وانت في حاله الجوع 90٪ من احتياجاتك بتكون وهميه

اي حالة ذهنيه معدله بتأثر على برامجك العليا اللي بتكون توجهاتك وتفضيلاتك

مينفعش تشتري وانت جعان
مينفعش تاخد قرار وانت مبسوط او غضبان او خايف

بيتم استغلال الفكرة ديه من اول سواقين التاكسي لحد اعلانات المؤسسات الكبرى على التلفزيون . هو بيختار وقت تكون فيه جعان وعطشان جدا فيجيبلك اعلان لكوكاكولا مثلا ، لانك ساعتها ومن فرط حماستك بسبب جوعك ، هتشتري اضعاف استهلاكك العادي لان عقلك مش مدرك ان العطش هو حاله مؤقته وهتختفي مع اول كوبايه ميه هتشربها ، وبالتالي (الحاله ديه) بتوجه سلوكك وبتغيره وتعدله لحد ما تفوق .. هتفوق امتى ؟ لما تشرب او لما تاكل تاني .. ساعتها هتندم على كل الكميات اللي انت اشتريتها ديه

بس هل ده معناه انك هتتوقف ؟

لا ! تاني يوم ومع صوت ادان الفجر وعقلك يعرف انك مش هتاكل ، ساعتها بتحفز الكريتكال فاكتور (العنصر الناقد) ، بتتغير البرامج العليا بتاعتك وتفضيلاتك ، بتتغير مجموعه معتقداتك وافكارك الداخليه ، بيتحول سلوكك ..

الجوع في حد ذاته وهم ، العطش وهم ، وهم اتحقق بسبب الامتناع .. هتعرف انك مؤمن بجد لو انت وسط النهار محستش لا بعطش ولا بجوع .. وده معناه ان حاله الصيام – وانا بسمي الصيام حاله متعمدا – الحاله ديه بتصبح عندك في الوقت ده لا تأثير سلبي لها وساعتها هتلاقي نفسك بتركز مع الروحانيات والطاقه والكون .

– طب معلش ايه علاقه ده بسواقين التاكسي ؟
– مش كل سواقين التاكسي ، ولكن في اوقات الزحمه وانت مش لاقي حاجه تركبها هتلاقي سواق تاكسي جميل لطيف مبتسم بيقولك هوصلك وهاخد 50 جنيه ومش هشغل العداد ، وهو المشوار مش هياخد اكتر 10 ! بس انت هتوافق و واراهنك ان لو الضغط اعلي ، هتشكره كمان وتحبه . لحد ما تفوق برضه وتلعنه

طب نعمل ايه ؟

اصحى وواجه الجوع : كل مره تحس فيها بجوع او عطش تنح مع جسمك واتبارد ، المس بطنك وابتسم وقولها متمثليش
متحاولش تشوف اعلانات وانت صايم
على فريم اكبر ، لو انت دخلت في حاله وافورت ، ابعد نفسك لحد ما ترجع لعقلك تاني وساعتها واجه الناس واسمع اقتراحاتهم لانك لو معملتش كده هيبقى سهل توجيهك

وده كان اسمه ايه ؟
#تنويمـضمني

يومكم جميل
نهاد رجب


Source

مقالات مرتبطة

تم اكتمال العدد بكورس “ممارس التنويم بالإيحا...
views 192
تم اكتمال العدد بكورس "ممارس التنويم بالإيحاء" | نوفمبر | القاهرة الكورس الأشهر في مصر والشرق الاوسط وتم تدريبه في 11 دولة حول العالم .. يحصل المت...
اجمل حاجة في الاعلان دة انه بيبدأ ب”انت مش ا...
views 131
اجمل حاجة في الاعلان دة انه بيبدأ ب"انت مش انت" وبينتهي ب "انت جعان " الجملة الأولي النفي المستخدم فيها نفي ماقبله وما بعده والجملة اللي بتبدأ ب "ان...
Nihad Ragab 6 mins · كل ماتكبر حبة حبة هتلاقي ان ...
views 249
Nihad Ragab 6 mins · كل ماتكبر حبة حبة هتلاقي ان الحرب اللي انت بجد هتنتصر فيها هي الحرب اللى انت محاربتش فيها حروب معافرتش مع حد ولا اتحديت حد بسب...
الناس فاكرة ان التنويم الإيحائي يقتصر على “غ...
views 388
الناس فاكرة ان التنويم الإيحائي يقتصر على "غمض عينك" ... "استرخي بعمق" وده فعلا ليه طرقه وتقنياته ، بس تعاملي مع التنويم الإيحائي عمره ما كان كده . ...
لما تدعي ربنا متحطش في دماغك الاستجابة ربنا استجا...
views 3785
لما تدعي ربنا متحطش في دماغك الاستجابة ربنا استجابلك لحظة ما اوحى اليك بالدعاء الدعاء هو الاداة اللى بنستخدمها علشان ندعي ربنا بقوة فنرتاح ، يمكن ال...
انهي اختيار هيحسسك بالندم اكتر لو معاك عربية : (...
views 131
انهي اختيار هيحسسك بالندم اكتر لو معاك عربية : (١) تروح مشوار من طريق انت متعود عليه وتكتشف انه زحمة وتفتكر ان كان فيه طريق تاني كان ممكن تروح منه ...
لإن كل بنت هي نص الكون لازم تشوفي نفسك جميلة انت...
views 327
لإن كل بنت هي نص الكون لازم تشوفي نفسك جميلة انتي بعينك تقدري تسحري الناس في اللحظة اللى هتقرري فيها تشوفي نفسك الأجمل جلسة توكيدات تنويم إيحائي جد...
” ابدأ بالسؤال الاسهل ” ساعات بحس ان ...
views 46
" ابدأ بالسؤال الاسهل " ساعات بحس ان الدنيا لما بتتعقد ، كل حاجه بتتعقد ولما بييجي الفرج بييجي بوفره تنسيك اي عقده قديمة من فتره مريت بظروف صعبه و...
خبر سار جدا :) ان شالله خلال ايام اتوجه الى الم...
views 31
خبر سار جدا :) ان شالله خلال ايام اتوجه الى المملكه لأول مرة #السعودية Source
كورس ممارس التنويم الإيحائي لـ نهاد رجب تقريبا 90...
views 313
كورس ممارس التنويم الإيحائي لـ نهاد رجب تقريبا 90% من البيوت المصرية كانت هتشتري بيت في مدينة نصر او التجمع الخامس او المعادي او 6 اكتوبر او الشيخ زا...

About the author

nihadragab