من صغري كنت بحب اقلد الناس .. كنت بحب اشوف الناس اللي بتعمل حاجات مفيده او عجيبه بالنسبه لي واقلدهم ..

التقليد فطرة اتولدت معانا .. من اول ما بنتولد واحنا في عمليه غير منتهيه من التقليد .. يعني مثلا في تعلمنا للغه محدش فينا فتح كتاب وقرا فيه وحفظ كلمات علشان يقولها قدام الناس او يستخدمها في التواصل ..

قدرتنا على التقليد هي السبب الوحيد اللي خلانا نتكلم دلوقتي بالشكل الحالي . حتى في القرايه عقلنا بيلقط كلمات وبيبدا يضيفها لمخزون كلماتنا من غير اي تدخل واعي من خلالنا .

كتير لما بفكر في القدرة الذاتيه التلقائيه ديه ، بحس ان كل واحد فينا مخلوق بقدرات خارقه .. اهمها القدرة على التقليد ..

بدانا نقلد الاصوات بكلام غير مفهوم ، مجرد تحريك للشفايف ، شويه شويه بدانا نتلاعب بالصوت علشان نخرج اول كلمه .. الناس بدات تدينا احساس بنجاحنا فبدانا نكرر المهاره العجيبه ديه لحد ما اتكلمنا زيهم ..

لكن الموضوع مبيقفش لحد الكلام .. كنت بشوف مسلسل الباور رينجرز ، ويخلص المسلسل ، واقوم اتنطط واضرب الحيطه واحاول اقلدهم ، كنت بحاول اقلد اكتر حد واثق في نفسه في المدرسه ، عن طريق اني احاول اتكلم زيه او اتحرك زيه .. كنت حتى بحاول اقلد افكار الناس ، او مصطلحاتهم .. احساس الاحتياج الشديد اني انسخ شخصيه واطبقها عليا كان ملازمني وملازمك انت كمان بالمناسبه .

لحد ما كبرت شويه وركزت جدا على المهاره ديه وبقيت اخد خطواتي اوسع . ولما بدات اراقب نفسي اكتشفت ان تقليدي للناس مكنش على مستوى الكم (هما بيقولوا ايه) بس لاقيت نفسي بركز على (هما بيقولوا كده ازاي) او (هما بيتصرفوا كده ازاي)

تدرس البرمجه اللغويه العصبيه وتفهم النمذجه وتكتشف ان ده قريب جدا من اللي كنا بنعمله بالفطره .. تكتشف مثلا ان اتباع سنه انسان وتصرفاته ولبسه وشكله بيخليك توصل اسرع لفهم ايديلوجياته او معتقداته .

فكرة اننا ننفصل عن الاخرين ونقول اننا نقدر نكمل حياتنا من غير مانمشي على اثار خطوات حد تاني ، فكره عجيبه وخاطئة تماما من وجهه نظري .. فكرة اننا نبدأ من البدايه مستحيله .. محدش يقدر يبدأ على بياض . ويمكن ده اللي يأكدلنا ان سيدنا ادم هو البدايه ، وحتى لما اتخلق ربنا علمه “الاسماء كلها” ومن سيدنا ادم لحد اللحظه ديه احنا لسه لحد دلوقتي جوا جيناتنا مزروع برامج في التفكير والتصرف ليها علاقه بيه وبناس عاشوا من آلاف السنين .

فيه ابحاث تثبت اننا لحد دلوقتي بنتصرف زي راجل الكهف !
فيه ابحاث تثبت ان افكارنا هي عباره عن عمليه نسخ كبرى لناس تانيه

وفي القرآن ربنا عز وجل دايما بيتكلم عن ان الكفار ضلوا باتباعهم آبائهم والاولون .. مش مجرد الاباء فقط ولا حدد الاولون دول كام حقبة زمنيه ووجود الانبياء كان من وجهة نظري لارجاع الناس لتقليد الناس اللي على الطريق السليم .

حتى في التنويم الإيحائي دكتور ابراهيم الفقي كان اول مدرب يقولنا ان نقلد الصوت والاداء ، وشويه شويه هتكتشف ان بتقليدك ده انت بتتصل مع وعي اعلى بيربطك فكريا وشعوريا حتى بنفس الشخص اللي انت بتقلده وكإنك بتفكر بدماغه وبتتصرف بنفس طريقته .

