من آعظم المعالجين اللي شوفتهم في حياتي ، دكتور اسمه علاء مرسي ..

حظي كان حلو اني حضرت معاه ، في سنه من السنين ، التنويم الإيحائي منهج البورد الامريكي .

الراجل ده من الناس اللي ممكن يحلوا مشكلتك وهو بيشرب كوبايه النسكافيه بتاعته

في يوم من ايام الدوره التدريبيه ، بدأت متدربه متزوجه تقوله ان ابنها توفى ، وانها مش قادره تنسى الموقف ده .. ازاي تقدر تنساه بالتنويم الإيحائي

كان واضح عليها جدا انها متأثره وبتعيط وصوتها كان مهزوز

الراجل بمنتهى البساطه مسك كوبايه النسكافيه وسألها اكتر من سؤال

فاكر بعض الاسئله وناسي الباقيين ، وفي خلال لحظات كانت صاحبه السؤال بتضحك ومبسوطه

ده كان بالنسبه لي تقريبا تاني كورس تنويم إيحائي احضره ، بس في اللحظه ديه فكرت ان فيه حاجه ابعد من التنويم ، حاجه تانيه كانت مهم جدا تواجدها مع جلسات التنويم الإيحائي اللي بعملها ، حاولت اقلده كتير بس كنت كل مره مبوصلش لنفس النتيجه اللي هو وصلها وهو بيشرب كوبايه النسكافيه

لدرجه اني في مره من سنين جربت اعمل زيه وانا بشرب كوبايه النسكافيه 😀

ولما تعبت قولت يمكن بسبب انه خبير ودكتور نفسي واكثر علما ، بس كبرت اكتر واكتر وبرضه مفهمتش ايه بالظبط اللي هو عمله !

كنت بتكعبل من وقت للتاني في مجال اسمه لايف كوتشنج .. وهو عباره عن محادثه مبنيه على نوع محدد من الاسئله اللي ليها تأثير عجيب في دماغ المتلقي .. هي بتغير حالته ، بتخليه يستكشف افكاره والماتركس الخاص للحالات بتاعته ، ويفهم القيم والمبادئ بتاعته .. بس برضه مدخلتش في دماغي لاني كنت مركز اكتر على نوع محدد من التنويم الإيحائي

سافرت امريكا ، ولاحظت حاجه عجيبة جدا .. لاحظت اني بدرس تقنيات التنويم مدمج فيها اسأله وطريقه جديده معرفتهاش في كل كورسات التنويم الإيحائي اللي درستها قبل كده ..

بدات افهم ان مدرسه ال HAA بتدمج ما بين الكوتشنج والتنويم وبينتج عن ده بروتوكولات سحريه اكاد ان اجزم ان ليها تأثير السحر .. من ضمنها كتابه النصوص وبروتوكول الحكيم بالداخل وغيرها من البروتوكولات اللي بتعتمد على الكوتشنج والتنويم الإيحائي ..

يوم عن يوم كان بيزيد اهتمامي بالمجال والدمج ، بسأل متخصصين ، عايز افهم اكتر ، مش عايز اكون مجرد عابر سبيل على الكوتشنج ، انا عايز ادمجه اكتر ..

لحد في يوم كنت في مركز لايف ان بالانس ، بعمل جلسه تنويم ايحائي ، وكانت عميله طالبه جلسه ، وقاعد معاها وعرفت ان مشكلتها انها شافت منظر ما ، عقلها سجله كصدمه وكانت مستحيل تنساه او تتخلص من اعراضه الجانبيه .. فقولت اجرب .. طلبت من سيف (احد الموظفين بالمركز) اني محتاج نسكافيه ، وجابهولي ، لبست طاقيه دكتور علاء مرسي ، والمره ديه مستخدمتش علم او سنين خبره ، انا استخدمت اسئله اي حد ممكن يستخدمها حتى لو بقاله يومين في المجال . وفي لحظه واحده حصلت المعجزه ! ضاعفت التأثير بالتنويم الايحائي وحلينا الصدمه بتقنيه من تقنيات التنويم وكنت في قمه سعادتي

الدنيا كان رتمها سريع ، وانا رتمي اسرع من الدنيا ، مبحبش افكر او اخطط ، حبيت اني اضيف التكنيك ده بشكل متخصص جوا التنويم الإيحائي واتعلمه بشكل منفصل مش بس جزء من جلسه التنويم الإيحائي والعلاج .

