سيب رقمك فى الاستمارة دى ... http://goo.g...
النهاردة اليوم التاني لكورس ممارس التنويم الذاتي ....
views 20
النهاردة اليوم التاني لكورس ممارس التنويم الذاتي .. مجهز مفاجآت وحركات للحلوين ومستعد بشغف . انتظروا دفعه جديدة من ممارسين التنويم الإيحائي الجدد S...

Leave a Comment