وما بعد ؟

الناس اللي قريبين مني عارفين اني عندي هوس بتطوير منهج التنويم الإيحائي ، ويمكن مفيش كورسين عملتهم ورا بعض جوا مصر او بره مصر الا وعدلت وغيرت او اضفت .

بس كان دايما بحس ان فيه حاجه ناقصه ، حاجه لما هتضاف للمنهج ولأدواتي كممارس للتنويم الإيحائي هتفرق معايا .. وبسبب تطرفي للتنويم الإيحائي محاولتش ابص على تقنيات تانية كتير لان اغلبهم مكنش بيستهويني ، مكنش فيه اجابه سؤالي ، لحد ما اتعرفت على لبنى الشريف . لبنى مكنتش بشوف لها صوره على الفيسبوك الا وهي في كورس او بتستلم شهاده او بتدي testimonial على كورس حضرته .

هي نفسها يمكن اول مرة تعرف ده ، بس انا اتعلمت منها اشكر اي حد علمني كلمه ، تابعتها اكتر لحد في يوم قررت ابعتلها وخدت معاها جلسه coaching

روحت الجلسة وانا مش عارف انا عايز ايه ، رجعت من الجلسه متوتر جدا وقلقان بشكل غير طبيعي وده بسبب اني رجعت من الجلسه عارف كل حاجه .. بس في عمق توتري وقلقي ، كان فيه متعة .. متعة بتحسها لما تلاقي نفسك قربت من اجابه سؤال كان دايما بيدور في بالك “ايه تاني اقدر افيد بيه الناس في مجالي .. وما بعد ؟ ” ولانها لاول مرة تكلمني عن اختراع اسمه ال APG

ال APG هو مجموعه من التقنيات اللي بيتم استخدامها في جلسات الكوتشنج او دمجها مع مجالي في التنويم الايحائي في سبيل افاده العميل . عشرات التقنيات اللي لما تعرفها تحس ان عالمك نفسه اتغير . قريت واشتريت كورسات من قوه حماسي بكلامها وبتأثيرها عليا . وسالتها عن اقرب كورس لل APG قالتلي بعد رمضان ، فاتحايلت عليها علشان تعمل كورس خلال رمضان وفعلا اقتنعنت وحضرت الكورس وكان على رأس الكورسات التدريبيه اللي غيرتني وغيرت طريقه تفكيري وادراكي للعالم ، وادتني ادوات اقدر استخدمها في حياتي لافاده ناس اكتر ..

يعتبر ال APG تاني نموذج في طريقك للميتا كوتش ، وبسبب اني حظي حلو في ايجاد معلميني ، لبنى الشريف كانت من افضل المدربين اللي اتعاملت معاهم وعلموني بجد حاجات تنفعني وتنفع الناس اللي بقابلهم كل يوم ..

لما تحضر مع لبنى ال APG او اي كورس تدريبي ليها هتكتشف ان عندها ضمير جدا في ايصال المعلومات ، وتتأكد ان اللي قالته وصلك لأقصى مستوى وانك حققت اهدافك من الدوره لحياتك . عندها قدرة غير عاديه على الرد علي اسئلتك باكتر من طريقه لحد ما هي اللي تتأكد انك فهمت الاجابه .. مدربه غير عاديه ، متقدرش تسرح لثانيه في اي كورس ليها مش بس لانك حابب الكورس ولكن بسبب لحظات بتعدي عليك معاها في الكورس بتلاقي نفسك بترسم فيها ابتسامه عجيبة على وشك وفي اليوم الواحد بتوصل ل AHAAAS كتير بتخليك مستني تستزيد اكتر واكتر منها ..

وساعتها كتبت عندي نصيحه للمدربين انك لو فاكر انك تعرف حاجه هتكتشف انك مكنتش تعرف ولا حاجه .. وكان كل اللي في بالي هو كل حاجه بتقدمها لبنى

مش هتصدقوا كميه المعلومات والاضافات الجديده اللي استفدت منها ، مش هتصدقوا ازاي دلوقتي في جلساتي في التنويم الايحائي بطبق تقنيات من تقنيات لبنى الشريف .

لبنى الشريف معاها مرحله عليا من مراحل الميتا كوتش اسمها pcmc ومش كتير في مصر اللي وصلوها ، لبنى مش بس مدربه ، انا فاكر اخر يوم في الكورس سالتها سؤال عابر جوا الدوره ، سابت الكورس وسابت المانوال ، وساعدتني في جلسه كوتشنج قصيرة بس تأثيرها هيفيدني لسنين قدام ..

