كنت في عزا جدة صديق ليا ، لما بدأ يحكيلي عن ازاي توفت .. كلمني عن اللحظات الاخيرة للوفاه وعن كل الغرائب اللي ممكن تستعجب جدا منها ، كلمني عن الناس اللي كانت بتكلمهم وبتشوفهم وهما مش موجودين .. كلمني عن فترة ما قبل الموت وعلمها باقتراب اجلها وتبليغها للمحيطين بيها وكانوا كالعاده بيحاولوا يطمنوها ..

افتكرت اليوم اللي والدي فيه توفى ، توفى فجأه بس اليوم بالكامل لما بنسترجع احداثه بنستغرب ازاي حصلت كل الاشارات ديه ومن ضمنها كلامنا عن الموت وتغيير كامل في شخصيه المتوفي فجأه وكلام تاني كله معاني مفهومه انه هيموت بس محدش كان عارف لاننا متخيلناش ان ده يحصل ..

وتوفى اكتر من صديق واخ ليا على الفيسبوك وظهرت عندي هوايه جديده الا وهي البحث عن الاشارات اللي سابوها قبل ما يموتوا .. كانوا بيفكروا ازاي ، كانوا بيتكلموا ازاي وكانوا بيقولوا ايه .. من ضمنهم الناس اللي توفت على طيارة فرنسا ، الطيارة اللي انا كنت راجع عليها وعدلت الحجز على آخر لحظة .. اكتشفت ان اغلب اللي عرفت اوصلهم ، او اوصل لصفحاتهم على الفيسبوك كانوا بيكتبوا كلام لا يمكن تفسيره غير انهم كانوا عارفين بس مش عارفين انهم عارفين ..

منهم مها ادهم ، الله يرحمها ، ورسالتها المؤثره المكتوبه عندها “رسالتي ان ارى الله وأحبه وانشر حبه بين القلوب” ..

ساعتها لما بدات ابحث ورا الناس اللي توفت ، خصوصا اللي توفوا فجأه ، كتبت عندي على البروفايل اني عايز بروفايلات طلبه كليه صيدله اسكندرية من اللي ماتوا في حادثه نويبع ، عرفت اوصل لبعضهم و 80٪ منهم على الاقل كانوا كاتبين حاجات تدل على انهم كانوا عارفين انهم هيموتوا .. وهما مش عارفين انهم هيموتوا .. او كاتبين كلام روحاني فجأه ومنهم اللي لما كتب ده الناس نفسها اللي عنده استغربوه وبداوا يهزروا معاه ومنهم اللي قاله “انت استشيخت مرة واحدة كده ليه” وسبحان الله ان ديه كانت اخر حاجه يكتبها قبل مايموت في الحادثه .

كتير كنت بحاول اقنع نفسي انها كانت مجرد صدف ، او انا بوحي لنفسي ان الكلام ده ليه علاقه بوفاتهم بس مع الوقت ومع كل القصص اللي سمعتها اكتشفت ان لا لا فيه معرفه لاواعيه بقدوم اجلهم .. لو سألت اي حد توفى قريب ليه ، هتلاقي 90٪ من الناس بيحكولك حاجات غريبه عن اخر ايام المتوفيين ، اشارات بالبلدي بنقول “كان قلبه حاسس” ، الفكرة اللي بكلمكم فيها عرفها ووصلها ناس بالفطره ملهمش اي علاقه بالعلم لكن كانوا بيشوفوا وبيلاحظوا ده في المتوفيين قبل مايتوفوا .

كنت في ابتدائي في 6 اكتوبر لما سمعت عن وفاه والده احد صديقات اختي وكانت وهي بتموت بتكلمهم عن شجر التفاح اللي هي شايفاه ، عن الجنة وعن الله .. كانت بتقولهم مدوا ايديكم وخدوا تفاح كلوا كلوا .. وتوفت بعدها بلحظه .. وسابتهم مستغربين هو ايه اللي حصل !

الموضوع محتاج بحث كبير ، الموضوع محتاج دراسه خاصه .. الموضوع ده هيفهمنا اكتر عن نفسنا وعن الانوار اللي بنشوفها لحظات قبل النهايه .

اسالوا الناس اللي حواليكم ، اسالوا نفسكم ، عن الناس القريبين منكم ، قبل مايموتوا ، شافوا ايه .. سمعوا منهم ايه ؟ كان بيرددوا بيقولوا ايه !

نهاد رجب





Source

مقالات مرتبطة

قصيدة ابويا واحشني جدا !
views 2381
  حلوة أوي انا ابويا واحشني جداً محتاج رأيه ف حاجات أهمل ف سؤاله عني وماجاش من يوم مامات نضارته وساعته لسه ع الرف مكان ماسابهم وهدومه...
امبارح حصل موقف وانا سايق خلاني اتضايق كنت سايق ...
views 42
امبارح حصل موقف وانا سايق خلاني اتضايق كنت سايق وواقف في الاشاره والعربيات اللي ورايا بتكلكس علشان امشي واكسر الاشاره لان كده كده محدش معدي .. انا...
التنويم الايحائي مغامره مشروعه في دماغ الناس قدر...
views 118
التنويم الايحائي مغامره مشروعه في دماغ الناس قدرتك على استخراج الكلمات ذات المعاني من كلام الناس الفوضوي وربط القصه ببعضها وشرحها ليهم في النهايه وت...
من حوالي 14 سنه تقريبا والدي توفى ، كنت نايم لما ل...
views 22
من حوالي 14 سنه تقريبا والدي توفى ، كنت نايم لما لاقيت اختي بتصحيني وسط صريخ وعياط وبتقولي اصحى بابا مات ! مكنتش مدرك ايه اللي بيحصل ، بس كل اللي فاكر...
أربع مراحل لمعادله الأربع خطوات لحث حاله التنويم ا...
views 93
أربع مراحل لمعادله الأربع خطوات لحث حاله التنويم الإيحائي التنويم الإيحائي هو تقنيه معروفه حول العالم حيث انه افاد الآلاف ممن خضعوا لحاله التنويم ال...
ناس
views 1979
  الانسان ده غريب ، عنده قدرة بشعة انه يحب اين كان حتى لو مكنش فاهمه او عارف هو ايه. تلاقي واحد بيحب قطة وواحدة بتحب كلب وواحد بيحب واحدة شافها ...
النهاردة يوم مختلف ان شاء الله جلسات التنويم الإي...
views 151
النهاردة يوم مختلف ان شاء الله جلسات التنويم الإيحائي في مدينة نصر خلال ساعات ثم جلسة تنويم إيحائي أونلاين ثم محاضرة على الانستجرام عن التنويم الإي...
#لو_انا_منك #نهاد_رجب
views 5822
#لو_انا_منك   1- لو شوفت حد عنده مشكلة جسدية ما ، مش هتعاطف معاه واحسسه انه ناقص حاجة ، ومش هبصله بشفقة واقول في سري "الحمد لله الذي عافان...
الاخوة الكرام اعتذر عن التأخير في الرد على الرسا...
views 235
الاخوة الكرام اعتذر عن التأخير في الرد على الرسائل حيث أنني الآن في الولايات المتحدة الأمريكية لأسبوع اضافي من الان وسوف اقوم بالرد على الرسائل فور ...
قصيدة حماسية – بيع الدنيا هتشتريك...
views 1548
  بيع الدنيا هتشتريك الناجح ملهوش شريك ليه الحزن بيعتريك ؟ والمفتاح ماسكه بإديك ! احفظ عينك عالطريق اختار ليك احسن رفيق لو جيه يوم ونادي...

About the author

nihadragab