خواطر وأخبار نهاد رجب

الغراب .. معلم البشرية

 

 

الغراب 

الغراب هو المعلم الأول للبشرية ، من صغري وانا بستغرب مش ان غراب قدر انه يوصل رسالة لإنسان .. انا اللى شغلني اكتر هو ان ربنا يختار غراب علشان رسالة واللى شغلني اكتر واكتر ، استيعاب سيدنا قابيل للموقف وتعلمه منه .. 

فكرة الاختيار ، كانت اكتر حاجة شغلاني ، ان ربنا يختار ، وربنا ممكن يختار انسان او نبات او حيوان او حتى جماد علشان يوصلك رسالة ، بس صاحب الحكمه هو اللى بيفهم الرسالة .. 

دعوتنا لله عز وجل ، مش محتاجه زي مافهمنا ان ربنا عز وجل يأجل استجابته ، لدرجة اني متخيل ان الله عز وجل بيحط الدعوة على السنتنا علشان نقولها فتنفذ . بس المشكلة الوحيدة هو الإيجو بتاعنا اللى بيخلينا نستنى الدعوه تستجاب بالشكل الأفضل من وجهه نظرنا احنا . وعندي اعتقاد قوي جدا ان في اللحظة اللى هتنطق فيها انت عايز ايه ، بتتنفذ دعوتك ، وخطط كاملة بيتم تنفيذها علشانك .. لمجرد انك نطقت .. الحكيم هو اللى بيقدر يشوف نتيجه الدعوه في نفس اللحظة اللى دعى فيها . وكل مابيشوف وبيركز كل ما بتزيد . او بمعنى تاني ، لو انا عايز مثلا فلوس في حياتي ، وركزت على وجودها مهما كان بسيط ، ده بيخليها تزيد ، شكرنا لله على النعم بيزيد النعمه . ولو عايز علم ، فانت لما بتركز على طاقة بتزيد ، والفلوس طاقه ، الشكر هو ترديد مستمر وتركيز مستمر على وجودها فبتزيد ، في اللحظة اللى هتبطل تشكر او علميا “تركز” هتبدأ الطاقة تختفي من حياتك او تتحول لأي شكل تاني . 

ربنا عز وجل بيقول “إِنَّ اللَّهَ يُمْسِكُ السَّمَاوَاتِ وَالْأَرْضَ أَنْ تَزُولَا ۚ وَلَئِنْ زَالَتَا إِنْ أَمْسَكَهُمَا مِنْ أَحَدٍ مِنْ بَعْدِهِ ۚ إِنَّهُ كَانَ حَلِيمًا غَفُورًا” 

ومتخيل اني كإنسان انا كمان بمسك السموات والارض بس بشكل مختلف ، السموات هو بشكل ما بتساوي الروحانيات عندي والارض هو الجسد المادي والشهوات والدنيا اما اللى بيربطهم وبيحافظ على الجاذبيه بينهم هو القلب اللى بيدور حواليه الاتنين . والانسان المتزن هو اللى بيحافظ على وجود الشيئين في نفس اللحظة في نفس الوقت . المشكلة بتحصل لما نركز على جزء ونسيب التاني ، متمسكين بالدنيا والارض ، فالسماء بتبدأ تزول وفي النهاية بنكتشف الصلة والارتباط بين الاتنين . وبنعرف ان مفيش حاجة اهم من حاجة . الحالتين المادية والروحانية ، بنفس الاهمية في النهاية . 

الشاهد ان كل حاجة حواليك هي معلم ليك ، كل شىء هو غراب ، انت بس محتاج تديله التركيز المناسب وتفهم الرسالة . البوست ده في حد ذاته رسالة وانا مؤمن أشد الإيمان اني كتبته بحروف اخترها قدري وقدرك علشان يتلاقوا في نقطه توصلك لنتيجه او ترد على سؤال عندك انا معنديش اي فكرة عنه . 

