ربنا عز وجل بيقول في كتابه الكريم “قُلْ سِيرُوا فِي الْأَرْضِ فَانظُرُوا كَيْفَ بَدَأَ الْخَلْقَ”

ازاي هنمشي في الارض “الحاضر” علشان نشوف “كيف بدأ الخلق” الماضي .

ازاي حاله زمنيه تكون في مرتبطه بحاله زمنيه مختلفه ..

لما بدات افكر في الايه ، قولت لو اي حد سألني .. انت ازاي بدات تطبخ ؟ مثلا !
هقوله على خطوات متسلسله ، انتجت في النهايه الاكله .. وان الاكله ديه بتحمل الكل لكنها مش الجزء .. يعني الكيكه علشان تعملها محتاج مثلا بيض وسكر ولبن وكاكاو مثلا (انا مش عارف) ، هتخلط كل ده مع بعضه ، هتحطه على النار ، هيطلعلك في النهايه “كيكة” فانت بمكونات ما تقدر تنتهي بشئ اكبر .. لكن متقدرش تبص للكيكه وتفصل منها العناصر المكونه ليها .. او تقول انا طبخت بيض ولبن وبيكنباودر .. هتقول كيكه .

سؤال كيف بدأ الخلق ، بيدي ايحاء ان الخلق بدأ بتسلسل معين وبمكونات مختلفه انتجت في النهايه العالم اللي بنعرفه من انسان وحيوان ونبات وجماد .. وكلمه ” بدأ ” تدي معنى ان النتيجه النهائيه مكنتش مماثله للبداية ..

طيب ازاي حاله زمنيه “الحاضر” يتم ربطها بحاله زمنيه “الماضي” الا اذا الخلق مازال لحد اللحظه ديه في حالة تطور مستمرة ..

انا مش متخصص في أمر نظرية التطور ، انا قريت فيها كتاب وشوفت كام فيديو ، لكن انا لحد اللحظة ديه مش فاهم ليه الناس بتزعل من كلمة تطور ؟! وبيفكروا دايما ان المووضع مقتصر على ان الانسان كان اصله قرد وان الموضوع لا يقبله عقل . بس في نفس الوقت مقتنعين جدا ومؤمنين ان الانسان كان اصله حيوان منوي واتفاعل مع بويضه وكونوا انسان !!

ماهو في النهايه خلق ! ليه بعض الاخوه رافضين فكرة التطور لداروين وقابلين التطور من ماء مهين لبويضه في جسد الانثى ؟ ولو حاولت تسأله هيقولك ان ربنا قادر على خلق الانسان متكامل ، طيب ليه ده مبيحصلش جوا رحم الام ؟ ليه مابيتخلقش طفل وبيظهر فجأه مثلا ؟ ليه كل حاجه في الدنيا هتكتشف ان فيها سنة التطور ؟

لو افترضنا ان الانسان تطور من بشريين بهيئه حيوانيه قديمه ، ومنها تطور للشكل اللي عارفينه في الوقت الحالي . ايه المشكله في كده ؟

بعض الاخوه ممكن يقولوا ان ربنا اذا اراد شئ ان يقول له كن فيكون ، كن الربانية مختلفه عن “فيكون” الارضيه ، فيه فرق زمني بيحكم المدة اللي هيتم فيها تنفيذ أمر الله ، وبأمر من الله خالق المكان والزمان ، ولو فكرت في كن .. فيكون … هتلاقي ان فيه حاجه كانت على هيئه ما وربنا امرها بالتغيير او بالتطور .. يعني فيه حاله حاليه ، واتحولت من حاله لحاله لحاله مختلفه مبنيه على الحاله الاولى ، ولو فكرت في الموضوع هتلاقي ان الانسان خلق من طين ! يعني تطور من طين .. ليه ربنا مخلقش العظام واللحم والقلب ؟ ليه من طين ؟ بغض النظر عن فكرة الباكتيريا اللي بتكون جسم الانسان وكل الابحاث اللي بتتكلم عن عناصر الارض الموجودة في جسمه ، بس لو تأملت في الموضوع هتلاقي ان التطور موجود ، العقل بيتطور ، الاكل بيتطور ، الخلق بيتطور ، الافكار بتطور ، الحالات الشعوريه للانسان بتطور ، السلوكيات بتطور ، كل شئ حرفيا بيتطور . فليه تستبعد صحه نظرية داروين وتقنع نفسك انها بتتعارض مع الدين وهو ببساطة اتكلم عن شئ منطقي جدا الا وهو التطور ؟ وده موجود في صلب القرآن اصلا

