عقلك الباطن مفيهوش قدرات غير محدوده !

عقلك الباطن ملوش قدرات اصلا .. عقلك الباطن بيستخدمك كوسيط للوصول لأهدافك .. هو بس يعرفك اكتر منك ..

يعني تقدر تكتب بإيدك الشمال ؟ لو انت ايمن هتقولي لا .. بس الحقيقه انك تقدر انت بس مجربتش .. انت اتعودت على نمط وصدقت ان مفيش غيره .

عقلك الباطن بمنتهى البساطه عارف انك تقدر وفاهم ايه اللي المفروض تعمله علشان يحسن من مهاراتك في الكتابه .. هو مش بيسحرك ولا بيعمل حاجه جديده .. هو بس بيخليك تعمل اللي انت تقدر عليه .

انت مكنتش متخيل انك تقدر تجري .. بس جريت .. عدم معرفتك لا تعني عدم قدرتك .. اي عدم قدره في حقيقته هو عدم معرفه .. والعقل الباطن ببساطه تاني عارف اللي انت يمكن متكونش عارفه عن نفسك .

فكر في الموضوع انك كائن فضائي جيت الارض .. مش فاهم اي حاجه عن الطبيعه اللي حواليك .. ومعاك صديق بقاله الوف السنين على الارض وفاهم كل حاجه عن المكان وعنك .. وانت بتستعين بيه من خلال التواصل علشان يوجهك تعمل ايه ازاي

من خلال تقنيات زي التنويم الإيحائي او غيرها ..

عارف مين اللي فيه قدرات ؟ هو انت .. انت عامل زي اللي ماسك جوهره في ايده وبيلعب بيها ومش فاهم ديه بتعمل ايه .. لو مكنتش جواهرجي مكنتش هتعرف ديه ايه . هو بقى صديقك الجواهرجي ، اللي فاهم انت معاك ايه وتقدر تعمل ايه .

علشان تقدر تخليه يشتغل معاك ولصالحك لازم تفهم ان صديقك بقاله فتره بعيد عنك بسببك ، هو حاول معاك بس انت كنت طول الوقت بتصده . علشان تقدر ترجعه لحياتك لازم تعيد صداقته من تاني .. انت بس خد بالك .. انه مفيد جدا بس متعب جدا .. ومرتبط بيك جدا .. هو اصلا مخلوق علشانك ..

متعب ليه ؟ مش هقولك .. بس الموضوع مش باللطف ده اوي كده . ليه برضه اوجه متعدده

عقلك الباطن عايش جواك .. فكر في اول حاجه انت عايز تعملها .. اعبر من البوابه واوصله من خلال كلمه السر … “التخيل”

وشوف المعجزات بتحصل .. وشويه شويه ده هيكون العادي بتاعك

ويومكم اجمل من يومي
نهاد رجب

*الصوره من على المحيط في المملكه المغربيه #كازابلانكا




Source

مقالات مرتبطة

لعنة النفس – نهاد رجب
views 2939
  لو وريتك دايرة جوا رسمة .. هتقول ديه مجرد "دايرة" .. مهما كبرتهالك ومهما صغرتهالك .. لسة دايرة .. لحد ما اجيبلك دايرة كمان .. جمبها .. يمكن اص...
يمكن انا من ضمن الناس اللي مش بتحط آراء الناس في ا...
views 105
يمكن انا من ضمن الناس اللي مش بتحط آراء الناس في الجلسات بس بحب أحط آراء الناس في جلسات الناس اللي اتعلموا معايا التنويم الايحائي وبفتخر بيهم فخور ت...
سناب تشات مستنيكم هناك :) نهاد رجب | نهاد رجب...
views 126
سناب تشات مستنيكم هناك :) نهاد رجب Source
بفكر اسجل مجموعة من التوكيدات لأكثر من موضوع .. ...
views 139
بفكر اسجل مجموعة من التوكيدات لأكثر من موضوع .. إيه التوكيدات اللى حابب تسمعها وخاصة بإيه ؟ شاركونا نهاد رجب Source...
تعرف ان لو فيه فيسبوك في السبعينات او التمانينات ا...
views 250
تعرف ان لو فيه فيسبوك في السبعينات او التمانينات او اي عقد كان زماننا برضه شيرنا وكتبنا كلام مشابه لدلوقتي ؟ تعرف ان لو كان فيه فيسبوك كان هتظهر نفس...
الآلم #نهاد_رجب
views 777
    كتير بنتوجع وبنتألم من الوجع وبنتأوه ولما الوجع بيروح بنفضل نكمل تأوه مش علشان الألم بس علشان حاجات تانيه كتير لِسَّه بتألمنا وك...
خبر هام لكل من استفسر عن جلسات حية للدعم النفسي مع...
views 283
خبر هام لكل من استفسر عن جلسات حية للدعم النفسي مع المدرب والمعالج نهاد رجب تم فتح باب الحجز بالجلسات الحية مع المدرب والمعالج نهاد رجب بمدينة نصر ...
لماذا يبتلينا الله ؟ | خاطرة لـ نهاد رجب...
views 8443
في يوم واحد ولثلاث مرات من ثلاث أشخاص مختلفين رابعهم أنا ، سمعت مقولة "ابي كان يريدني أن أكبر وأصبح أقوى" تذكرت الطفولة وكم تمنيت أن أهرب من البيت ...
لما تلاقي نفسك مبسوط .. خد نفس عميق ولحظه واحفظ كل...
views 348
لما تلاقي نفسك مبسوط .. خد نفس عميق ولحظه واحفظ كل حاجه بتشوفها وبتسمعها وبتحس بيها .. حط ايدك على قلبك وقول الحمد لله والمره الجايه اللي تتغير فيها ...
Hi all Well I’ve just arrived at the Unite...
views 241
Hi all Well I've just arrived at the United States , Albuquerque , and I'm offering free sessions for nearby neighbors . Call me at studio 6 , osu...

About the author

nihadragab