لو الحلم هو عبارة عن رساله مشفرة من العقل اللاواعي بيقولك من خلالها حاجه بناء على مجموعه ضخمه من المعادلات اللي بتتم داخليا جوا دماغك وفي النهايه بيتم استنتاج نتيجة نهائيه بيحاول يوصلهالك من خلال الحلم كجزء من مهمته الاساسيه لحمايتك .. فده يخلينا نتواصل معاه بنفس الطريقه اللي بيتواصل بيها معانا .. صور .. صور عباره عن صور منفصله او متصله .. زي انك تشوف نفسك جوا الحلم فتحكي الحلم وبتقول “قال يعني انا كنت ماشي وشوفت كذا وكذا” ومتصله لما تحكي الحلم بطريقه “وقابلت فلان وكان شكله غريب” وفيه نوع تالت من التصورات هو نوع اللاموجود .. انت مش شايف نفسك ولا شايف من خلالك .. انت موجود بس مش موجودة في نفس الوقت .. وده بيحصل لما تحلم بناس تانية .

اما بالنسبه للاصوات ، فالاصوات جوا الحلم رمزيه .. يعني ممكن يكون شبه مستحيل تقريبا تفتكر جملة كامله على بعضها .. بس لما تصحى من النوم بتلاقي نفسك بتقول “وسمعته بيقولي حاجه زي خد بالك من نفسك” انت مش فاكر هو قال ايه بس انت عارف ومتأكد انها “خد بالك من نفسك”

في عمليات التواصل مع العقل الباطن ، احنا بنتواصل معاه من خلال التنويم الإيحائي مثلا بنفس اللغه اللي بيفهمها وبيتواصل معانا من خلالها .. من خلال الصور “متصل ومنفصل” ومن خلال الاصوات .. “ردد .. كرر .. قول” ويمكن في المراحل المتقدمه في التنويم الايحائي بنضيف الطريقه الرمزيه في التواصل مع العقل الباطن .. يعني ممكن تبقى صور مش مفهومه متصله ومنفصله وبنضيف عليها “اللاموجودة” او اصوات وكلام مش محدد ، فتصبح الجلسه بالكامل عباره عن انك بتسمح لنفسك انك تكون حلم تحلم بيه جوا الحلم بتاعك .. وبيكون ليها تأثير عجيب ..

الاحلام مش نبوءات ، بس هي رسايل .. لسبب ما الرسايل مش بتكون واضحة وصريحة .. علشان كده الفكرة اننا نستخدم الرمزيه في الجلسات الخاصه بالتنويم الإيحائي للتغذيه المرتدة للعقل الباطن ..

على سبيل المثال : شخص عنده ازمه في الكلام مع الناس وبيحس انه دايما مش مرتاح ومش واخد راحته .

تخيل نفسك شايف نفسك واقف على البحر ، سامع الموجة بتخبط في الشط وصوتها بيكونلك احساس انها بتقولك حاجه .. يمكن الصوت مش واضح بس انت سامعه من جواك بيردد “انت البحر في الشمال والجنوب وانت الموجة والحرية بتتملكك”

الجملة اللي فاتت مش مفهومة ، بس لو قريتها تاني هتلاقيها مفهومة ، بس مفهومه بالنسبه لك انت بس كعميل ، لكن غيرك لو سمع نفس الجملة مش هيفهمها ، انت نفسك لما تخرج برة الحاله وتسمعها مش هتفهم حاجه بس انت كنت فاهم جوا التنويم وده اللي بيخلي الناس مبتخرجش مثلا من التنويم وتسألني “انت قصدك ايه” لانهم جوا الحاله بيفهموا بطريقه غير مفهومة .. وكان عندهم مترجم داخلي . عمرك حلمت قبل كده انك بتتكلم مع واحد اسباني مثلا وفاهمه ؟ لا وبعض الناس كمان ممكن في نفس الحلم ترد عليه .

