التنويم الإيحائي هو Heightened state of awareness

يعني ايه ؟

تخيل ! يعني حاله عاليه جدا من الادراك !
ايه ده ! يعني مفيش نوم!
لا ! خليني اقولك ان حقيقه التنويم هو حاله عاليه جدا من الوعي ، بتكون مغمض عينك و بتكون في حاله ، الحاله ديه ملهاش اي علاقه بالنوم ..

وخليني اقولكم على حاجه .. لو حصل جوا جلسه التنويم transition او تحول بين التنويم للنوم ، ساعتها الشخص في البدايه مكنش في تنويم ! عارفين ليه ؟

لانك لو في تنويم ، مش هتعرف اصلا تنام !

ناس كتير بتبعتلي بتقولي انها نامت في الجلسه ! لا والاغرب ان بعض الناس لو نام يعتبر ان الجلسه نجحت .. وهنا خليني اقولكم حاجه بسيطه كلنا ممكن نفهمها ، لو حصل انك سمعت جلسه تنويم و (نمت) في النص ورجعت في نهايه الجلسه ، يبقى اللي حصلك حقيقته مش (نوم) ولكنه ظاهره طبيعيه اسمها (Amnesia) او نسيان مؤقت .. حاجه عامله زي ان وعيك يفصل للحظات او تسرح بعمق وفجأه ترجع تسمع صوت ممارس التنويم الإيحائي . .

عارفين الاسم اللي طلع بيه جيمس برايد من ملاحظته لمسمر وفرانكلين ايه ؟
Monoideaism !

يعني بالعربي “التركيز على فكرة واحدة” التركيز !! مش النوم !

جلسه التنويم الإيحائي بتكون اصلا علاقه تفاعليه ما بين كلام ممارس التنويم وما بين المستفيد ، فيها المستفيد بيركز في الاقتراحات وبيردد وبيتخيل وبيغير وبيطبق الاقتراحات وبيدي اشارات وبيرد بالصوت في بعض الاوقات ..

والاغرب من كل ده انك تلاقي حد بيقولك “هو التنويم بالايحاء بينيم؟” لا بالعكس التنويم الايحائي بيخليك تصحى في حاله ادراك اعلى من ادراكك الحالي ، بيخليك تشوف الاحتمالات اللي انت في العادي مش شايفها بسهوله ، بيخليك تشوف حلول ، بيخليك تشوف الواقع بطريقه مختلفه وبيخليك تقدر تعيد رسمه من اول وجديد .

طب لو نمت ؟
Amnesia
لو الجلسه خلصت وانت كملت نوم .. تبقى نمت .. لكن لو رجعت مع العد او قبل الاسترجاع تبقى كنت في حاله “نسيان مؤقت” وزي ما قولت ديه ظاهره طبيعيه جدا من ظواهر التنويم وبرضه التركيز فيها بيكون عالي جدا بس بمستويات مختلفه من الوعي .

اتمنى المقاله ديه ترد على بعض المفاهيم الخاطئه جدا جدا عن التنويم .. ببساطه جدا .. التنويم مفيهوش نوم 🙂

ويومكم اجمل من يومي

نهاد رجب


Source

مقالات مرتبطة

يمكن للتطور أن ينبت شجره #نهاد_رجب...
views 903
    يمكن للتطور أن ينبت شجره ولكن الله في ثمرها الحلو الذي جاء من بين ورق لا طعم فيه ولا فائده هل تستطيع ان تخبرني بكل نظرياتك كيف ل...
بستغرب الناس اللى متمسكة بالدنيا بتخاف اوي من الم...
views 1566
بستغرب الناس اللى متمسكة بالدنيا بتخاف اوي من الموت نسيوا انهم كانوا خايفين من الحياة ومتمسكين بالعدم في يوم من الايام ونسيوا ان الموت هو النهاي...
تعلم تغيير الماضي بسهولة | الأمر سهل – تعلم ...
views 9956
هل يمكنك أن تغير الماضي ؟ للاستماع الى المقالة صوتيا :  https://www.youtube.com/watch?v=kY9PpDiCfZg   قبل أن أجيب على هذا السؤال دعن...
منها تحسين البشرة والتخلص من حب الشباب تعرف على ...
views 55
منها تحسين البشرة والتخلص من حب الشباب تعرف على الفوائد العلميه للصيام الرمضاني ستحب الصيام في كل ايام السنة بمشاهدتك لهذا الفيديو :) https://ww...
ففروا اليه انه الأعلم بكم وهو الأقرب إليكم فمنه...
views 182
ففروا اليه انه الأعلم بكم وهو الأقرب إليكم فمنه واليه نَفر ومنه واليه المصير لا اله الا هو ربنا خلقنا ولَم يتركنا وأمر الملائكة ان تسجد لنا وك...
Test
views 157
Test Sent from my iPhone
Thank you Dr. Royle for accepting my invitation to...
views 60
Thank you Dr. Royle for accepting my invitation to train my trainees in Egypt Online , we loved you so much , and we really hope you'd accept more and...
‎Nihad Ragab نهاد رجب‎ updated their cover photo. ...
views 35
‎Nihad Ragab نهاد رجب‎ updated their cover photo. Source
سيعطيك الله حتى يعجز لسانك عن السؤال وسيطمئنك حتى...
views 3119
سيعطيك الله حتى يعجز لسانك عن السؤال وسيطمئنك حتى تشعر بقلبك يسبح بحمده وسيسعدك حتى يعجز عقلك عن الفهم كيف حدث ولماذا ومتى ! انه الله ، لا اله ال...

About the author

nihadragab

1 Comment