انا حظي حلو .. في 2006 كانت اول دوره تدريبيه كامله لدكتور ابراهيم الفقي وكانت بتضم المراحل الكامله للتنويم الإيحائي تحت مسمى شهادة “معالج بالتنويم الإيحائي”

كانت رابع مرة تتعمل في الشرق الأوسط والمرة الأولى في مصر ..

بسبب سعر الكورس ، معظم المتواجدين كانوا اصحاب شركات او مديرين او ناس جايين يقضوا وقت فراغهم ، ماعدا قليلين جدا منهم انا والجميل محمد عامر .

انا مكنش في بالي اني اجي اتفرج ، بانتهاء الدورة ، وبحصولي على الشهادة ، كان كل تفكيري في هعمل بيها ايه .. وانشغلت بموقع كنت بعمله ساعتها اسمه الشبكة العربية للتنمية البشرية وكانت محاوله مني اني اجمع كل مراكز التنميه البشريه في موقع واحد الناس تعرف من خلاله الكورسات الخاصه بالمجال في مصر والشرق الاوسط .

بجانب ده عملت موقع خاص بيا اسمه استلهمته من حلم حلمت بيه وديه قصه تانية ممكن احكيها بعدين ، الموقع اسمه www.nihadabout.com

وحطيت شويه بيانات وشويه مقالات عن التنويم ، وفي يوم جالي تليفون من راجل خد رقمي من الموقع واتصل بيا ولاقيته بيكلمني عن مشكلته وكان اول تليفون في حياتي يجيلي يخص شغلي .. انا اتكهربت ساعتها ، وكان عندي تقريبا 19 سنه وقولتله بمنتهى البراءه “بس انا يا استاذ فلان لسه صغير !” قالي انا بثق في الشباب الصغير وعارف ان التنويم الايحائي هيساعدني ..

مشكلته كانت قصه طويله كده وصلته انه يقعد في البيت بقاله 8 سنين ، عنده اكتئاب حاد ومريض جدا وحياته وقفت ! بسبب مشكله ما مكانها في كورسات التنويم .

المهم اتفقنا اني هروحله البيت وكان في شارع الهرم ، وروحتله فعلا وكان راجل عظيم جدا ، وطيب جدا ، وبدات اعمله معاه اول جلسه .. كانت جلسه عن حب الحياه او اي كلام ربنا فتح عليا بيه .. وكانت اول جلسه ديه شوفت فيها بعيني حاجات متتشفش في كورسات تدريب ويمكن تقعد سنين في مجال الجلسات بالتنويم ومتشوفهاش ، بنسميها abreaction .. وعياط ورعشه وخوف ، وكل ده وانا قاعد خايف جدا بس شئ جوايا مصر انه يكمل .. خلصت معاه الجلسه بتاعته .. وكلمني عن سعر الجلسه ، قولتله لا مش هينفع اخد من حضرتك فلوس .. الراجل اتصدم واصر اني اخد فلوس وانا كنت خايف جدا ومكسوف جدا اقوله رقم .. وهو اقترح عليا رقم ساعتها كان بيخض .. قالي 70 جنيه !! وافقت وانا والله مكنتش عارف المفروض اعمل بيهم ايه ..

تاني يوم اتصل بيا ومتحمس لجلسه تانيه لانه لقى فايده من الاولى .. انا انبسطت جدا وروحت المرة ديه اكثر شجاعه وعملتله الجلسه التانيه واتصل للتالته وروحت .. وانقطع لمده اسبوع تقريبا .. وقالي انا لأول مرة بعد 8 سنين بكلمك دلوقتي من برة البيت وبدأ يدعيلي وانا مبسوط جدا ..

مكنتش اعرف ازاي ده حصل ، بس وثقت في الاداه ، واتمسكت بيها اكتر ، كنت بعمل جلسات بيفشل اللي بيفشل وبينجح اللي بينجح ، بدات جلساتي بشكل رسمي ب 25 جنيه للجلسه الواحدة وكان ممكن تقعد ساعتين وكان ممكن اعمل 10 جلسات في اليوم حرفيا ادخل الساعه 10 الصبح واخرج الساعه 10 بالليل . وبعد كده زودت سعر الجلسه ل 50 جنيه .. وكان بالنسبه لي اعجاز علمي ..

انا معرفش الراجل الجميل ده فين دلوقتي في الحياه ، بس اللي انا عارفه انه على الاقل فاكرني وانا عمري ما هنساه .. هو كان البدايه ليا لتطوير منهج التنويم الإيحائي والف بيه 12 دوله ادربه بمنتهى الحماس كإني نهاد ابن ال 19 سنه اللي سمع راجل بيدعيله علشان غير حياته ..

