بذاكر كورس عن الميتا بروجرامز ، او البرامج العليا الخاصه بالشخص واللي بتشغل عقله وبالتالي بتحدد سلوكه او تفضيلاته او غيرها .. وبمعرفتها بنقدر نتواصل احسن مع الشخص ونتنبأ باختياراته وتفضيلاته في موقف ما من المواقف .

ووقفت قصاد برنامج من ضمن البرامج هو برنامج اسمه “مصدر المعلومات”

ايه المصدر اللي انا لما بقابله بتأكد من صحه معلومه .. وفيه حوالي 5 مصادر ، بعضنا بيفضل مصدر عن التاني ، او نقدر نقول ان اغلبنا بيطلب ال 5 مصادر ولكن مع ترتيب اهميتهم بالنسبه له ..

الخمسه هم : النمذجه ، التصور ٫ العرض ، التجربه ، والابحاث

ببساطه ، لما تيجي تصدق معلومه ، هل بتصدقها من خلال اشخاص ؟ يعني لو قولتلك مثلا ان بيل جيتس قال كذا كذا (معلومه عن الثروه والفلوس) .. هل هتصدق لان بيل جيتس هو اللي قالها وانه بالنسبه لك اغنى شخص في العالم وبالتالي هتصدقه لانه باين عليه الفلوس ؟

ولا هتسمع المعلومه من هنا وهتبدا تتكلم عنها وتبحث وراها وتدور كويس وتسال نفسك عن صحتها ؟

ولا هتحب الاول انك تشوفها معروضه قدامك بطريقه ما علشان تصدقها ؟

ولا تحب تجرب المعلومه الاول علي نفسك قبل ما تصدقها ؟

ولا هتصدقها لو قولتلك ان العالم الفلاني في البحث العلاني وصل لاستنتاج ان كذا كذا ؟

لما بدات اقرا وابحث عن البرنامج ده اكتشفت اني وبلا تفكير روحت للجزء الاخير (الابحاث المبنيه على علماء) وبدات اكتشف خطأ عجيب كنت بعمله .. اني بفترض ان الناس كلها بتفكر كده زي او ان ده الصح وغير كده يبقى غلط

واكتشفت ان بعض الناس من المدربين او ناقلي المعرفه بيعتمدوا على نفسهم في النقل ، يعني ممكن يقول قصه شخصيه ومنها يطلعلك معلومه فتصدقها بسبب انه طبقها على نفسه ..

وفيه ناس بتحب الاول انها تشوفك بتعمل عرض قدامهم للمعلومه بتاعتك على شخص ما علشان يصدقوا وبالتالي مش هيفرق معاهم اوي ابحاث علميه او غيره .

كنت قاعد مع صديقي المدرب ابراهيم خطاب وزوجته نادره فهمي ، وبنتكلم عن كورس ممارس التنويم وكانت حضرته نادره وانضمت فيما بعد لجروب المدربين المساعدين للكورس ، فبنتكلم عن اسلوب التدريب فلاقيت نادره بتقول انها عجبها انها تشوف المدرب بيطبق تقنيه من تقنيات التنويم الايحائي على شخص ما (برنامج العرض) لانها بالمشاهده بتتعلم اكتر من انها تطبق علي الناس . وفي نفس الوقت لاقيت ان ابراهيم خطاب قال ان الافضل ان المتدرب يطبق اكتر من انه يشوف ، وانا بصراحه كنت مع برنامج ابراهيم خطاب لان ده نفس التفضيل بتاعي . وهي ديه الطريقه اللي اتعلمت بيها .

ولكن لما بدات اطبق طريقه التعلم المبنيه على البرنامج الخاص بنادره فهمي ، اكتشفت انه بيجيب نتيجه مع ناس كتير وبيفضلوه فعلا ، فبدات اعمل الاسلوبين ، وهما اني اطبق الاول التقنيه على شخص ، ثم اخلي المتدربين يطبقوا على نفسهم .. وبعد كده ضفت طريقه تالته الا وهي القصه الشخصيه (النمذجه) او ببساطه كنت بحكي عن تطبيقي انا للتقنيه ديه على نفسي وازاي فادتني في البدايه قبل ما استخدم الطريقه الرابعه اللي فيها بتكلم عن الابحاث العلميه اللي بتثبت صحه التقنيه .. فلاقيت مثلا ان اغلب التقنيات اللي بدربها بقيت اعمل فيها الاتي :

اتكلم عنها وعن الابحاث اللي بتدعمها
استخدامي الشخصي ليها وتأثيرها عليا
تطبيق عملي على احد المتدبين
تقسيم الناس لمجموعات وكل مجموعه معاها كوتش بيساعدهم يطبقوا التقنيه على نفسهم بشكل سليم
وفي النهايه بطلب من الناس انها تعمل مذاكره خارجيه بعد انتهاء اليوم التدريبي ويدوروا اكتر عن التقنيه نفسها ..

