خواطر وأخبار نهاد رجب

زلزال – اشارات #نهاد_رجب

 

 

زلزال !

يمكن يكون المعنى العلمي لفكرة الزلزال مختلف تماما عن ادراكي الحالي ليه .

عمرك تفكرت في التشابه العجيب مابين الانسان والارض والكون ؟ تشابه يحسسك ان بشكل او بآخر فينا تشابه على المستوى الفيزيائي والكميائي والشكلي والكمي ، تخليك تسبح الله عز وجل ، وتفتكر مقولة سيدنا علي بن ابي طالب لما قال “أتحسب أنك جرم صغير؟ وبك إنطوى العالم الاكبر !!”

وكإن مقولة سيدنا علي بتلخص الحياة في 8 كلمات ، التشابه ده ، يخليك تتثبت من حتميه وجود إله ! الانسان المتشابه بشكل حرفي في تكوينه مع الكرة الأرضية في نسب الارض والمية على الارض ونسبة المية والجلد والعضم والمية اللى موجودة جوانا !

يخليك تفكر في إن حتى البراكين والحمم البركانية بتتشابه في معناها وشكلها مع بعض الأمراض اللى بتصيب الجسد ! حتى الرياح والأعصاير ، حتى الأمطار اللى بتيجي تنضف الارض بعد عاصفه من العواصف الرملية ، بتتشابه بدرجة كبيرة مع الجهاز المناعي للإنسان اللى بيحمي الانسان من الأمراض وبيفرز مواد كيميائية بتساعد الانسان انه يتخلص من أثار الأمراض اللى صابته .

لما تيجي تتفكر في ازاي الكون بيتسع ، وازاي ان الانسان بنفس الشكل وبنفس الدرجة بيكبر ، وان فلسفة الكبر والنمو موجودة في كل الاشياء ، يا أخي ده حتى الفلاسفة اللي اتكلموا عن وجود الين واليانج “الذكر والانثى في الاشياء” موجود في الانسان على هيئة هرمونات ذكورة وأنوثه ، ولما تعرف ان الكون لما بيقف اتساعه بيبدأ ينهار تكتشف ان الانسان بينمو اكتر واكتر وفي اللحظة اللى هيوصل لدرجة معينه من النمو هيبدأ ينهار على نفسه ويموت وينهار !

تشابه عجيب يمكن حتى ماكس بلانك عالم الفيزيا الشهير اتكلم عنه واتكلم عن وجود شبكة بتربط كل الجزيئات الموجودة في الكون في شبكة يقودها عقل ذكي . ماكس بلانك وصف بالظبط نفس الفكرة من اننا كلنا مترابطين ، متصلين ، على نفس المستوى ، والتشابه اللى موجود ده أكيد ليه معنى .

حتى التطور اللى حصل للإنسان واللى اتكلم عنه داروين حصل في الكرة الأرضية من مليارات السنين لحد ماوصلت للشكل الحالي لتنظيم القارات على سطحها .

عددنا بالمليارات ، بيموت منا ناس في نفس الوقت بتتولد ناس جديدة ، والحياة مستمرة ، بالظبط زي خلايا الجسم اللى بتموت وبيعيد الجسم انتاجها من جديد . وكإننا عايشين في عقل انسان ما ، منعرفش عنه حاجة بس احنا كبشر متشابهين مع الناقلات العصبية الموجودة في مخ الانسان ، والى بتنقل معلومات وخبرات .

الفكرة ديه كان بدأها الهنود ويمكن قبلهم بألوف السنين وصلها ناس تانية ، فكرة الأكاشا ووجود وعي جماعي وترابط وتشابه . ويمكن ده اللى خلاني ابحث عن متخصص في neuro chemistry علشان ابدا اربط بين اللى بيحصل معانا كبشر واللى بيحصل جوا الانسان .

ويمكن ديه تكون طريقة لإقناع الملايين بوجود الإله في حالة التاكد من وجود التشابه ده .

الزلزال اللى حصل ، هو رجة حصلت للكرة الارضية ، حسينا بيها وفيه مننا اللى مقدرش يحسها ، لكنها في النهاية رجة بشكل او بآخر بتفيد في تكوين الارض ، على المستوى الإنساني كلنا محتاجين الرجة ديه ، الزلزال ده علشان نقدر ننضف نفسنا من كل اللى اتعلق بينا من زيادات ، وكإن الزلزال ده بينضفنا من التراب اللى علق علينا ، زلزال بيحصل للانسان بشكل متعمد او تلقائي بيفكره بحياته ، والعمر اللى بيجري والاهداف اللى متحققتش والافكار السلبية اللى محتفظ بيها .