ده اللي بيخليني متحمس لما اقولك انت كمان لازم تكون معانا ، احنا الكبار ، وهتفهم معنى الكلمة ديه بوجودك ، في كورس بطوره كل مره وبضيف الافضل وبلف العالم علشان اتعلم جديد واضيف ليه اخر المعلومات والتقنيات اللي هتسمعها لاول مرة في حياتك ويمكن علشان كده هتكتشف ان نص الحاجزين فيه حاصلين مسبقا على تدريبه في مدارس تانيه .. لحد ما بيخلص الكورس وبيكتشفوا انهم مكنوش عارفين حاجه ..

الرحلات المفاجئه بدون اي ترتيب بتكون هي الرحلات اللي حياتنا بتتغير فيها وقدرنا فيها بيتحول .. الرحله الجايه في اغسطس .. خليك معانا ..

https://goo.gl/ZqF1MR

نهاد رجب




Source

مقالات مرتبطة

حلمك يبقى معاك مهارة تقدر تساعد بيها نفسك والناس ؟...
views 816
حلمك يبقى معاك مهارة تقدر تساعد بيها نفسك والناس ؟ علم مش بس هتمارسه باحتراف انت هتحب نفسك لما تمتلك مفاتيحه وتقدر تشتغل ك Life Coach وتستخدم مهارة ...
باخد كورس اونلاين عن اللايف كوتشنج مع مدرب سكوتلان...
views 57
باخد كورس اونلاين عن اللايف كوتشنج مع مدرب سكوتلاندي ، بقالي ساعات ، وبدات اهلوس انه بيتكلم عربي بتحصلي كتير لما اكون باخد كورس بلغه تانيه او في بلد...
يمكنك نشرها ليعلم المشككون انه لا يوجد مستحيل :) ...
views 24
يمكنك نشرها ليعلم المشككون انه لا يوجد مستحيل :) شكرا لك :) للاستماع الى الجلسه المذكوره والتي تحدث عنها اخي الفاضل من هنا : https://www.youtube...
السرنديب والوعي والتدخل لتحقيق ما تريد لـ نهاد رجب...
views 9072
قد تكون قد سمعت مسبقا عن مصطلح "السرنديب" وهو مصطلح غريب بالنسبة للبعض ، فما الذي يعنيه كوننا نسير في طرق واتجاها تؤدي بنا في النهاية الى نتائج واحداث...
كل عام وأنتم بخير وفي صحة وحب وسعادة نهاد رجب | ...
views 170
كل عام وأنتم بخير وفي صحة وحب وسعادة نهاد رجب Source
إذا أحبك سيجد وقت لك #نهاد_رجب...
views 5255
الشخص اللى بيحبك هيعرف يلاقي وقت وعمر جديد علشان يعيشه معاك متصدقش في كلمة "كنت مشغول ومعرفتش اوصلك" الحب لوحده وعي ، لا يمكن فصله ، فلو انشغل وعيك ...
غدا ان شالله محاضرة جماهيرية لأكثر من ١٠٠ مهندس وا...
views 65
غدا ان شالله محاضرة جماهيرية لأكثر من ١٠٠ مهندس واداري وفني بالشركة الوطنية للكهرباء بالمملكة الاردنية الهاشمية برعاية أكاديمية كوزميك توكلنا على ا...
بستغرب الناس اللى متمسكة بالدنيا بتخاف اوي من الم...
views 1575
بستغرب الناس اللى متمسكة بالدنيا بتخاف اوي من الموت نسيوا انهم كانوا خايفين من الحياة ومتمسكين بالعدم في يوم من الايام ونسيوا ان الموت هو النهاي...
البدء في المشروع الأول في الوطن العربي لتعريب التن...
views 216
البدء في المشروع الأول في الوطن العربي لتعريب التنويم بالإيحاء على الانترنت الحمد لله بدأت مشروعي الخاص وقريب جدا كل المحتوى العربي للتنويم الإيحائي...
التخلص من الاحبال والمعوقات بالتحرر...
views 3946
  ربنا عز وجل بيديلك ثقتك بنفسك ، بيفهمك انك تقدر تفكر ، تقدر تعرف بنفسك ، تقدر تبص حواليك وتستنتج ، لانه مخلقكش عالة على حد ، خلقك من روحه ، مت...

About the author

nihadragab

1 Comment