“وربنا قال ايه؟”

عمرك كلمت ربنا ؟

اتعلمت الطريقه ديه من أم سمعتها بتقول لابنها عنده تقريبا 5 سنين او اقل ، بتقوله قولت لربنا امبارح انك رسمت رسمة حلوة .. فسألها بمنتهى البراءه “وربنا قال ايه؟”

جربت في نفس اليوم اصلي العشا وسجدت وبدل ما أدعي ، قولت اعمل كده .. احكيله .

“ربي انا النهارده حصل كذا وكذا شكرا ليك لاني دعيتلك ان ده يحصل وانت استجبت دعائي ، شكرا ليك والحمد لك ، اللي دعيتلك بيه حققتهولي”

“ربي فلان الفلاني اللي كان عيان خف وبقى احسن ، شكرا ليك والحمد لك اللهم انت الشافي ربي كما شفيته اشفي فلان الفلاني علشان اهله خايفين عليه ”

تاني يوم ، بصلي الصبح “ربي امبارح دعيتلك انك تشفي فلان ولاقيته بيتكلم عن انه بقى احسن ، شكرا لك والحمد لك ” وهكذا ..

في البدايه كنت بجرب لكن بعد كام مره اكتشفت ان فيه حاجه حلوة اوي بتحصل لما في يوم روحت البيت وجريت اتوضى بسرعه علشان اصلي صلاه كانت هتروح عليا ولاقيت نفسي بسجد بسرعه علشان احكي لربنا عن يومي .

بعد ما خلصت صلاه اكتشفت ان الموضوع ده شويه شويه بيتحول لعادة عندي ، انا عارف ان الكلام ده عجيب جدا بس والله بتحس مع الوقت انك مرتبط جدا بالله ، ولله المثل الأعلى بس فعلا بتحس انك مرتبط بيه وبتجري تلاقي وقت علشان تحكيله .

وحكيت لصديق ليا عن الموضوع قالي ان اللي بيحصل ده هو قمة الشكر والحمد ، من غير اي دعوة انت بتمتن وبتذكر الله وبتشكره وبتحمده على اللي حصل ، انت بتفكر نفسك بالله عز وجل وبنعمه عليك ، انت بترتبط بيه اكتر واكتر ، وفي النهايه تقدر تدعي دعوتك المطلوبة ..

مش بس كده .. انت كمان تقدر تحكيله عن مشكلتك خلال يومك ، وتدعيه ييسرلك امورك فيها ، انت بالطريقه ديه بتحول العلاقه بينك وبين ربك لعلاقه اكثر دمجا جواك ، بتحس بيها اوي و بترتبط بيها جدا وبيبقى صعب عليك انك تفقدها او تتخلى عنها في يوم من الايام ..

رسايل ربنا لينا كتير اوي ، كل ما تدركها كل ما تزيد وكل ما تزيد كل ما تحس بالوفره وتقرب منه جدا .. والعجيب انك هتلاقي وانت ساجد اجابه كل الاسئله اللي عندك . بس جربها .

لانك مع الوقت هيوصلك اجابه سؤال الطفل الصغير اللي سأل والدته “وربنا قال ايه؟” هتشوف الاجابه بتظهر وبتتجلى في حياتك وهتحبها جدا .

علموما لنفسهم ، علموها لأولادكم ..

ويومكم اجمل من يومي
نهاد رجب


Source

مقالات مرتبطة

من آعظم المعالجين اللي شوفتهم في حياتي ، دكتور اسم...
views 44
من آعظم المعالجين اللي شوفتهم في حياتي ، دكتور اسمه علاء مرسي .. حظي كان حلو اني حضرت معاه ، في سنه من السنين ، التنويم الإيحائي منهج البورد الامريك...
فيديو : أقوى فيديوهات التخشب التنويمي (ساخر) – من ...
views 203
فيديو : أقوى فيديوهات التخشب التنويمي (ساخر) – من برنامج عيشها بدماغك مع نهاد رجب انضم للصفحة وادعوا اصدقائك للاستفادة. الصفحة الرسمية للمدرب والمعالج...
صباح الخير اعتذر عن التاخير في الردود لارتباطي ب...
views 713
صباح الخير اعتذر عن التاخير في الردود لارتباطي بدورات تدريبيه وان شاء الله اعاود الرد على رسائلكم فور عودتي للقاهرة تحياتي اخوكم نهاد رجب Sour...
قطار ماشي وطريقين قصاده .. طريق منهم عليه 5 أشخاص ...
views 123
قطار ماشي وطريقين قصاده .. طريق منهم عليه 5 أشخاص والطريق التاني عليه شخص فقط .. ولسبب ما هما مش هيقدروا يجروا بس انت في ايدك انك توجه القطر انه يمشي ...
ادعي ربنا وانت مبسوط وانت مستكفي وانت راضي . الاس...
views 35
ادعي ربنا وانت مبسوط وانت مستكفي وانت راضي . الاستجابه بيبقى طعمها احلى ولما تخلص دعا لنفسك .. ادعي لغيرك وسلام وامان على قلوبكم Source...
النظرة اللي بتلقيها على هدفك بتفرق باصص ورافع عين...
views 44
النظرة اللي بتلقيها على هدفك بتفرق باصص ورافع عينك لفوق ولا باصص لبعيد قدامك ولا باصص ومنزل عينك عليه اتجاه العين بيفرق ومعناه انت بتتعامل مع هدفك ا...
رحم الله المتوفيين بحادثة نويبع .. ويثبتهم عند الس...
views 96
رحم الله المتوفيين بحادثة نويبع .. ويثبتهم عند السؤال ويثبت قلوب أهلهم .. دعواتكم لهم ولأهليهم اللهم ارزقنا الجنة وصلي وسلم على سيدنا محمد Source...
علشان تحافظ على اسطورتك قصاد كل خطوة ياخدها منافس...
views 51
علشان تحافظ على اسطورتك قصاد كل خطوة ياخدها منافس خد ١٠٠٠ خطوة وقصاد كل ميل خد الف ميل وأول ما تعرف انك سبقت خد تاني الف ميل وأول ما تحس انك عايز...
تم اختياري لتدريب التنويم بالإيحاء في أكبر مؤسسات ...
views 158
تم اختياري لتدريب التنويم بالإيحاء في أكبر مؤسسات التنمية البشرية في المملكة المغربية وقريبا في الشرق الأوسط SMS 23 اكتوبر الحالي 2016 لو عايز تعر...
اسأل نهاد لايف بعد 30 دقيقه من الآن على الصفحة .. ...
views 20
اسأل نهاد لايف بعد 30 دقيقه من الآن على الصفحة .. استعدوا :) Source

About the author

nihadragab