محاولات الانفصال عن السنه والالتزام بتعاليم الكتاب – القرآن الكريم – عبث ، كل نبي او رسول كان جاي علشان الناس تقلد خطواته وتتبعه للوصول لله على طريقه .

ولإن طبيعي جدا انك من وقت للتاني تتوه عن الطريق ولإن عقلك مجهز انه يتبع القطيع هتلاقي نفسك بتروح لأقرب جماعه تمشي وراهم لاننا بنحب التقليد بالفطرة وايما بندور على آثار اقدام ..

وطالما ده شئ موجود في نظامنا العقلي (الافكار) والجسدي (الجينات) ، يبقى لازم نختار ناس نمشي وراهم ، بشجعكم على تقليدهم ، تقليد حركاتهم او انفعالاتهم او افكارهم او تصرفاتهم او حتى نبره صوتهم . بشجعكم لده لانه في النهايه كل مره هتقرا فيها سورة الفاتحه هتلاقي نفسك بتدعي بتقول “اهدنا الصراط المستقيم” ولو فكرت في اي صراط هتكتشف ان فيه اولون وسابقون وهتتبعهم للوصول.

نهاد رجب


Source

مقالات مرتبطة

ومما يدعوا للسعادة اني تم وضعي على أهم موقع خاص با...
views 81
ومما يدعوا للسعادة اني تم وضعي على أهم موقع خاص بالمقالات والأبحاث والسير الذاتية في العالم . وديه سابقة من نوعها خاصة بالتنويم الإيحائي وسعيد جدا بيه...
لقد تم اختيارك مقال لـ نهاد رجب...
views 2658
قال عنك الله أن كيدك عظيم وقال عن الشيطان أن كيده ضعيف   والله أعلم بمن خلق .   وقال الشيطان "وما كان لي عليكم من سلطان"   وقال الله، من خلق...
حسن الظن بالله – نهاد رجب
views 4537
  انه حسن الظن بالله عندما تظن بالله ظن حسنا ، يجيش الكون كل طاقته والتي خلقها الله عز وجل وتتجلى قدرة الله عز وجل في تسخير كل شىء من اجلك ، ...
مسلم سعيد – أصغر داعية اسلامي...
views 1476
  من كام سنه سمعت عن طفل صغير اسمه مسلم سعيد قالوا انه اصغر داعيه اسلامي في العالم وكان سنه حوالي 4 سنين في الوقت ده كنت في الأكاديمية واستغرب...
اختيار نهاد رجب لتدريب متخصصين الطب النفسي العرب ع...
views 428
تم اختيار المدرب والمعالج نهاد رجب ، لتدريب مراحل التنويم بالإيحاء المتقدمة لمتخصصين الطب والعلاج النفسي بـ فرنسا وسوف يتم عرض مجموعة من التقنيات ا...
Thank you Dr. Royle for accepting my invitation to...
views 60
Thank you Dr. Royle for accepting my invitation to train my trainees in Egypt Online , we loved you so much , and we really hope you'd accept more and...
سنة جديدة ؟ ماذا تعني ؟ لا أفهمك . نهاد رجب...
views 1915
خدعوك فقالوا السنة الجديدة   ويستمرون بخداعك كي تظن أن تستطيع البدء من الآن   ويطلبون منك أن ترسم الخطة   وحينما تنتهي من كتابه قائمة باحلامك...
عندما أمر الله آدم وحواء أن يهبطوا الى الأرض عقابا...
views 218
عندما أمر الله آدم وحواء أن يهبطوا الى الأرض عقابا لهم على أكلهم من الشجرة .. "فتلقى آدم من ربه كلمات" (أي أن الله أوحى لآدم بكلمات ليتوب الله عليه)...
اليقين #نهاد_رجب
views 3982
وبعد سفر ل ٨ دول وركوب طيارات حوالي ٤٠ مرة او أكتر وتدريب التنويم بالايحاء ، المنهج اللي آمنت بقوته لمئات في الشرق الأوسط والهند وتركيا طلعت على قن...
والغد ان شاء الله بداية اول يوم بكورس دبلوم التنوي...
views 30
والغد ان شاء الله بداية اول يوم بكورس دبلوم التنويم الايحائي بالمملكة الأردنية الهاشمية مع مركز البدر والذبذبات الكونية و Cosmic Academy مبسوط جدا لو...

About the author

nihadragab

1 Comment