في النهايه ومع انها تقنيه متقدمة بس خليني اقولك على طريقه بسيطة ممكن تستخدمها بسهوله .. فكر في حلم انت فاكرة كويس جدا ، بس يكون حلم مناسب وايجابي .. ممكن تكون حلمت انك بتاكل حاجه او في مكان ، المهم انك في الحلم كنت مبسوط .. وابدا كرر الحلم ده جواك كتير اكتر واكتر وحاول تفتكر كل تفاصيله . وبعد تالت او رابع مرة حاول تغير او تضيف حاجه صغيرة جدا في الحلم .. حاجه انت عايزها .. وشوف تأثير ده عليك هيكون عامل ازاي ..

ويومكم جميل زي يومي
نهاد رجب
ممارس ومدرب التنويم الإيحائي


Source

مقالات مرتبطة

Test
views 186
Test Sent from my iPhone
تقدر ترشحني كصانع أمل في مبادرة محمد بن راشد آل مك...
views 191
تقدر ترشحني كصانع أمل في مبادرة محمد بن راشد آل مكتوم العالمية من خلال الرابط : https://arabhopemakers.com/ واضغط على "رشح صانع أمل" الإسم الاول...
أكبر جلسة تنويم إيحائي باللغة العربية في الشرق الأ...
views 381
أكبر جلسة تنويم إيحائي باللغة العربية في الشرق الأوسط الجمعة 13 يناير قام المدرب نهاد رجب بتوثيق تجربته بأكبر جلسة تنويم إيحائي باللغة العربية في ال...
فيديو : خاطرة حول الطريق الاسرع للوصول الى ما تستح...
views 216
فيديو : خاطرة حول الطريق الاسرع للوصول الى ما تستحقه لـ نهاد رجب انضم للصفحة وادعوا اصدقائك للاستفادة. الصفحة الرسمية للمدرب والمعالج نهاد رجب Sou...
علشان تحافظ على اسطورتك قصاد كل خطوة ياخدها منافس...
views 61
علشان تحافظ على اسطورتك قصاد كل خطوة ياخدها منافس خد ١٠٠٠ خطوة وقصاد كل ميل خد الف ميل وأول ما تعرف انك سبقت خد تاني الف ميل وأول ما تحس انك عايز...
‎Nihad Ragab نهاد رجب‎ added a new photo. | نهاد ر...
views 182
‎Nihad Ragab نهاد رجب‎ added a new photo. Source
كورس ممارس التنويم الإيحائي لـ نهاد رجب تقريبا 90...
views 313
كورس ممارس التنويم الإيحائي لـ نهاد رجب تقريبا 90% من البيوت المصرية كانت هتشتري بيت في مدينة نصر او التجمع الخامس او المعادي او 6 اكتوبر او الشيخ زا...
التخلص من الاحبال والمعوقات بالتحرر...
views 3956
  ربنا عز وجل بيديلك ثقتك بنفسك ، بيفهمك انك تقدر تفكر ، تقدر تعرف بنفسك ، تقدر تبص حواليك وتستنتج ، لانه مخلقكش عالة على حد ، خلقك من روحه ، مت...
من حوالي 14 سنه تقريبا والدي توفى ، كنت نايم لما ل...
views 30
من حوالي 14 سنه تقريبا والدي توفى ، كنت نايم لما لاقيت اختي بتصحيني وسط صريخ وعياط وبتقولي اصحى بابا مات ! مكنتش مدرك ايه اللي بيحصل ، بس كل اللي فاكر...
اذا وجدت انك تعمل عند أموالك فاعلم ان الوقت قد حا...
views 1483
اذا وجدت انك تعمل عند أموالك فاعلم ان الوقت قد حان لكى تستقيل خلق المال ليعمل لدينا لا لنعمل ونسهر ونتعب من اجله إذا وجدت انك تتعب من أجل الحب فا...

About the author

nihadragab