تعاملها مع متدربيها مختلف وعجيب ، في اخر يوم قالتلنا اننا هنوزع شهادات سالتها .. بجد فيه شهادات ؟! انا والله ماكنت عارف او متأكد ، ولا كنت بفكر في شهادات ، كفايه كل كلمه هي قالتها وناس كتير بيحضرولي هيدعولها هي من خلالي . ودعواتي ليها .

شكرا لبنى الشريف ، شكرا ليكي مني ومن غاده

ده بروفايل لبنى الشريف Lubna Al Sharif مركز Laurus Training Center في الزمالك ، انا معرفش انت ممكن تعمل ايه بس ابعتلها لو حبيت تعمل جلسات او تحضر الكورسات الخاصه بيها ، لاني زمان كنت اسمع عن السحر لحد في يوم ما اكتشفت من خلال الكورس معاها انه موجود .




Source

مقالات مرتبطة

قصيدة ابويا واحشني جدا !
views 2381
  حلوة أوي انا ابويا واحشني جداً محتاج رأيه ف حاجات أهمل ف سؤاله عني وماجاش من يوم مامات نضارته وساعته لسه ع الرف مكان ماسابهم وهدومه...
دعواتي الخالصه لأهالي ضحايا الطائره المصريه المنكو...
views 161
دعواتي الخالصه لأهالي ضحايا الطائره المصريه المنكوبه القادمه من فرنسا الى القاهرة ، وأسأل الله جل وعلا أن يثبت ذوييهم ويغفر لهم ويطمئن قلوب الجميع . ...
الأحباب بالأردن 🌷🌷 سعيد جدا للاهتمام المتزايد من ...
views 127
الأحباب بالأردن 🌷🌷 سعيد جدا للاهتمام المتزايد من الإخوة بالأردن لحجز محاضرة "الاقناع والتأثير النفسي" اشوفكم على خير في المملكة الاردنية ، فندق ايا...
الناس فاكرة ان التنويم الإيحائي يقتصر على “غ...
views 354
الناس فاكرة ان التنويم الإيحائي يقتصر على "غمض عينك" ... "استرخي بعمق" وده فعلا ليه طرقه وتقنياته ، بس تعاملي مع التنويم الإيحائي عمره ما كان كده . ...
كل انسان غلبان بطبعه فبلاش تتسرع وتحكم #نهاد_رجب...
views 2938
ممكن يكون أسوأ إنسان في الدنيا ويطلع غلبان غلب الدنيا بس بيحاول غلط فبتشوفه العكس وبتطلع انت في النهاية أسوأ إنسان في الدنيا فكر قبل ما تحكم ول...
بجهز لكورس التنويم الايحائي الجديد (مارس ٢٠١٧) أح...
views 229
بجهز لكورس التنويم الايحائي الجديد (مارس ٢٠١٧) أحب اقولكم وداعا لل showmanship ووداعا للتنمية البشرية ❤️ الكورس الجديد نظامه غير اي كورس تعرفه عن ال...
لما تعرف انك مسئول عن حياتك والنتايج اللي بتحصل عل...
views 68
لما تعرف انك مسئول عن حياتك والنتايج اللي بتحصل عليها . دا بيعتبر اجمل خبر ممكن تسمعه . دا بيخليك فاهم ان الدنيا ديه بتاعتك وتقدر توجه الاحداث زي ما ت...
انهي اختيار هيحسسك بالندم اكتر لو معاك عربية : (...
views 122
انهي اختيار هيحسسك بالندم اكتر لو معاك عربية : (١) تروح مشوار من طريق انت متعود عليه وتكتشف انه زحمة وتفتكر ان كان فيه طريق تاني كان ممكن تروح منه ...
التنويم الإيحائي هو Heightened state of awareness ...
views 54
التنويم الإيحائي هو Heightened state of awareness يعني ايه ؟ تخيل ! يعني حاله عاليه جدا من الادراك ! ايه ده ! يعني مفيش نوم! لا ! خليني اقولك ان...
إعتماد ال National Guild of Hypnosis تم بحمد الل...
views 197
إعتماد ال National Guild of Hypnosis تم بحمد الله اعتمادي من مؤسسة ال N.G.H "كمعالج معتمد بالتنويم الإيحائي" وعضو من أعضاءها ومهمتنا هو نشر التنويم ...

About the author

nihadragab