مينفعش نتعامل مع الدنيا على اساس انها فيلم عربي ليه نمط ونظام وبداية و plot و twist ونهاية سعيدة !

من فترة قريت جملة لفت الفيسبوك فيما معناها “لو الاب والام تعساء متخلفوش لان العالم مش ناقص تلوث” !!

جملة في منتهى العنصرية والتعميم والتطاول مشبعة وموجهة من قبل التفكير النمطي الانساني المبني على منطق محدود بيلغي الاحتمالات الموجودة في الدنيا وفيها تدخل وتقييم وحكم غير سوي !

الدنيا متعددة الاحتمالات ، الدنيا منظمة نظام باين بالنسبة لمحدودي التفكير “الانسان” انها عشوائية لكنا في عمقها منتهى النظام والحكمة .

انا بتعامل كل يوم في جلسات واستشارات تطويرية ، وبتكتشف ان ممكن العلاقة بين الاب والام تبقى زي الفل والشخص طالع عنده مشكلة نفسية ! والعكس صحيح .

دكتور شزيف ، الجراح ومؤلف كتاب أنا تتحدث عن نفسها ، ايكهارت تول ، واغلب الباحثين في الكونيات والمفكرين متفقين على ان العشوائية هي نظام مفهوم ومدروس ، والمثال على ذلك انك في غابة وشايف كل الاشجار متشابكة ومتقاطعة فتفرض فوضوية الغابة لحد ما تشوف الغابة من فوق او من مكان عالي علشان تشوف ازاي الفوضى كونت نظام وتسبح باسم الله ربك ورب النظام .

الدنيا احتمالات متعددة ولو سألت أي حد ناجح او غني او او ايه اللي وصلك للي انت فيه هيبدأ يحاول يمنطق اللي وصله ، لكن في قرارة نفسه هو نفسه عارف انه مش عارف ! مفيش علاقة ما بين اللي كان فيه زمان والفقر المدقع ووجوده دلوقتي ووضعه المالي !

في الوقت اللي بنتخيل فيها ان الدنيا ماشية بنظام محدد ، بنكتشف خطأنا ، الدنيا ماشية بعدل بيسمح بتواجد الموت والقتل والدمار والخراب علشان يبقى فيه العكس . والنظام اللي انت شايفه فوضوي هو اللي بيحقق التوازن في الحياه اللي بيحصل بعد كده واللي بيحافظ عليها ماشية !

الدنيا والآخرة مش منفصلين عن بعض زي ما فهمونا . الاتنين مكملين ومرتبطين باختلاف اشكال الحياه هنا وهناك بس الاتنين مرتبطين بقوانين محدده الهية مش هنفهمها ولو بعد مليون سنة لاننا ببساطة منقدرش نمنع التفكير المنطقي المحدود عن التدخل في الفهم والادراك .

لو انا متخيل ان الدنيا هي عباره وتتلخص في ان 1 + 1 = 2 .. مستحيل ادعي ربنا لاني عارف ان مفيش مفر ، لكن انا بدعي ربنا براحه وبحب لاني عارف ان ربنا عز وجل (رب النظام) يقدر يعيد تنظيم اللي محتاجينه علشان يوفقني في هدفي حتى لو كان غير منطقي بالنسبة لمواردي وقدراتي .

لو هنستخدم المنطق كان زماننا اتحكم علينا بالفناء من سنين .. ربنا عز وجل قال لأم سيدنا موسى حطيه في تابوت وارميه في البحر علشان ياخده عدو له ! بمنطقك كان زمان سيدنا موسى مات في التابوت قبل اي حاجه ، قبل حتى ما يوصل لفرعون . بس الحكمة الربانية والتدخل الالهي بيثبتلك ان مهما حاولت انك تتوقع هتفشل مهما حاولت ..

المستقبل بيتغير كل ثانية ، الحاضر وهم والماضي مش موجود . فمحاولة بوتقة وتنميط الدنيا شئ غير منطقي او عقلاني .