كنت باخد كورس مع كين رامزي ، مدرب ايرلندي وصدمني لما قال انك متفرضش على الشخص طريقه محدده للتعلم ولكن بتستخدم كل الطرق المناسبه ليك وغير المناسبه علشان توصله المعلومه .. لكن بعد ما تفهم البرنامج العالي ده ، هيسهل عليك جدا انك تفهم الشخص اللي قدامك هيفضل انهي برنامج علشان يصدق ويقتنع ..

والموضوع بسيط .. سؤال واحد يمكن ممكن يديلك فكره .. “ايه مصدر المعلومات اللي بتثق فيها؟” وهتفهم من الرد انهي برنامج هو بيفضله وبعد كده هتصيغ رسالتك بالطريقه المناسبه ليه .. هل هتوريله فيديو ولا هتخليه يجرب بنفسه التأثير ،.. الخ

جيت بعد كده بقرا عن مصادر التشريع في الاسلام لاقيتهم 4 اساسين و5 عليهم اختلاف .. الاساسيين هما “القرآن .. السنه … القياس .. اجماع العلماء” لو دورت هتلاقي ليهم علاقه قويه جدا بالبرنامج العالي الخاص ب “مصدر المعلومات” وحتى ال 5 اللي عليهم اختلاف فيه منهم هتلاقيه من ضمن البرنامج العالي ..

طيب انا عايز منك بعد ما تقرا المقاله الطويله العريضه ديه تسأل نفسك انت انهي برنامج فيهم ، او ايه الطريقه اللي بتفضلها كمصدر لمعلوماتك وشاركنا .. ولو فهمت البرنامج ده كويس طريقتك في التواصل هتتغير للاحسن بشكل مش هتتخيله ..

ويومكم أجمل من يومي
نهاد رجب


Source

مقالات مرتبطة

لبنان. ميونخ. فرنسا. الهند. تونس. المغرب. تركيا. ق...
views 167
لبنان. ميونخ. فرنسا. الهند. تونس. المغرب. تركيا. قطر. الامارات. مصر والقائمة ممتدة كانوا حلم في عقل طفل كان يقدر يشوف المستقبل بس مكنش عارف اترك لعق...
الأرض هي بويضة عملاقة في رحم عظيم .. نهاد رجب...
views 1184
  الأرض هي بويضة عملاقة في رحم عظيم ، فيه ناس بتسارع علشان تعيش فوقيها وفيه ناس بتسبقنا وتدخل تدفن جواها ، بنتسارع على مكان واسع نعيش عليه ، وبن...
ماذا ؟ تحقيق هدفك متى ؟ الآن ! كيف ؟ بأي طريقة ...
views 224
ماذا ؟ تحقيق هدفك متى ؟ الآن ! كيف ؟ بأي طريقة أين ؟ هنا وفي كل مكان والظروف ؟ فكر في حلول اخرى والمشاكل ؟ حلها والأخطاء ؟ صلحها والناس ؟ لا تهت...
كورس ممارس التنويم الإيحائي ، المنهج اللى بمنتهى ا...
views 93
كورس ممارس التنويم الإيحائي ، المنهج اللى بمنتهى الثقة أقدر أقول إنه أقوى مناهج التنويم الإيحائي في مصر والشرق الأوسط . لأكتر من سبب أهمهم : - المان...
اي تمرين وتدريب على اي مهارة لأي وقت بأي درجة من ا...
views 244
اي تمرين وتدريب على اي مهارة لأي وقت بأي درجة من الاهتمام بشكل مستمر هيوصلك في النهاية لاحترافها . #خطوات_بسيطة Source...
عقلك قوي بيك … عقلك الباطن من ضمن الخصائص ...
views 1198
عقلك قوي بيك ... عقلك الباطن من ضمن الخصائص الخاصة بيك انه المطبخ اللى بيطلع النتايج اللى بتحصل عليها ، انت بتديله المقادير وهو بيبدأ يطبخ .. ولحد ه...
إحجز مكانك الآن بكورس ممارس التنويم الإيحائي ال...
views 16
إحجز مكانك الآن بكورس ممارس التنويم الإيحائي https://goo.gl/ZqF1MR الآن يمكنك الاشتراك والحصول على أقوى مناهج التنويم الإيحائي بالشرق الأوسط لتتمكن ...
وعيك بيتحكم بالنتايج اللي بتحصل عليها ادراكك للحي...
views 38
وعيك بيتحكم بالنتايج اللي بتحصل عليها ادراكك للحياة وللظروف وحالتك النفسيه في التعامل مع الاحداث بيوصلك في النهاية لكل موقف بيحصلك مهما كان الشئ ال...
its fun how you find out that under some circumsta...
views 180
its fun how you find out that under some circumstances you discover some abilities in you which you were never aware of . Stress is the key to every l...
بجهز لكورس التنويم الايحائي الجديد (مارس ٢٠١٧) أح...
views 208
بجهز لكورس التنويم الايحائي الجديد (مارس ٢٠١٧) أحب اقولكم وداعا لل showmanship ووداعا للتنمية البشرية ❤️ الكورس الجديد نظامه غير اي كورس تعرفه عن ال...

About the author

nihadragab