– كل الرجالة غدارين
– ايه اللي حصل ؟
– كل ما ارتبط بحد لازم يختفي فجأه بدون مقدمات
– ايه النمط اللي بتعمليه كل ما ترتبطي ؟
– يعني ايه ؟
– يعني بتتعاملي معاه ازاي ؟
– انا بديله كل اهتمامي ، بنعزل عن العالم علشان ابقى معاه ، بسمع كلامه ، بعمل كل حاجه هو طلبها او مطلبهاش ، مبغلطش في حقه ، علشان تعرف بس اني مش غلطانه في حاجه
– مممم
– ايه ؟
– طيب وبتقوليله ايه ؟
– بقوله اني اتخلقت علشانه ، يانهاد حرفيا بلغي نفسي علشانه . انا بديله اهتمام مفيش واحدة ممكن تقدر تديه لحبيبها
– بتشجعيه ؟
– طبعا ! بقوله انه حياتي كلها وانه سندي وبعتمد عليه في كل حاجة
– اها
– كل مرة بيحصل كده ؟
– ايوه ماعدا اخر مرة .. خوفت اديله مشاعري كلها ، وطلع في الاخر برضه زيهم ، سابني
– عملتيله ايه ؟
– ولا اي حاجة ، انا تقلت عليه ، مكنتش بديله اهتمام ، كنت ساعات بقوله كلام جارح ولما وافقت وقربت منه كان هرب هو كمان

ديه شبه محادثة بتتكرر بنفس الكلام او في مواضيع تانية ، فيها الناس بيبدأوا يرموا اللوم على الناس ، ومن خلال اسئلتك بتكتشف انهم هم السبب في تصرفات وردود افعال الناس معاهم !

في قصة البنت ديه ، كانت بتعمل الاخطاء التلاته مع الراجل ، تحميله بالمسئولية – الاهتمام الزائد – والغاء الشخصية . هي كانت بتعمل كده بنيه حسنه ولما اكتشفت ان كلهم هربوا وخرجوا برة حياتهم اتخلق عندها اعتقاد ان كلهم زي بعض ، وساعتها خلقت سد علي قلبها علشان متتجرحش تاني وهنا عملت تصرفات مع واحد كان ممكن يكون حقيقي ووجهته انه يهرب هو كمان من خلال تصرفاتها اللي مكنتش واخده بالها منها .

القصة ديه مكرره كتير جدا ، يمكن نموذج النتيجة بيوضح ازاي احنا بنخلق النتيجة وبنوجه الناس بشكل لاواعي وان الناس ماهم الا ردود افعال لتصرفاتنا معاهم ، وفي النهايه بنكتشف (نظام الافلام الانجليزي) ان القاتل هيطلع في النهايه اقرب الناس اللي مكناش شاكين فيه !

انت السبب ، او على الاقل جزء من السبب ، راقب تصرفاتك لان يمكن نفس الانماط السلوكية اللي بتمارسها بدافع الحب يمكن تكون هي هي سبب كل المشاكل اللي بتحصلك . كل ده في النهايه بيخلق عندك اعتقادات بتنتهي بينا اننا ننفذها دون وعي او شعور

ولا ايه ؟

ويومكم اجمل من يومي
نهاد رجب


Source

مقالات مرتبطة

حاجات بنختارها في حياتنا بتكون الافضل لينا لسنين ق...
views 313
حاجات بنختارها في حياتنا بتكون الافضل لينا لسنين قدام .. لو تعبنا النهاردة فيها بكرة هنكتشف انها اجمل هدية قدمناها لنفسنا .. هدية مبتخلصش ومكملة معانا...
هل تحمست يوما للوصول الى هدف ما ووجدت ان هناك العد...
views 29
هل تحمست يوما للوصول الى هدف ما ووجدت ان هناك العديد من الاصوات الداخليه التي تمنعك وتحبطك وتوقفك عن الوصول إلي هدفك ؟ في كورس ممارس التنويم الإيحائ...
views 99
من الإحساس بالتعاطف وحتى القدرة على لمس المجاز #اقرأ: http://bit.ly/2k63CU6#على_فكرة سبعة أشياء تفعلها القراءة بالدماغ (مقال سمعي) http://bit.ly/2k63...
هل انت داعش؟
views 1207
    داعش من خلال رؤيتي للموقف اكتشفت الاتي : داعش مش مخيفه علشان بتقتل الناس ، داعش مخيفة علشان مجموعه الناس ديه كانت بالشجاعه انها ...
محدش فينا عارف اجابة سؤال “انت مين؟” ...
views 160
محدش فينا عارف اجابة سؤال "انت مين؟" وبالتالي أسهل حاجة نصدقها هو وصف الناس لينا .. لإننا مش عارفين هو صح ولا غلط .. احنا معندناش اجابة صريحة واضحة ...
اللهم إني أسألك بكل إسم سميت به نفسك أو أنزلته في ...
views 752
اللهم إني أسألك بكل إسم سميت به نفسك أو أنزلته في كتابك أن تغفر لنا ذنوبنا وتطمئن قلوبنا اللهم انك أنت الرزاق لا رزاق غيرك ، لا تبديل لكلماتك وخلقتنا...
لو كل حاجة بتقع حواليك وبتخسر كل حاجة وفيه حاجة وا...
views 1019
لو كل حاجة بتقع حواليك وبتخسر كل حاجة وفيه حاجة واحدة تقدر تمسك فيها بإيدك وسنانك ، اختار تمسك في الفضول . الفضول والشغف انك تعرف وتنبهر ، لو ده ضاع م...
مع الجميل تيم سيمرمان سييرا ، ال protoge لجيل بوين...
views 216
مع الجميل تيم سيمرمان سييرا ، ال protoge لجيل بوين . مدير المؤسسة الأمريكية للتنويم الإيحائي ، أكبر مؤسسات التنويم بالإيحاء في أمريكا والوحيدة المعتم...
التدريب اللاواعي مقالة ل نهاد رجب...
views 1021
  لو المدرب قدر يخليك زيه في مهارته ، ده مش معناه دايما ان المدرب ناجح ، ده غالبا معناه ان المدرب مبيجددش ، فاللي عارفه بيصبه في دماغك اما لو...
غدا ان شاء الله ميعاد حلقتكم الأسبوعية مع برنامج ا...
views 155
غدا ان شاء الله ميعاد حلقتكم الأسبوعية مع برنامج اليوتيوب "وعلم آدم" الحلقة عن أسرار خاصه للنساء وكيفية التعامل معهم #وعلم_آدم هو برنامج اسبوعي...

About the author

nihadragab