من فتره حكيت اني كنت في كورس بلغه مختلفه وكان الكورس طويل جدا في مدته لدرجه اني في وسط يوم من ايام الكورس ، هلوست لمدة ثواني وتخيلت ان المدرب الامريكاني بيتكلم عربي ! اتخضيت وفجأة رجع تاني الصوت بلغه تانيه .

بعد كده بدات ابحث عن الموضوع اكتر ، اكتشفت اني في مرة كنت بتفرج على قناة قديمه كانت بتيجي زمان اسمها MNET ، وكان عندي ساعتها يمكن 8 سنين تقريبا ، كانت حلقه من مسلسل كوميدي ، وكنت بتفرج عليه وبضحك . شافني والدي ساعتها وقالي انت بتضحك على ايه ؟ المسلسل مش مترجم !

للحظه خدت بالي ، ومفهمتش باقي الحلقه ..

لانه مش مترجم .. !

واكتشفت اني مع اني خدت كورسات وشوفت كورسات باللغه الانجليزيه وبلهجات مختلفه توصل لمئات الساعات من غير اي مشكله في الفهم ، بس اكتشفت اني مقدرش اشوف فيلم اجنبي مش مترجم ولو حاولت اني مبصش على الترجمة مبفهمش اي حاجه ..

شدني الموضوع اكتر علشان افهم ، عدم ادراكنا للغه هل بسبب عدم تعلمنا للغه ولا كل ده مجرد اعتقادات داخليه شخصيه ؟ وهل اللي عندي ده كان مجرد اعتقاد ولا حقيقه ..

غمضت عيني وتخيلت اني بتكلم مع شخص امريكي معين وهو احد مدربيني المباشرين ، ولاقيته جوا عقلي بيتكلم كويس جدا ولاقيتني جوا عقلي برد عليه ببطئ ومش عارف اكمل جمله واحده .. استغربت اكتر وبدات افهم اكتر واكتر ان فيه خدعه عقليه او “اعتقاد قديم” ليه علاقه بالمشكله ديه .

الموضوع بدا لما كنت في فرنسا وجاتلي حاله ، شخص عايز يتكلم فرنساوي كويس ، في البداية قولتله انا مش مدرس فرنساوي بس فكرت للحظه ووافقت علشان كنت عايز اجرب حاجه ..

كان قاعد سنين في فرنسا ، بيفهم كويس جدا لكن مشكلته انه مش عارف يتوظف في وظايف هو عايزها بسبب لكنته العربيه . وهنا جاتلي فكره بروتوكول جديد وطلبت منه يغمض عينه ومشيت على كل خطوات جلسه التنويم الايحائي المتكامله وفي النهايه طلبت منه انه يتكلم وهو مغمض عينه ، وقولتله تخيل محدد فيه بيتخيل شخص بيتكلم معاه ، الشخص ده فرنسي ، وطلبت من صاحبنا العربي انه يتخيل انه بيندمج جوا الشخص ده “ارتباط” ، في البداية كان الموضوع صعب جدا لانه مفهمش المجاز ، المهم في النهايه حصل الدمج فعلا ، وطلبت منه انه يتكلم بصوته وبطريقته وبوضعيه جسمه وبكل افكاره عن نفسه ومعانيه بالنسبه له ..

طبعا كل الكلام ده كان متسجل صوت على تليفونه بطلب منه ، وبدا المستفيد (صاحبنا) يتكلم وهو في حاله التنويم الإيحائي ، بالفرنسي في موضوع خاص بالكورة تقريبا .. حسيت ده لاني سمعت بعض المصطلحات الشبيهة بالانجليزيه ، المهم هو خلص من هنا وطلبت منه يسمع التسجيل مرة تانيه ..

سمع التسجيل وفتح عينه وانبهر ، اتكلم بالنسبه له بلباقه جدا و كل كلامه مستمر ومتماسك ومفهوم ، نطقه بيقول انه مفيهوش غلطه ، انا مكنتش اعرف المعلومات ديه كلها لاني اصلا معرفش فرنساوي (اعتقاد) .. المهم الجلسه خلصت وانبسط على كده ومسمعتش عنه تاني من ساعتها ويمكن الموضوع ده بقاله سنه ونص تقريبا . لحد ما جاتلي الرسالة الموجودة في البوست ده .. انبهرت جدا بالموضوع بالذات اني كنت لسه بجرب تأثيره بعد ما كنت نسيت القصه ديه اصلا ..

