– ازاي اتحكم في رغباتي ؟
– مين قالك انها رغباتك ؟
– لاني انا اللي بطلبها !
– مين اللي بيطلبها عقلك ولا جسمك ؟
– مش عارف ! انا اكيد
– ولو متحققتش هيحصل ايه ؟
– هتعب
– عرفت منين ؟
– لان ده الطبيعي انه يحصل
– ولو اتحققت ؟
– هكون مبسوط
– لانك حققت رغباتك ولا حققت رغبات جسمك ولا حققت رغبات عقلك ؟
– ماهو انا جسمي وعقلي
– لا ياصديقي انت منفصل عنهم
– ازاي يعني ؟!
– ايه اللي يخلي رغباتك تحصل في الوقت اللي انت بتحاول تمنعها فيه ؟
– لان جسمي طلب كده .
– يعني انت رغبت في حاجه وجسمك رغب في حاجه تانية ؟
– ايوه .. فهمتك . طيب ازاي اتحكم في رغبات جسمي
– متقدرش تتحكم في رغبات كيان منفصل عنك .. بس تقدر تمتلك الكيان وتتحكم فيه .
– ازاي ؟
– عن طريق انك تمرر رغباتك انت وتقنعه بيها ..
– ماهو مش هيسكت
– لا هيسكت
– ازاي ؟
– جسمك عامل زي الطفل الزنان ، عايز حاجه فجأة من غير حساب او عمل او فهم ومنطق ، لو عملت للطفل اللي هو عايزه لما يزن ، هيحصل ايه ؟
– هيزن تاني علشان ياخد اللي هو عايزه
– طب لو رفضت وعنفته ؟
– هيعيط
– طب لو اديته بديل واقنعته ؟
– هيوافق ويهدى ، بس ده ايه علاقته ؟
– رغباتك هي عباره عن افكار بيتواصل بيها جسمك معاك ، بتخليك تفهم انك في حرب مستمره بين نفسك وجسمك وعقلك علشان واحد فيهم اللي يسيطر على الباقيين .
– وده اعرفه ازاي ؟
– لو انت وزنك زايد ، هفهم ان جسمك مسيطر وساعتها هتعامل مع جسمك مش مع عقلك او نفسك ، ولو شوفتك بتهتم بمظهرك هعرف ان عقلك هو المتحكم في الامر ، ساعتها هعرف اتعامل معاك من خلال عقلك مش من خلال جسمك ولو عرفت ان نفسك هي اللي مسيطره عليك من خلال المشاعر هفهم اني هتواصل معاك بالمشاعر مش بالمنطق او بالجسد .
– وانا اعرف منين ايه اللي بيسيطر عليا ؟
– من خلال رغباتك .. انت نفسك في ايه دلوقتي حالا !
– وبعد ما اعرف ده هعمل ايه ؟
– سهلة .. هتفهم من خلال رغبتك ايه اللي بيحاول يسيطر عليك ، هتبدأ تراقب كل الافكار اللي هتجيلك واللي هيحاول يكلمك من خلالها .. هتقيسها بالمنطق والعقل وهترفضها او تقبلها .. بس لو رفضتها هتبدأ تتكلم مع الجزء ده جواك وتديله بديل .. ولو رفضه هتمنع البديل بس مش هتحقق رغباته
– ماهو هيزن ويعيط ..
– محدش يقدر يزن طول الوقت .. في النهاية هيفهم انك انت المتحكم الاول في كيانك بالكامل .. وبدل ما هيطالبك هيبدأ يستأذنك من وقت للتاني بأدب .
– طيب لو عملتله اللي هو عايزه في لحظتها ؟
– هيقل تحكمك وهيسيطر هو لحد ما تتعكس المعادلة .
– ممكن مثال ؟
– لو بتحاول توصل للوزن المثالي ، هتكتشف ان رغباتك اغلبها في الاكل .. هتحس بجوع في بطنك هتحس انك تعبان طول الوقت ، هتفكر في الاكل .. بس لو فهمت كلامي هتعرف ان احساس الجوع مش موجود في بطنك هو موجود في عقلك مش اكتر ، وان الرغبة حصلت لما جسمك حس انك بتمنعه عن حاجه وانك كده بتسيطر عليه بنفسك . لو وافقت للرغبة هتقل من نظر جسمك وهيسيطر عليك ولو استحملت وعديت الرغبات واتحكمت فيها وكملت مشروعك الافكار والرغبات المخالفة مش هتتجرأ عليك تاني .
– ايه دليلك ان احساس الجوع مش في بطني ؟!
– انك لو نمت وصحيت هتنسى اصلا انك كنت جعان . زي الصيام في رمضان . الناس بتنام علشان تنسى الجوع . وبينجحوا فعلا . لو كانوا فعلا جاعنين مكنوش قدروا يناموا .
– نفسك في ايه دلوقتي حالا ؟
– مش عارف
– قرر انك يكون عندك رغبة ونفذها علشان تفهم انك انت اللي بتحدد رغباتك وبتنفذها مش بتستناها تحصل لوحدها وتتحكم فيك .
– وده ازاي ؟
– ده في حلقه جديده معاك يا صديقي .