في كيرلا ، الهند ، في بحيرة هناك نسيت اسمها ، بتاخد مركب من الفندق بتاعك وبتروحها ، بتعدي على جزيرة اسمها جزيرة الغربان ، انا مكنتش فاهم ليه بيطلقوا عليها كده بس لما روحت كان واضح جدا من الاف الغربان المتواجدين في اعلى اشجار الجزيرة . مئات الالاف بلا مبالغة ، كنت مع المتدربين فناديت قولت الله اكبر ، في نفس اللجظة سمعت صوت الغربان بيردد صوت مبهم ، كان جمبي صديق سمعني فقالي “الغربان رددوا التكبير” فابتسمت وقولت اكيد لأ ، بس سكت شوية وقولت “ليه لأ؟” 

حتى لو كان ده غير حقيقي ، بس مجرد ان الفكرة ديه تيجي في بالك ، يمكن ده في حد ذاته تكون رسالة .. 

جرب كده 🙂 فكر في أي مشكلة عندك ، واسمع الاشارت ، افتح القرآن ، او اي كتاب ، على اي صفحة عشوائية وحط صباعك على اي اية او جمله .. واربطها بحل مشكلتك .. 

جرب تخرج برة البيت ، وتحط نيه انك تلاقي حل لمشكلتك ، غمض عينك وفتح وبص حواليك ودور على الاجابة اللى اقسم بالله موجودة قدامك بس هي بس محتاج انك تشغلها عقلك . 

ومازال الغراب هو الطائر المفضل لدي 🙂 المعلم 

نهاد رجب

مقالات مرتبطة

دعواتي الخالصه لأهالي ضحايا الطائره المصريه المنكو...
views 206
دعواتي الخالصه لأهالي ضحايا الطائره المصريه المنكوبه القادمه من فرنسا الى القاهرة ، وأسأل الله جل وعلا أن يثبت ذوييهم ويغفر لهم ويطمئن قلوب الجميع . ...
حتى الانسان يقدر يتلون- غسيل المخ بالتنويم الضمنى ...
views 170
حتى الانسان يقدر يتلون- غسيل المخ بالتنويم الضمنى ... إدخل هنا تأتي إليكم من الموقع الرسمي نهاد رجب http://www.nihadragab.com/2015/11/22/%D8%AD%D8%AA%...
سؤال وجواب
views 2353
ماذا ؟ تحقيق هدفك متى ؟ الآن ! كيف ؟ بأي طريقة أين ؟ هنا وفي كل مكان والظروف ؟ فكر في حلول اخرى والمشاكل ؟ حلها والأخطاء ؟ صلحها والناس ؟ لا ت...
خواطر نفسية فيسبوكية
views 2882
  خواطر نفسية فيسبوكية 1- الشخص غالبا مابيتبع التعليق الأول او التعليقات الأولى في رأيها عن البوست ، وممكن تعليق واحد يغير احساسك بالبوست او رأ...
لأول مرة في الأردن دورتي دبلوم وممارس تقنية الـTra...
views 346
لأول مرة في الأردن دورتي دبلوم وممارس تقنية الـTrance مع المدرب العالمي نهاد رجب 1- دورة دبلوم تقنية الـTrance تبدء في 20/4/2017 حتى 22/4/2017 في أ...
ازاي تصنع ارهابي ؟ فيديو جديد انتظروه | نهاد رجب...
views 89
ازاي تصنع ارهابي ؟ فيديو جديد انتظروه Source
اكتر من مرة بتأكد ان العربية مقفولة علشان قلقان حد...
views 71
اكتر من مرة بتأكد ان العربية مقفولة علشان قلقان حد يسرقها بقيت اكثر وعي ان طريقة التفكير ديه مش بس خطأ ديه كمان خطر لان مينفعش اعتقادي عن العالم ان...
ناس
views 2100
  الانسان ده غريب ، عنده قدرة بشعة انه يحب اين كان حتى لو مكنش فاهمه او عارف هو ايه. تلاقي واحد بيحب قطة وواحدة بتحب كلب وواحد بيحب واحدة شافها ...
طيب ولله الحمد كلاكيت تاني مرة برنامج التنويم ال...
views 20
طيب ولله الحمد كلاكيت تاني مرة برنامج التنويم الذاتي - القاهرة كومبليت وعليه مش هنقدر نقبل حجوزات جديدة ، وان شالله نكرره تاني بسعه استيعاب اكبر ...
يمكن يكون شكله غريب أو افكاره مختلفة...
views 3457
يمكن يكون شكله غريب أو افكاره مختلفة بس ده مش معناه انك تهاجمه حاول تسمع لإن على مدار الحياة بالكامل اللى اتكتب اسمه في التاريخ كان مختلف ف...

Leave a Comment