وده خلاني اتحمس جدا اني ابدا ادور اكتر واكتر واتعلم اللغه بشكل افضل ، يوم عن يوم بكتشف ان عقلك فيه اسرار عجيبه اكبر بكتير من اللي ممكن تقرا عنه في موسوعات ، فيه امكانيات حتى ملمسناش بدايتها .. واللي بيمنعنا اننا نفهمها او نحس بيها هو التفكير المسمى ب”الواقعي” واللي هو في اصله ما هو الا اعتقادات معيقه بتوقفنا اكتر واكتر تحت عنوان الواقعيه او المنطقيه او التخطيط والتفكير السليم ..

للاسف البوست طول مني ، بس كنت عايز اتكلم عن ريتشارد باندلر وقصته مع حاجه شبيهة لكده مع فريتز برلز وفرجينيا ساتير ، اعتبرني قولتها بقى 😀

علشان كده دايما بفكر ان التنويم الايحائي هو مغامره جديدة ، انا نفسي بتفاجئ ، عمري ما دخلت في التنويم من منطلق ان 1 + 1 = 2 ، لانك عمرك ما هتقدر تتوقع النتيجة !

ويومكم أجمل من يومي
نهاد رجب




Source

مقالات مرتبطة

اي تمرين وتدريب على اي مهارة لأي وقت بأي درجة من ا...
views 260
اي تمرين وتدريب على اي مهارة لأي وقت بأي درجة من الاهتمام بشكل مستمر هيوصلك في النهاية لاحترافها . #خطوات_بسيطة Source...
جلسة مجانية جديدة ! تقوية النظر | جلسة تنويم إيح...
views 222
جلسة مجانية جديدة ! تقوية النظر | جلسة تنويم إيحائي وتوكيدات لتقوية النظر وتحسينه | نهاد رجب https://www.youtube.com/watch?v=6zhUe090L28 يرجى الاست...
الحمد لله خبطنا سقف توقعاتنا في حجز كورس ممارس الت...
views 90
الحمد لله خبطنا سقف توقعاتنا في حجز كورس ممارس التنويم الإيحائي ، وقربنا نقفل الحجز قبل ميعاد الكورس بشهر (شكرا لثقتكم) .. وبناءا عليه أي حجوزات جديدة...
مينفعش نتعامل مع الدنيا على اساس انها فيلم عربي لي...
views 45
مينفعش نتعامل مع الدنيا على اساس انها فيلم عربي ليه نمط ونظام وبداية و plot و twist ونهاية سعيدة ! من فترة قريت جملة لفت الفيسبوك فيما معناها "لو ال...
لو استنيت الفرج يجيلك من بني آدم ماتجيش بعد كده ت...
views 49
لو استنيت الفرج يجيلك من بني آدم ماتجيش بعد كده تزعل وتقول "لِيه يارب " Source
ليه انا ؟
views 1059
  لما بقع في كارثة وأقول "ليه انا ياربي" ، "أشمعنى انا ياربي" بتتحول الحالة من الحزن للسعادة "ليه انا ياربي" معناها ان ربنا اختارني انا...
الان يمكنك تعلم التنويم بالإيحاء بأقوى منهج معتمد ...
views 167
الان يمكنك تعلم التنويم بالإيحاء بأقوى منهج معتمد في الشرق الأوسط ايام الخميس والجمعة والسبت من كل اسبوع بشهر نوفمبر القادم ولمدة 3 اسابيع 45 ساعة...
منذ ان وطئت قدمي أرض هذا البلد ولم أتوقف عن الانبه...
views 283
منذ ان وطئت قدمي أرض هذا البلد ولم أتوقف عن الانبهارللحظة ولن اخبرك اليوم عن عجائب باريس وأساطيرها المدوية في العالم ، ولكني سأخبرك أمرا إن فهمته وم...
Solar Energy for Mother Earth and Everyday Smiles
views 227
Paleo ethical Williamsburg Wes Anderson Vice biodiesel +1, asymmetrical mlkshk shabby chic tofu. Heirloom hoodie migas, fashion axe paleo Intelligents...
كل الناس بتتكلم عن اختيار شريك الحياة قبل الزواج ...
views 171
كل الناس بتتكلم عن اختيار شريك الحياة قبل الزواج انا هقولك يعني ايه تختار شريك حياتك بعد الزواج ! وازاي الست الذكية أو الراجل الذكي يقدر يخلي مراته ...

About the author

nihadragab