مين فينا لما بيحصل زلزال مش بيتشهد ؟ مش بيفتكر ربنا ؟ مش بيفكر في كل الماضي بتاعه  ، مين فينا مبيخافش؟ مين فينا مبيفكرش انه هيعيد ترتيب حياته لو ربنا كتبله النجاه ؟

بس استنى شوية كده لما الزلزال يبدأ في الزوال ، وتوابعه تخلص ، ويبدا الشخص ياخد نفسه علشان يكمل في اللى هو عاش عليه وهيموت عليه . وحتى الزلزال اللى هو غضب من ربنا عز وجل ، حتى الغضب فيه حكمه للرحمه ! علشان يفكرك إنك لازم تاخد بالك . انك لازم متسيبش نفسك لإن العالم كله بيتأثر بيك . أيها الناقل العصبي لازم تعيد تهيئة نفسك والا هتكون سبب في تأثر ناس كتير اوي بيك ، فكان لازم زلزال يصحيك .

الزلزال ممكن يكون موت شخص عزيز ، ممكن يكون هدف متوفقتش فيه ، او اي خبر تقيل عليك ، الزلزال هو إشارة من الاشارات اللى بتفكرك وبتنضفك وبتنقيك ، بس كل اللى انت محتاجه انه يكون عندك الحكمه لإدراك الحكمه .

جزء من فصل إشارات بكتاب “إشارات” قريبا ان شاء الله .

والباقي في برنامج “بدايات عظيمه” واللى هيكون بدايته مع “قوانين الحياة” يوم 10 يوليو القادم ان شاء الله في الدقي ، القاهرة . اتاكد انك تحجز مكانك معانا علشان نتعرف سوا على القوانين ، علشان نفهم سوا .. الاشارات .

#نهاد_رجب

مقالات مرتبطة

ربنا بيدي ٢٤ قيراط في الصحة والمال والأولاد وغيره...
views 19
ربنا بيدي ٢٤ قيراط في الصحة والمال والأولاد وغيره فما ظنكم برب العالمين ؟! قصة ان ربنا بيوزع ال ٢٤ قيراط حبة هنا وحبة هناك فده أمر لا يليق به الك...
حسن الظن بالله – نهاد رجب
views 4639
  انه حسن الظن بالله عندما تظن بالله ظن حسنا ، يجيش الكون كل طاقته والتي خلقها الله عز وجل وتتجلى قدرة الله عز وجل في تسخير كل شىء من اجلك ، ...
امبارح كنت في تحقيق مع صحفية لجريدة الأهرام حول ال...
views 263
امبارح كنت في تحقيق مع صحفية لجريدة الأهرام حول التنويم الإيحائي ، فبتسألني عن اغرب او اصعب جلسة تنويم عملتها ، قولتلها ان كل الجلسات غريبة بس فيه جلس...
نبوءه جديده : برنامج تدريبي من يوم واحد – ...
views 56
نبوءه جديده : برنامج تدريبي من يوم واحد - هيكون يوم جمعه في شهر اكتوبر الجاي ان شالله . هيكون عدد الحضور 500 متدرب . هتكلم فيه عن "التنويم الذاتي" و...
متطلبش إللى متقدرش تديه #نهاد_رجب...
views 1409
    متطلبش إللى متقدرش تديه اتحلت ؟ كل مشاكلك اتحلت خلاص ؟ تاني ؟ متطلبش اللي متقدرش تديه فكر كده .... فكر تاني...
Test
views 233
Test Sent from my iPhone
الحياة حلوة اوي لأنك عايش فيها انت متخيل يا صديقي...
views 129
الحياة حلوة اوي لأنك عايش فيها انت متخيل يا صديقي مع ان انا مش عارفك بس ربنا خلقنا نكون أسباب بعض ! أين كنت انت مين ، عايش فين ، بتتكلم ايه وبتؤمن ب...
عكس المعنى بيدي للمعنى معنى كلنا عارفين الجملة د...
views 43
عكس المعنى بيدي للمعنى معنى كلنا عارفين الجملة ديه بس عارف .. أقصى درجه في المعنى = معنى عكس المعنى قمة السعادة لشخص عمره ماشاف تعاسة في حياته ا...
“انا حضرت تنويم ايحائي قبل كده اكتر من مرة ب...
views 12
"انا حضرت تنويم ايحائي قبل كده اكتر من مرة بس اول مرة اعرف الحاجات ديه " ساعات وهبدأ ان شالله الاعلان عن كورس ممارس التنويم الايحائي (المستوى ٢) و...
مش هنادي ابني واقوله يا “دكتور” ولا هع...
views 12
مش هنادي ابني واقوله يا "دكتور" ولا هعلق ورقة "دكتور" على باب اوضته ليه اعيشه تحت ضغط الوصول لتوقعاتي انا انا قصدي ليه احدد الاطار اللي هيفكر جواه ...

Leave a Comment