” ابدأ بالسؤال الاسهل ”

ساعات بحس ان الدنيا لما بتتعقد ، كل حاجه بتتعقد
ولما بييجي الفرج بييجي بوفره تنسيك اي عقده قديمة

من فتره مريت بظروف صعبه ومشاكل في شغلي ، مركزتش على المشاكل ولا على الحل .. ركزت علي النمط ده .. ان مشكله بتجيب مشكله في مشكله ملهاش اي علاقه بالمشكله الاساسيه .. زي اني اصحى متأخر ، الاقي التليفون مش مشحون وانزل الاقي العجلة نايمة .. فيه حاجه عجيبة بتحصل ، فيه نمط بيكرر نفسه بطريقه غريبه مش مفهومة

وفي وسط الدوشه ديه كلها ، قررت اعمل حاجه غريبه وهي بسيطه في نفس الوقت .. بدات احل مشكله واحدة صغيره .. افتكرت التكنيك ده من ايام الامتحانات لما كان دايما بيتقالنا “ابدا بالسؤال الأسهل”.

كل مرة كنت بسمع الجملة ديه كنت بقول لنفسي يعني هو انا لما اجاوب السؤال الاسهل ، السؤال الاصعب هيتحل ؟ وكل مرة كنت بكتشف انها طريقه ناجحة وبعد كل امتحان كنت بنساها لحد ما اسمعها تاني ..

اكتشفت ان الواحد لما بيبدا بالحاجة الاسهل ، بيتعود على النجاح وعقله بيشتغل بطريقه مختلفه وكانك بتعمل تحول كامل لادراك عقلك من التركيز الكامل على المشكله للتركيز على الحلول والسهولة . كانك دوست على ذرار عجيب بيبدا بمجرد اني انفخ العجلة النايمة بلاقي المشكلة الاكبر اتحلت !

عقلك لما بيصدق انك تقدر تحل بيبدا يفكرك باللي كنت ناسيه من حلول ، او بمعنى تاني بتلاقي حل السؤال الصعب في الامتحان . وبتستغرب جدا بس بتلاقي تدفق من الكلام والحلول لاي سؤال مهما كان صعب ..

والموضوع بسيط .. كل اللي انت محتاج تعمله لما تلاقي الدنيا قافشه كده هو انك تكتب لسته بالمشاكل مهما كان عددها .. وتبدا بالاسهل . والله ممكن ترتيب مكتبك ييجي وراه على طول حل لمشكله قسط العربيه بتاعتك .. انا عارف ان الاتنين مختلفين بس اللي حل المشكله الاولى هيحل التانيه وهكذا.

طيب نفهم ايه ؟ نفهم ان الواحد لما بيقابل مشكله بيبقى مركز جدا حواليها ، وبتتحول لطاقه سلبيه عجيبة بتطفح على باقي حياته .. لحد ما يبدأ بحل السؤال الاسهل حتى لو كان انه يكتب اسمه ..

ويومكم جميل زي يومي
نهاد رجب


Source

مقالات مرتبطة

Thank you Dr. Royle for accepting my invitation to...
views 80
Thank you Dr. Royle for accepting my invitation to train my trainees in Egypt Online , we loved you so much , and we really hope you'd accept more and...
أيام وينتهى الاسبوع التالت من كورس “ممارس ال...
views 198
أيام وينتهى الاسبوع التالت من كورس "ممارس التنويم الإيحائي" وتكون آخر دفعة في مصر لسنة 2016 استمتعت جدا مع الجروب ده ! جروب من مختلف الثقافات في الش...
قصة حياة فقير
views 4607
ادوني مليون جنيه واتفرجوا انا هعمل ايه او 2 مليون وهتنبهروا باللي هعمله او 3 مليون وهتستعجبوا من نجاحي   "قصة حياة فقير" ...
النهاردة سيبت المحفظة في العربية رجعت روحت مشوار ...
views 646
النهاردة سيبت المحفظة في العربية رجعت روحت مشوار وانا راجع ، جاتلي فكرة اني اخد المحفظة من العربية وانا طالع البيت خدت المحفظة ومشيت جاتلي فكرة تاني...
منذ ان وطئت قدمي أرض هذا البلد ولم أتوقف عن الانبه...
views 298
منذ ان وطئت قدمي أرض هذا البلد ولم أتوقف عن الانبهارللحظة ولن اخبرك اليوم عن عجائب باريس وأساطيرها المدوية في العالم ، ولكني سأخبرك أمرا إن فهمته وم...
الآن يمكنك الاستماع مجانا الى احدى جلسات المدرب نه...
views 22
الآن يمكنك الاستماع مجانا الى احدى جلسات المدرب نهاد رجب “مجانا | للبنات فقط | جلسه التخسيس وربط المعدة بالتنويم الإيحائي” وهي جلسه تحاكي عملية رب...
فيه فرصة رائعة ليا وللتنويم بالإيحاء للانتشار في ا...
views 192
فيه فرصة رائعة ليا وللتنويم بالإيحاء للانتشار في العالم العربي بالكامل من خلال الظهور في برنامج Arabs Got Talent راسلني ممثل من ادارة الانتاج الخاص ...
لكل الإخوة القاطنيين في فرنسا مفجأة مستر محمد زك...
views 184
لكل الإخوة القاطنيين في فرنسا مفجأة مستر محمد زكريا لأول مرة في أوروبا واقوى برامج الفراسة وتحليل الشخصيات لازم تتصلوا وتحجزوا . الكورس مش مجرد تح...
هتفرج لو سبتها تفرج .. اتخلقنا نعيش والكون يخدمنا....
views 3483
هتفرج لو سبتها تفرج .. اتخلقنا نعيش والكون يخدمنا. نسينا الحكمة واتعكست الآيه وبقى معظمنا عبيد لخدامنا. . سيب واتحرر وخلي اللي يحصل يحصل وصدقني هتفرج...

About the author

nihadragab