انا مؤمن ان السعادة والحزن والغنى والفقر والقوة والضعف هي عبارة عن موجات بنتواجد فيها من وقت للتاني .

زي موجات البحر .. لو مكنتش موجوده هيموت ويفسد ، حتى لو استمرينا في موجه واحده .. لازم تحركنا الامواج الباقيه علشان نفتكر دايما اننا عايشين وبنتحرك .

يمكن صوت الامواج وشكلها في النهار مع اشعه الشمس وانعكاس لون السما ، بيديلك احساس بالأمان . ونفس الامواج في الليل وغياب النور والسواد الحالك ، بيديلك احساس بالكئابه والخوف ..

الفرق انك في النهار بتسمع صوتها بيضحك وهي بتلامس شط البحر ، وفي الليل بيتهيألك أصوات وعواصف . وديه الحياه .. موجات كبير متداخله .. بتخبطك وبتحاوطك وبتكبر بيك وبتفضل تلف في دايره الموجه لحد ما تداخل مع موجه تانيه .. الموجه الاول بتتجه للشط وبترجع الرياح تخلق موجه جديده بتندمج مع موجتك الحاليه وبتغيرها وبتروح معاها ، لحد ما تلاقي نفسك في موجه تالته ورابعه وهكذا ..

هتستمتع بالانتقالات المتعدده لو شوفت بالنور .. حتى لو مع غياب النور .. ساعتها هتحس براحه حتى في اعتى الامواج .. لانك شايف بالنور اللي جواك .. خوفك بس لو النور اتقلب لظلام ومبقتش شايف حاجه .. ساعتها لو موجه السعاده خدتك مش هتاخد بالك لانك مش شايف ، قلقان وخايف .

ساعتها بتتوهم انك في موجه واحده ، الحياه بتتغير حواليك والامواج بتتغير بس غياب النور من عنيك بيحسسك انك موجه واحده وده اللي بيخلي بحر حياتك يفسد ويموت حتى وهو بيتحرك وبتتغير امواجه .

حتى وانت بتوجه السفينه مع الرياح علشان توصل لهدفك .. هتقابلك امواج .. لازم تقابلك الامواج .. بس انت لسه بتوصل اسرع .. في اللحظه اللي انت ههتنزل فيها الشراع وتشيل ايدك .. فجأه كده فجآه النور هيختفي .. النور مش هيساعد الا اللي عايز يشوف ..

انا معرفش انت في انهي موجة .. بس انا اعرف انك لسه عايش .. قرر انك تشوف ساعتها بس هتلاقي النور خارج منك وبيوريك وساعتها بس ساعتها هتلاقي كل الامواج ديه اتحولت فجأه لأمواج دمها خفيف وصوتها حلو بتسمعه بيخبط شط البحر وحياتك بتعاكسك وبترجع تاني جوا البحر .

النور في عنيك ياصديقي النور في عنيك

نهاد رجب




Source

مقالات مرتبطة

ده مش نص اكتئابي ده كلام لو فعلا فهمته … هت...
views 2355
بستغرب الناس اللى متمسكة بالدنيا بتخاف اوي من الموت نسيوا انهم كانوا خايفين من الحياة ومتمسكين بالعدم في يوم من الايام ونسيوا ان الموت هو...
أربع مراحل لمعادله الأربع خطوات لحث حاله التنويم ا...
views 99
أربع مراحل لمعادله الأربع خطوات لحث حاله التنويم الإيحائي التنويم الإيحائي هو تقنيه معروفه حول العالم حيث انه افاد الآلاف ممن خضعوا لحاله التنويم ال...
سبحان الملك انا عندي مشكلة حقيقية في كل ضروسي ول...
views 62
سبحان الملك انا عندي مشكلة حقيقية في كل ضروسي ولازم اروح لدكتور اسنان والم عجيب محتاج 20 جلسه تنويم ذاتي علشان يخف بس مش يختفي وصدري بيوجعني وجع ج...
جميلة جدا قرب الموبايل لطرف انفك وأبعده ببطئ وهت...
views 6188
جميلة جدا قرب الموبايل لطرف انفك وأبعده ببطئ وهتشوف زرافة 3D :) ماترمش ؛) Source
نهاد رجب خليك واقعي
views 2273
الواحد لو ركز مع الدنيا هيحس ان فيها حاجة غلط تخليك عارف انها تخاريف وأضغاث أحلام بس انت بتحاول تتجنب الفكرة ديه علشان انت مش فاهم...
سنة جديدة ؟ ماذا تعني ؟ لا أفهمك . نهاد رجب...
views 1945
خدعوك فقالوا السنة الجديدة   ويستمرون بخداعك كي تظن أن تستطيع البدء من الآن   ويطلبون منك أن ترسم الخطة   وحينما تنتهي من كتابه قائمة باحلامك...
لكل المشتركين والحاجزين بكورس ممارس التنويم الإيحا...
views 52
لكل المشتركين والحاجزين بكورس ممارس التنويم الإيحائي - اغسطس 2018.. ان شالله قريبا هيتم الاعلان بشكل رسمي عن خروجة جماعيه يوم الجمعه (تاني اسبوع) هنلع...
انا مبقفش ومبعرفش اقف ولو حاولت .. معنديش نقطة وصو...
views 339
انا مبقفش ومبعرفش اقف ولو حاولت .. معنديش نقطة وصول .. نقطة وصولي هي مجرد بداية .. بفشل في إني أفشل .. كل حاجة في الدنيا ديه بتاعتي .. همتلكها بإيدي أ...
وما بعد ؟ الناس اللي قريبين مني عارفين اني عندي ...
views 34
وما بعد ؟ الناس اللي قريبين مني عارفين اني عندي هوس بتطوير منهج التنويم الإيحائي ، ويمكن مفيش كورسين عملتهم ورا بعض جوا مصر او بره مصر الا وعدلت وغي...

About the author

nihadragab