كلنا عارفين قصه الولدين الأخين اللي كانوا ولاد تاجر مخدرات ، لما ابوهم مات واحد منهم قرر انه يكمل زي ابوه والتاني قرر انه يبقى ظابط شرطه ولما الاتنين اتسألوا جاوبوا نفس الاجابة .. “مستني ايه من واحد كان ابوه تاجر مخدرات” ! قراراتك هي اللي بتحدد موجة الاحداث ، مش هنكر ان التربية ليها دور لكن الحكم على الحياة الكاملة لانسان انه هيبقى كذا او كذا بناءا على معطيات سخيفه بتحاول تقنعنا ان الاب والام والعلاقه بينهم عمرها ما هتتغير ، كل ده غير سليم وتطاول .

ثق في ربك . ثق في نظامه حتى لو مفهمتوش . هو موجود وبيحصل ومتقدرش تمنعه .

ويومكم أجمل من يومي

نهاد رجب




Source

مقالات مرتبطة

أيام وينتهى الاسبوع التالت من كورس “ممارس ال...
views 198
أيام وينتهى الاسبوع التالت من كورس "ممارس التنويم الإيحائي" وتكون آخر دفعة في مصر لسنة 2016 استمتعت جدا مع الجروب ده ! جروب من مختلف الثقافات في الش...
قصيدة ابويا واحشني جدا !
views 2409
  حلوة أوي انا ابويا واحشني جداً محتاج رأيه ف حاجات أهمل ف سؤاله عني وماجاش من يوم مامات نضارته وساعته لسه ع الرف مكان ماسابهم وهدومه...
– انا خايف اخد خطوة افشل – وانت دلوقت...
views 102
- انا خايف اخد خطوة افشل - وانت دلوقتي ناجح ولا فاشل ؟ Source
“My will shall shape the future. Whether I fail or...
views 41
“My will shall shape the future. Whether I fail or succeed shall be no man's doing but my own. I am the force; I can clear any obstacle before me or I...
سبحان الله الوقت بيمر آسرع لما منحسبلوش والفرص ب...
views 184
سبحان الله الوقت بيمر آسرع لما منحسبلوش والفرص بتزيد لما بنصبر والمشاكل بتختفي لما بننساها والشخصيه بتتغير لما بنبطل سعي ورا التغيير وبننجح لما بن...
دخلت بالصدفة على صفحة ال activities ولاحظت حاجة ع...
views 157
دخلت بالصدفة على صفحة ال activities ولاحظت حاجة عني الا وهي : انا بعمل لايك لإيه ؟ - مواقف فيها قيم اخلاقية - صور شخصية صاحبها حابب يوصل من خلال...
لما تلاقي نفسك شايل مشاعر سلبية من حد اجتمعت فيه ا...
views 119
لما تلاقي نفسك شايل مشاعر سلبية من حد اجتمعت فيه الصفتين (النجاح والخير) غلط نفسك Source...
عقلك قوي بيك … عقلك الباطن من ضمن الخصائص ...
views 1228
عقلك قوي بيك ... عقلك الباطن من ضمن الخصائص الخاصة بيك انه المطبخ اللى بيطلع النتايج اللى بتحصل عليها ، انت بتديله المقادير وهو بيبدأ يطبخ .. ولحد ه...
ماذا لو تركنا البحث عن السبب...
views 2170
    ماذا لو تركنا البحث عن السبب وغرقنا في الاستمتاع بما نعيشه مايفيدك لو علمت ماذا يفعل الساحر كي يبهرك اذا كان الانبهار هو ماتري...
الحمد لله انتهيت حالا من تقديم مداخله بكورس ال ٥٠ ...
views 61
الحمد لله انتهيت حالا من تقديم مداخله بكورس ال ٥٠ مدرب للمدرب محمد زكريا . استمتعت جدا بوجودي من حبه حلوين جدد وان شالله اشوفكم جامدين جدا وتكسروا ا...

About the author

nihadragab