وليه شايف ان نظرية داروين بتخالف الدين او بتاخدها حجه على الدين وهو اصلا التطور سمة من سمات الخلق ؟

ده حتى الكون في ابعاده بيتطور ، وبينمو وبيتوسع . كل شئ بيتطور ، بياخد وقته ، بس في النهايه بيتطور ، ازازه بلاستك بتحتاج حوالي 100 سنه علشان تتحلل “تطور” ، كل شئ في الدنيا بيتحول وبيتغير وبيتطور من هيئه لهيئه .

الموضوع مفيهوش ان الانسان اصله قرد ، ومينفعش تسألني ليه باقي القرود متطورتش لانك باني سؤالك على افتراض خاطئ .

وانا برضه مش ماسك الفكرة كامله ولكنها في النهايه خواطر وافكار .. تقدر تاخد بيها او تنساها ، بس على الاقل مترفضش وجود الاحتماليه ..

ويومكم اجمل من يومي

نهاد رجب


Source

مقالات مرتبطة

التغلب على التسويف والمماطلة … إدخل هنا تأتي...
views 215
التغلب على التسويف والمماطلة ... إدخل هنا تأتي إليكم من الموقع الرسمي نهاد رجب http://www.nihadragab.com/2015/11/22/%D8%A7%D9%84%D8%AA%D8%BA%D9%84%D8%...
نزلوا Quora البرنامج ده هيشغلكم ويثقفكم جدا وهيب...
views 138
نزلوا Quora البرنامج ده هيشغلكم ويثقفكم جدا وهيبقى باب لعالم اكبر من الفيسبوك Source
هتفرج لو سبتها تفرج .. اتخلقنا نعيش والكون يخدمنا....
views 3471
هتفرج لو سبتها تفرج .. اتخلقنا نعيش والكون يخدمنا. نسينا الحكمة واتعكست الآيه وبقى معظمنا عبيد لخدامنا. . سيب واتحرر وخلي اللي يحصل يحصل وصدقني هتفرج...
ميعادنا في ارقى قاعات التدريب بالجريك كامبس –...
views 26
ميعادنا في ارقى قاعات التدريب بالجريك كامبس - الجامعه الامريكيه - وسط البلد - القاهره . مع كورس ممارس التنويم الإيحائي للمدرب نهاد رجب باعتماد مؤسسة...
الغد (السبت 21/1/2017) ان شاء الله سأكون محاضر ض...
views 96
الغد (السبت 21/1/2017) ان شاء الله سأكون محاضر ضيف بمؤتمر أمهات مصر لمؤسسته الدكتور جيهان الشرقاوي بمحافظة المنوفية ، بحضور العديد من الشخصيات العام...
لو كل حاجة بتقع حواليك وبتخسر كل حاجة وفيه حاجة وا...
views 1030
لو كل حاجة بتقع حواليك وبتخسر كل حاجة وفيه حاجة واحدة تقدر تمسك فيها بإيدك وسنانك ، اختار تمسك في الفضول . الفضول والشغف انك تعرف وتنبهر ، لو ده ضاع م...
وآخر يوم في كورس ممارس التنويم الايحائي مبسوط بك...
views 83
وآخر يوم في كورس ممارس التنويم الايحائي مبسوط بكل لحظه كنت فيها مع الكبار ، جماعه الممارسين الجدد ، واتمنى لهم التوفيق وربنا يسعدهم ويطمن قلوبهم ويع...
غدا ان شالله محاضرة جماهيرية لأكثر من ١٠٠ مهندس وا...
views 65
غدا ان شالله محاضرة جماهيرية لأكثر من ١٠٠ مهندس واداري وفني بالشركة الوطنية للكهرباء بالمملكة الاردنية الهاشمية برعاية أكاديمية كوزميك توكلنا على ا...
لو عرفت ان فى منحة بـــ 200 جنية هتكون فى رمضان و...
views 156
لو عرفت ان فى منحة بـــ 200 جنية هتكون فى رمضان وفيها نهاد رجب ومحمد شاكر وابراهيم خطاب و محمد زكريا واحمد هانى واشرف عفيفي وعبد الرحمن المكى ...

About the author

nihadragab