سألت كل الناس ايه اقصر الطرق للتعلم ، واكتشفت ان اقصر الطرق للتعلم يكمن في نفس مضمون اللايف كوتشنج الا وهو الاسئله برضه ، لو بتعرف تسأل اسئله كويسه ، هتعرف اكبر المعلومات في وقت اقل .. وفي ثواني سجلت في كورس من كورسات العظيمه لبنى الشريف وبدات حكايتي معاه .

افكار كتير اوي ، تقنيات حلوه جدا ، معرفه جديده تم دمجها بفهم لكورس التنويم الايحائي ، اللي هفضل ادربه طول حياتي واطور فيه ، يمكن مش هدرب الكوتشنج لان استخدامه محصور في سياقات محدده ، لكن على الاقل هدربك على تقنيه النسكافيه .. وهتفرق معاك 🙂

اقرب كورس ليا في اغسطس الجاي ، هيكون غير عادي ، متحمس جدا لكل الناس اللي هنقلها المعرفه والتطبيقات بكل شغف وبحب ، متعرفش كام كوبايه نسكافيه ممكن تنقذ حياتك وحياه ناس غيرك ..

ويومكم اجمل من يومي
نهاد رجب


Source

مقالات مرتبطة

جيرالد ابستين ، مؤلف كتاب “التخيلات العلاجيه...
views 558
جيرالد ابستين ، مؤلف كتاب "التخيلات العلاجيه" وكان الكتاب ده بيضم اكتر من 70 تخيل لعلاج امراض محدده . الكتاب ده لف العالم وكان من آكتر الكتب مبيعا . ...
لكل الحبايب اللى سجلوا وجودهم في البث المباشر اللي...
views 149
لكل الحبايب اللى سجلوا وجودهم في البث المباشر الليلة .. ديه تفاصيل الوصول للبث .. بمنتهى البساطة الليلة الساعة 11 ليلا بتوقيت القاهرة (بعد 5 ساعات م...
Success Is a Choice – What Are You Going to ...
views 253
Mlkshk lo-fi banh mi bitters Kickstarter kitsch food truck selfies, semiotics banjo. Single-origin coffee +1 cliche 3 wolf moon Thundercats, kogi four...
لكل المتواجدين معانا بكورس مارس 2017 الحالي (فقط) ...
views 117
لكل المتواجدين معانا بكورس مارس 2017 الحالي (فقط) يرجى الاشتراك بجروب الدفعة من هنا : https://www.facebook.com/groups/1854671191466133/18546729381...
يمكن يكون شكله غريب أو افكاره مختلفة...
views 3418
يمكن يكون شكله غريب أو افكاره مختلفة بس ده مش معناه انك تهاجمه حاول تسمع لإن على مدار الحياة بالكامل اللى اتكتب اسمه في التاريخ كان مختلف ف...
Entrepreneurship ideas for young and ambitious peo...
views 245
Twee meditation meh readymade Intelligentsia vinyl. Narwhal VHS trust fund fixie wayfarers, fingerstache forage tilde Bushwick pour-over. Hashtag Bank...
غدا ان شاء الله ميعاد حلقتكم الأسبوعية مع برنامج ا...
views 175
غدا ان شاء الله ميعاد حلقتكم الأسبوعية مع برنامج اليوتيوب "وعلم آدم" الحلقة عن أسرار خاصه للنساء وكيفية التعامل معهم #وعلم_آدم هو برنامج اسبوعي...
الآلم #نهاد_رجب
views 776
    كتير بنتوجع وبنتألم من الوجع وبنتأوه ولما الوجع بيروح بنفضل نكمل تأوه مش علشان الألم بس علشان حاجات تانيه كتير لِسَّه بتألمنا وك...
دعواتي الخالصه لأهالي ضحايا الطائره المصريه المنكو...
views 173
دعواتي الخالصه لأهالي ضحايا الطائره المصريه المنكوبه القادمه من فرنسا الى القاهرة ، وأسأل الله جل وعلا أن يثبت ذوييهم ويغفر لهم ويطمئن قلوب الجميع . ...
ده عينه من البوستات اللي بتكون موجوده بالجروب الدو...
views 56
ده عينه من البوستات اللي بتكون موجوده بالجروب الدولي المخصص لمتدربيني من ممارسي التنويم الإيحائي المعتمدين من مؤسسيه المايندكير . بعد انتهاء الكورس...

About the author

nihadragab

1 Comment