نهاد رجب
#حوارـتخيليـمعـصديق




Source

مقالات مرتبطة

كورس ممارس التنويم الإيحائي ، المنهج اللى بمنتهى ا...
views 116
كورس ممارس التنويم الإيحائي ، المنهج اللى بمنتهى الثقة أقدر أقول إنه أقوى مناهج التنويم الإيحائي في مصر والشرق الأوسط . لأكتر من سبب أهمهم : - المان...
سر إختراق العقل الأول | للإقناع والتحكم في المشاعر...
views 1876
سر إختراق العقل الأول | للإقناع والتحكم في المشاعر | نهاد رجب انضم للصفحة وادعوا اصدقائك للاستفادة. الصفحة الرسمية للمدرب والمعالج نهاد رجبhttps://ww...
كل يوم بيظهر استطلاع رأي جديد بيعلن مختلفة عن اللي...
views 260
كل يوم بيظهر استطلاع رأي جديد بيعلن مختلفة عن اللي قبله، وده بيخلي الناخبين مش عارفين يصدقوا الاستطلاعات، ولنا في الانتخابات الأمريكية خير مثال. ود...
هتفرج لو سبتها تفرج .. اتخلقنا نعيش والكون يخدمنا....
views 3481
هتفرج لو سبتها تفرج .. اتخلقنا نعيش والكون يخدمنا. نسينا الحكمة واتعكست الآيه وبقى معظمنا عبيد لخدامنا. . سيب واتحرر وخلي اللي يحصل يحصل وصدقني هتفرج...
اليوم هو الأخير في دبلوم التنويم بالإيحاء بالقاهره...
views 170
اليوم هو الأخير في دبلوم التنويم بالإيحاء بالقاهره ثم الانطلاق ان شاء الملك الليله الى الاسكندرية الساحرة لتقديم دبلوم التنويم بالإيحاء والتجهيز لتدري...
كنت واقف برة المطار مستني ال Check in يبدأ ، مستني...
views 128
كنت واقف برة المطار مستني ال Check in يبدأ ، مستني ارجع القاهرة ، واتعرفت على شاب تونسي وشاب تركي كانوا مستنيين .. بتكلم مع التونسي فقولتله انا بحب تو...
كل حاجه عايزها دخلت في ادراكك وطالما قدرت تدركها ...
views 66
كل حاجه عايزها دخلت في ادراكك وطالما قدرت تدركها تبقى قادر تحصل عليها لو مكنتش ليك مكنتش هتفهمها ولا هتشوفها من البدايه احنا بنطلب فقط اللي نقدر نفه...
Test
views 177
Test Sent from my iPhone
من ضمن العجائب ان الناس حاصره ملتون اريكسون في الأ...
views 1355
من ضمن العجائب ان الناس حاصره ملتون اريكسون في الأنماط اللغوية. وده غريب لان ملتون اريكسون اسهاماته اكبر بكتير من مجرد تركيبات لغوية. براعه الفم...
” ابدأ بالسؤال الاسهل ” ساعات بحس ان ...
views 46
" ابدأ بالسؤال الاسهل " ساعات بحس ان الدنيا لما بتتعقد ، كل حاجه بتتعقد ولما بييجي الفرج بييجي بوفره تنسيك اي عقده قديمة من فتره مريت بظروف صعبه و...

About the author

nihadragab

1 Comment