الاعتذار للاخرين غير واجب .. الا اذا …

من فترة درست تقنيه جديدة كانت عن التحكم واسمها “منطقة القوة” ، الجميل في التقنيه انها كشفتلي نمط سلوكي كنت بقوم بيه بشكل كبير جدا ومكنتش اعرف اد ايه هو خطأ الا مؤخرا ..

كان ممكن مثلا حد يضايق من كلمه قولتها فاعتذرله ، او حد يضايق من حاجه كان المفروض اعملها ومعملتهاش فاعتذرله .. كنت فاكر ان ده شيء طبيعي واخلاقي وسليم ، وبعد دراستي للتكنيك افتكرت اني لما كنت بعتذر لحد كنت بدخل في حالة سلبيه وكنت بحس اني بحمل نفسي افكار ودين مكنش من حقي .

التكنيك بمنتهى البساطه بيقولك انك المتحكم الاول عن افكارك ومشاعرك وكلامك وردود افعالك وتصرفاتك . انت مسئول تجاه الاخرين لكن انت مش مسئول عن الاخرين ..

يعني لو انسان بيفكر بطريقه محدده وعنده توقعات ما ، ايه في الوجود ممكن يبرر انك تعتذرله لو اختياراتك او سلوكياتك كانت مختلفه عن توقعاته ؟! ايه في الدنيا ممكن يبرر انك تتأسف على رد فعل الاخرين تجاهك ؟ طالما حافظت على حقك في التعبير عن النفس والاختيار ؟

للاسف بعض الناس فاكرة ان من الاخلاق انك تعتذر لو لاقيت ان اللي قدامك فسر كلامك بطريقه معجبتوش ، او فسر كلامك بطريقة خاطئه فتلاقي نفسك بتجري تقوله “لا والله انا اسف مكنش قصدي كده خالص ” !

مش من حق حد انه يفرض عليك تتعامل معاه بالشوكة والسكينه تجاه افكاره او توقعاته عن تصرفاتك وسلوكياتك واختياراتك .. وبالتالي مش من حقك انت كمان انك تطالب الناس في المقابل انهم يتلائموا مع خريطتك العقليه وفكرتك ومفاهيمك عن الدنيا ..

المشكلة اللي ممكن تحصل بتأسف على حاجه ملهاش علاقه بيك ولكن ليها علاقه بعقل الشخص اللي قدامك انك لو اتاسفلته اولا هيبان انك غلطان وهتبقى مطالب طول الوقت بفتح ملف عقلي يخليك مضطر تتعامل معاه بطريقه محدده .. عبث .. ثانيا الشخص هيتعود ده من الاخرين وبالتالي هيتخبط كتير في حياته لان مش كل الناس بتتصرف زي بعض .

افتكر انك مسئول عن كلامك وطالما كلامك في حدود الادب والاحترام ، طالما بيظهر قيمك العليا وطالما مش بتطاول بيه على حد ، بالتالي مهما كانت اختياراتك في كلماتك او تصرفاتك ، فده حقك الطبيعي اللي المفروض تمارسه بشكل طبيعي ومحدش ليه الحق انه يطالبك تعتذر بسبب سوء فهمه ليك او استنباطه الخاطئ للي انت كنت تقصده ..

المرة الجايه لما حد يزعل منك اساله انت زعلت ليه ؟ ولو قالك علشان انت قولت كذا وانت عارف انها بتضايقني ، اساله انت عرفت ازاي اني عارف ؟

استمر في الاسئله المهم انك متعتذرش الا لو فعلا غلطت .. والا شويه شويه الناس هتيجي عليك انت وهيتهموك باللي مش فيك ..

وافتكر انت مسئول تجاه الاخرين عن “كلامك وتصرفاتك” ولست مسئول عن “تفسير الاخرين” او مشاعرهم هما ..

وعلى رأي المثل .. اللي ليه عندك حاجه ياخدها ..

ويومكم اجمل من يومي
نهاد رجب


Source

مقالات مرتبطة

انا حاسس بيك مشكلة وهتعدي انت أدها يا بطل وانا ...
views 146
انا حاسس بيك مشكلة وهتعدي انت أدها يا بطل وانا هدعمك خد بالك من نفسك انا معرفكش بس انا بحبك Source...
لو الآباء بدلوا النصايح بالتوكيدات .. الحياة هتبقى...
views 327
لو الآباء بدلوا النصايح بالتوكيدات .. الحياة هتبقى أفضل بدل ما نقول للطفل ذاكر نقوله "انت بتحب تنجح" أو "حبك للنجاح بيزيد يوم عن يوم" أو "انت متفوق"...
5 أسباب تجعلك تعشق المغرب لـ نهاد رجب...
views 3418
"قبل أن أأتي إلى هنا أخبروني عن السحر في المغرب وحذروني منه ، فمن يذهب لا يرجع ، يسحر يا رجل ! ...  وعندما جئت وجدته ، ليس سحرا بالمعنى الذي فهمته ولك...
لو حسيت بغيرة او حقد تجاه حد ادعيله فورا وبصوت اعل...
views 37
لو حسيت بغيرة او حقد تجاه حد ادعيله فورا وبصوت اعلى من صوت شيطانك واذكره في ملأ هترتاح Source...
كام واحد عايز يشوف المنظر ده ؟ وفِي انهي بلد ؟ | ن...
views 241
كام واحد عايز يشوف المنظر ده ؟ وفِي انهي بلد ؟ Source
هل تعلم أن التنفس السليم يعادل 90% من دورات التنمي...
views 1565
هل تعلم أن التنفس السليم يعادل 90% من دورات التنمية البشرية ؟! Source
النهاردة استنوا فيديو جديد عن التعلم اللاواعي (فيد...
views 142
النهاردة استنوا فيديو جديد عن التعلم اللاواعي (فيديو تمهيدي) الساعة 4 العصر بتوقيت القاهرة علشان يجيلك كل جديد من الصفحة اختار صفحتي ك See First واست...
وَاصْبِرْ لِحُكْمِ رَبِّكَ فَإِنَّكَ بِأَعْيُنِنَا...
views 2763
وَاصْبِرْ لِحُكْمِ رَبِّكَ فَإِنَّكَ بِأَعْيُنِنَا أن تعلم أن الله هو علام الغيب ويعلم ماهو الأفضل لك لأنه قدره لك ويعلم الحاضر فهو من حكم به عليك ...
احجز الان في كورس ممارس التنويم الايحائي سيتم تد...
views 177
احجز الان في كورس ممارس التنويم الايحائي سيتم تدريبك على أحدث التقنيات الخاصة بالتنويم الإيحائي في العالم لتقوم بتطبيقها على نفسك والاخرين . ستتعل...
اليوم على الصفحة الرسمية للمدرب نهاد رجب www.face...
views 150
اليوم على الصفحة الرسمية للمدرب نهاد رجب www.facebook.com/nihad.ragab2011 2 ظهرا (توقيت القاهرة) : تقنيات هامة لزيادة التركيز وتحسين وظائف العقل 6 ...

About the author

nihadragab